ភ្នំពេញ៖ Mekong Strategic Partners (MSP) សហការជាមួយ Seedstars World (Seedstars) ក្រុមហ៊ុន Smart Axiata និងDevelopment Innovation របស់ USAID បានប្រកាសពីការដាក់ដំណើរការកម្មវិធី SmartScale ដែលជាកម្មវិធីជួយពន្លឿន និងជំរុញអាជីវកម្មដែលទើបបង្កើតថ្មីនៅក្នុងប្រទេសកម្ពុជា។
SmartScale នឹងចាប់ផ្តើមនៅក្នុងខែឧសភា ឆ្នាំ២០១៩ សម្រាប់រយៈពេលបីខែ។ ក្រុមហ៊ុនអាជីវកម្មទើបចាប់ផ្ដើមថ្មី ដែលមានមូលដ្ឋាននៅកម្ពុជាចំនួន ១៥ នឹងទទួលបានការបណ្ដុះបណ្ដាលយ៉ាងហ្មត់ចត់ ដោយផ្អែកលើកម្មវិធីដែលរៀបចំឡើងដោយ Seedstars ។ កម្មវិធីនេះមានគោលដៅលើកកម្ពស់ការធ្វើឲ្យកាន់តែប្រសើរឡើង ពីផលិតផលទៅទីផ្សារ និងពង្រីកទំនាក់ទំនងអតិថិជន ដោយបង្កើនការផ្ទេរចំណេះដឹង និងទទួលការណែនាំពីអ្នកជំនាញ។ អ្នកជំនាញសហគ្រិនពេញម៉ោង២នាក់ ដែលស្ថិតនៅក្នុងលំនៅដ្ឋាន អ្នកជំនាញវិនិយោគអន្តរជាតិ និង គ្រូបង្ហាត់ថ្នាក់ជាតិនិងអន្តរជាតិជាង២០នាក់ នឹងក្លាយជាផ្នែកមួយនៃកម្មវិធីដែលបានរចនានេះ។
លោក Bora Kem ជាដៃគូនៅ MSP បានមានប្រសាសន៍ថា ការផ្តល់ការណែនាំ និងការគាំទ្រផ្នែកបច្ចេកទេស មានសារៈសំខាន់ខ្លាំងណាស់ សម្រាប់ការទទួលបានជោគជ័យយូរអង្វែងរបស់អាជីវកម្មទើបបង្កើតថ្មី។ លោក Bora Kem បញ្ជាក់បន្ថែមថា៖«ជាមួយ SmartScale យើងនឹងផ្តល់ជូននូវការចាប់ផ្តើមអាជីវកម្ម ជាមួយអ្នកណែនាំដែលមានបទពិសោធន៍ក្នុងពេលសហការជាមួយ Seedstars ដើម្បីធ្វើកម្មវិធីបណ្ដុះបណ្ដាលក្នុងថ្នាក់ដែលល្អបំផុតបែបសកល។ យើងសង្ឃឹមថានឹងជួយសម្រួលដល់ចំណាប់អារម្មណ៍ក្នុងតំបន់ លើអាជីវកម្មក្នុងប្រទេសកម្ពុជា និងនាំពួកគេទៅកាន់ឆាកអន្តរជាតិ»។
អាជីវកម្មទើបបង្កើតថ្មីដែលបានជ្រើសរើស នឹងមានឱកាសរីករាយជាមួយកន្លែងធ្វើការដោយឥតគិតថ្លៃ នៅក្នុងបរិយាកាសដែលមានការជំរុញការចូលរួមដោយសេរី ការគាំទ្រពីក្រុមហ៊ុនក្នុងស្រុក ការជួបជាមួយសហគ្រិននៅក្នុងលំនៅដ្ឋានផ្ទាល់រៀងរាល់សប្តាហ៍ ជាមួយនឹងមាតិកាប្រចាំសប្តាហ៍ ដែលផ្តល់ដោយអ្នកឯកទេសជាក់ស្តែង។ ពួកគេក៏នឹងមានលទ្ធភាពទទួលបានការវិនិយោគរហូតដល់ទៅ ១០ម៉ឺនដុល្លារ ពី Smart Axiata Digital Innovation Fund (SADIF) និងបណ្តាញអ្នកវិនិយោគ Seedstars ព្រមទាំងទទួលបានអត្ថប្រយោជន៍បច្ចេកវិទ្យាដែលមានតម្លៃរាប់ពាន់ដុល្លារដូចជា Xero, HubSopt និង Amazon Web Services។
លោកស្រី Kate Heuisler ប្រធាននៃ Development Innovations បានមានថ្លែងថា USAID ចង់គាំទ្រសហគ្រិន លើមាគាឆ្ពោះទៅរកការពឹងផ្អែកដោយខ្លួនឯង ជាពិសេសអ្នកដែលត្រូវការការណែនាំជាច្រើនពីអ្នកជំនាញការ នៅក្នុងវិស័យវិនិយោគ ដើម្បីទទួលបានអតិថិជនកាន់តែច្រើន ហើយបង្កើនប្រាក់ចំណូល និងចុងក្រោយទទួលបានហិរញ្ញប្បទាន ឬការវិនិយោគ»។
លោក Thomas Hundt នាយកប្រតិបត្តិ ក្រុមហ៊ុន Smart Axiata បានមានប្រសាសន៍ថា សហគមន៍នៃអាជីវកម្មទើបបង្កើតថ្មី ប្រាថ្នាចង់បានកម្មវិធីបែបនេះ ដែលវានឹងដើរតួជាស្ពានសម្រាប់អាជីវកម្មទើបចាប់ផ្ដើមថ្មីក្នុងស្រុក ឈានទៅរកដំណាក់ការលូតលាស់។ លោក Thomas Hundt បន្តថា៖«ក្រុមហ៊ុន Smart មានសេចក្តីសោមនស្សរីករាយ ដែល MSP ជាមួយការគាំទ្រពីក្រុមការងារ Seedstars និងDevelopment Innovations កំពុងសាកល្បងកម្មវិធីថ្មីនេះ ដែលជាចំណែកដ៏សំខាន់មួយ នៃការធ្វើដំណើរតាមប្រព័ន្ធអេកូឌីជីថលនៅក្នុងប្រទេសកម្ពុជា។ យើងសង្ឃឹមថា នឹងអាចរកឃើញ និងពង្រីកគំនិតច្ចេកវិទ្យាដ៏ល្អបំផុតនៅកម្ពុជា»។
កម្មវិធីនេះ នឹងបើកនៅថ្ងៃទី ១០ ខែមេសា។ សម្រាប់ព័ត៌មានបន្ថែមនិ ងការធ្វើបច្ចុប្បន្នភាពលើ SmartScale សូមចូលទៅកាន់
smartscalekh.com៕
(អត្ថបទពាណិជ្ជកម្ម)