ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
ខ្លាញ់អាចធ្វើឲ្យទំហំចង្កេះរីកធំ និងប្រឈមខ្ពស់នឹងជំងឺបេះដូងបាន។ មែនហើយ វាគឺជារឿងល្អវិញ ដោយសារតែខ្លាញ់ខ្លះគឺជាខ្លាញ់ល្អដែលមានឥទ្ធិពលខុសគ្នា។ ហេតុដូច្នេះហើយ យកល្អគួរតែកុំបង្អត់ជាតិខ្លាញ់សោះអី។ មនុស្សយើងត្រូវការខ្លាញ់ល្អដើម្បីរស់នៅបានយូរ និងមានសុខភាពល្អ។ ម្យ៉ាងវិញទៀត អ្នកអាចកាត់បន្ថយការញ៉ាំខ្លាញ់អាក្រក់បានបើសិនជាគោលដៅរបស់អ្នកចង់រស់នៅឲ្យបានអាយុ១០០។ 
និយាយដល់ខ្លាញ់ល្អ វាគឺជាខ្លាញ់មួយប្រភេទដែលបានមកពីរុក្ខជាតិ និងសត្វខ្លះដែរ។ ខ្លាញ់ល្អនឹងជួយសម្រួលដល់ការបឺតស្រូបជីវជាតិក្នុងប្រព័ន្ធរំលាយអាហារ ជាពិសេស វីតាមីនដែលរលាយក្នុងខ្លាញ់ដូចជា វីតាមីន A, D, E និង K។ រាងកាយត្រូវការខ្លាញ់ល្អ ដើម្បីបង្កើតជាអ័រម៉ូន។ អ្នកក៏ត្រូវការខ្លាញ់ល្អដើម្បីថែរក្សាស្បែកឲ្យមើលទៅក្មេង និងគួរឲ្យស្រឡាញ់ដែរ។ ពិតណាស់ រាងកាយត្រូវការខ្លាញ់ល្អដើម្បីការពារបេះដូងពីភាពគ្រោះថ្នាក់នានាដែរ។ ខ្លាញ់ល្អមានសារៈសំខាន់ណាស់ក្នុងការថែរក្សាប្រព័ន្ធបេះដូងសរសៃឈាម ថែរក្សាសរសៃឈាមឲ្យនៅសុខភាពល្អ ហើយក៏ជួយបញ្ចុះខ្លាញ់អាក្រក់ផងដែរ។ ប្រភពខ្លាញ់ល្អ ដែលល្អបំផុតនោះមានក្នុងត្រីសាលម៉ុង ធូណា និងសាឌីន។ គ្រាប់សណ្តែកដី និងគ្រាប់ផ្លែឈើក៏ដូចគ្នាដែរ។
បើសិនជាអ្នកចង់សម្រកទម្ងន់ យកល្អគួរតែបញ្ចូលខ្លាញ់ល្អទៅក្នុងរបបអាហារអ្នកផងទៅ។ ព្រោះវានឹងធ្វើឲ្យអ្នកសប្បាយចិត្ត វាអាចជួយអ្នកពីការញ៉ាំអាហារច្រើនៗ។ ក្រៅពីនេះ វានឹងផ្តល់ជាថាមពលតាមតម្រូវការ ឬអាចហាត់ប្រាណបានទៀងទាត់ទៀត។
និយាយដល់ខ្លាញ់អាក្រក់វិញ គេហៅវាថាខ្លាញ់អាក្រក់បែបនេះដោយសារតែវាអាចបង្កផលប៉ះពាល់ដល់សុខភាពបាន ជាពិសេសបើសិនជាញ៉ាំច្រើនពេក។ គ្រូពេទ្យនិយាយថា របបអាហារដែលមានខ្លាញ់អាក្រក់ច្រើនគឺជាកត្តាប្រឈមនឹងជំងឺធ្ងន់ធ្ងរជាច្រើនដូចជា ធាត់ជ្រុល ទឹកនោមផ្អែម ជំងឺបេះដូង និងមហារីកមួយចំនួនផង។ ខ្លាញ់អាក្រក់អាចធ្វើឲ្យរាងកាយបង្កើតជាជាលិកាខ្លាញ់ច្រើន ដែលអាចក្លាយជារបៀបបង្កើតជាជំងឺធាត់ជ្រុល និងទឹកនោមផ្អែម។ ការដែលមានខ្លាញ់ច្រើន អាចធ្វើឲ្យប្រឈមនឹងមហារីកបានដោយសារតែវាបង្កើតអ័រម៉ូនច្រើនពេក។
ការដែលមានជាលិកាខ្លាញ់ក្នុងរាងកាយច្រើន អាចបង្កើនការប្រឈមនឹងជំងឺបេះដូងបានដោយសារតែការធាត់ជ្រុល និងរលាក ដែលវាទាំងពីរនេះអាចធ្វើឲ្យកើតជំងឺដល់ស្លាប់បាន។ កាលណាយើងញ៉ាំអាហារសម្បូរខ្លាញ់អាក្រក់នេះច្រើន វានឹងធ្វើឲ្យកើតជាកំណកជាប់សរសៃឈាមអាក់ទែ និងលើសសម្ពាធឈាម។ ប្រភពខ្លាញ់អាក្រក់ភាគច្រើនគឺមានក្នុងអាហារសាច់សត្វដូចជា សាច់ និងស្បែករបស់សាច់មាន់។ ក្រៅពីនេះ អាហារចៀន ឬឆាដែលប្រើខ្លាញ់ច្រើនៗ និងអាហារកៃឆ្នៃក៏ជាប្រភពខ្លាំងមួយនៃខ្លាញ់អាក្រក់ផងដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
