អន្តរជាតិ
មូលហេតុអ្វីបានជាផ្កាមានក្លិនខុសៗគ្នា?
× នៅពេលដែលអ្នកគិតអំពីផ្កា អ្នកតែងនឹកឃើញអំពីក្លិនដ៏ក្រអូបរបស់វា។ ដូចជាផ្កាម្លិះ ផ្កាចម្ប៉ា ឬ ផ្ការំដួលជាដើម។ ប៉ុន្តែវាមិនមែនផ្កាសុទ្ធតែក្រអូបហូតនោះទេ។ ផ្កាមួយចំនួនដែលមានដូចជាផ្កា Titan Arum ដែលភាគច្រើនដុះនៅតាមកោះស៊ូម៉ាត្រា ប្រទេសឥណ្ឌូនេស៊ី ត្រូវបានគេដឹងថាមានក្លិនស្រដៀងនឹងសាកសព្វសត្វស្លាប់អ៊ីចឹង។ ចុះមូលហេតុអ្វីបានជាផ្កាមានក្លិនខុសៗគ្នាច្រើនម្ល៉េះ?
គេហទំព័រ explorecuriocity.org បានពន្យល់យ៉ាងដូចនេះថា ផ្កាមានប្រភេទក្លិនខុសៗគ្នា ដោយសារវាមានទំនោរក្នុងការទាក់ទាញពពួកសត្វល្អិតខុសៗគ្នា។ ផ្កាដែលមានក្លិនក្រអូប ភាគច្រើនត្រូវការឃ្មុំ ឬមេអំបៅធំៗជាដើម។
ចំណែកឯសត្វរុយដែលចូលចិត្តកន្លែងកខ្វក់ ភាគច្រើនចូលចិត្តទៅរកផ្កាដែលមានក្លិនមិនល្អដែរ។ ផ្កាដែលមានក្លិនផ្អួរ ទាក់ទាញសត្វប្រចៀវ។ ចំណែកឯផ្កាដែលបញ្ចេញក្លិនដូចផ្លែឈើ ទាក់ទាញពពួកសត្វកញ្ចែ។
មិនត្រឹមតែប៉ុណ្ណោះ ពពួកផ្កាអ័រគីដេមួយចំនួនក៏បានវិវត្តខ្លួនឲ្យមានរាងដូចសត្វល្អិតញី។ នៅពេលសត្វល្អិតឈ្មោលឃើញ វាក៏ទៅបន្តពូជនៅលើផ្កានោះ តែវាគ្រាន់តែជាការបន្លំភ្នែកទេ។
បាតុភូតនៅត្រូវបានគេហៅថា «Coevolution» គឺបានន័យថាពពួកសារពាង្គកាយពីរប្រភេទវិវត្តដើម្បីទាញប្រយោជន៍ពីគ្នាទៅវិញទៅមក។ ទាំងនេះគឺដោយសារគោលបំណងតែម្យ៉ាងគត់ គឺការបំភាយលំអងរបស់ផ្កាទាំងនោះឲ្យបានឆ្ងាយ ពោលគឺនៅតាមជើង និងដងខ្លួនរបស់សត្វល្អិត ដើម្បីឲ្យដើមរុក្ខជាតិទាំងនោះបង្កើតពូជជំនាន់ក្រោយរបស់វាតទៅទៀត៕
© រក្សាសិទ្ធិដោយ thmeythmey.com