ជាតិ
លោក ប៉ា សុជាតិវង្ស ឡើងឋានៈស្មើទេសរដ្ឋមន្ត្រី រូបពីហ្វេសប៊ុករបស់លោក ប៉ា សុជាតិវង្ស
× ព្រះមហាក្សត្រ បានចេញព្រះរាជក្រឹត្យនៅថ្ងៃទី១៣ ខែមេសា ឆ្នាំ២០១៩ តែងតាំងលោក ប៉ា សុជាតិវង្ស ជាទីប្រឹក្សារបស់សម្តេចនាយករដ្ឋមន្ត្រី ហ៊ុន សែន និង មានឋានៈស្មើទេសរដ្ឋមន្ត្រី។ សម្តេចនាយករដ្ឋមន្ត្រី ជាអ្នកថ្វាយសំណើទៅព្រះមហាក្សត្រ។
លោក ប៉ា សុជាតិវង្ស អាចចាត់ទុកថាជាមនុស្សម្នាក់ដែលស្និទ្ធនឹងសម្តេចនាយករដ្ឋមន្ត្រី។ លោក ធ្លាប់ធ្វើជាអភិបាលរាជធានីភ្នំពេញ។ បន្ទាប់មក លោក បន្តទៅធ្វើជាតំណាងរាស្ត្រ។
ប៉ុន្តែ លោក បានប្រកាសលាលែងពីតំណាងរាស្ត្រកាលពីពេលថ្មីៗ ដើម្បីទៅឈរឈ្មោះជាបេក្ខជនក្រុមប្រឹក្សារាជធានីវិញ ដែលការបោះឆ្នោត នឹងប្រព្រឹត្តទៅនៅអំឡុងខែឧសភា ឆ្នាំ២០១៩នេះ៕
© រក្សាសិទ្ធិដោយ thmeythmey.com