វាយប្រហារនៅស្រីលង្កា៖ អ្នកស្លាប់ឡើងជិត៣០០នាក់ ខណៈ២៤នាក់ត្រូវបានចាប់ខ្លួន

អន្តរជាតិ

វាយប្រហារនៅស្រីលង្កា៖ អ្នកស្លាប់ឡើងជិត៣០០នាក់ ខណៈ២៤នាក់ត្រូវបានចាប់ខ្លួន

22, Apr 2019 , 12:19 pm

រូបភាព

តួលេខអ្នកស្លាប់ដោយការវាយប្រហារនៅ៨ទីតាំងក្នុងក្រុង Colombo កាលពីថ្ងៃអាទិត្យ ឡើងដល់២៩០នាក់ ត្រឹមព្រឹកថ្ងៃចន្ទ។ រូបថត AFP

ដោយ: ថ្មីៗ

ការវាយប្រហារជាបន្តបន្ទាប់រហូតដល់ទៅ៨លើកនៅសណ្ឋាគារ និងព្រះវិហារកាលពីថ្ងៃអាទិត្យ ទី២១ ខែមេសា បានបណ្តាលឲ្យមនុស្សជិត៣០០នាក់ស្លាប់ និងរបួសប្រមាណ៥០០នាក់។ ដោយឡែក មនុស្សចំនួន២៤នាក់ត្រូវបានឃាត់ខ្លួន។ នេះបើតាមការផ្សាយរបស់ AFP គិតត្រឹមព្រឹកថ្ងៃចន្ទ។

កាលពីព្រឹកថ្ងៃអាទិត្យ ការបំផ្ទុះចំនួន៦លើកបានកើតឡើងនៅសណ្ឋាគារផ្កាយប្រាំចំនួន៣ (Shangri-La, Kingsbury និង Cinnamon Grand) និងព្រះវិហារចំនួន៣ ខណៈដែលមនុស្សម្នាកំពុងប្រារព្ធពិធីបុណ្យ Easter Sunday នៅក្រុង Colombo។ ប៉ុន្មានក្រោយមក ការផ្ទុះពីរលើកទៀតបានកើតឡើង។

AFP បានដកស្រង់សម្តីរបស់អ្នកនាំពាក្យប៉ូលិសលោក Ruwan Gunasekera ដែលអះអាងថា យ៉ាងហោចណាស់ ការផ្ទុះចំនួនពីរបង្កឡើងដោយអ្នកផ្ទុកគ្រាប់បែកអត្តឃាត។ តាមប្រភពពីមន្ទីរពេទ្យ ជនបរទេស៣៥នាក់ ស្ថិតក្នុងចំណោមអ្នកស្លាប់ ដែលក្នុងនោះមានជនជាតិអង់គ្លេស ហូឡង់ អាមេរិក និងព័រទុយហ្គាល់។ ជនជាតិជប៉ុន ក៏ត្រូវបានរាយការណ៍ថា ស្ថិតក្នុងចំណោមអ្នករបួសផងដែរ។

លោកនាយករដ្ឋមន្ត្រីស្រីលង្កា Ranil Wickremesinghe បានផ្តន្ទាទោសការវាយប្រហារទាំងនេះ ដោយលោកបានចាត់ទុកថា ជាអំពើហិង្សាដ៏សាហាវបំផុត បើគិតចាប់តាំងពីការបញ្ចប់សង្គ្រាមស៊ីវិលប្រមាណ១ទសវត្សកន្លងមក។ អាជ្ញាធរកំពុងស៊ើបអង្កេតជុំវិញការប្រហារទាំងនេះ៕

Tag:

ស្រីលង្កា

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

6 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

4 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

6 ថ្ងៃ

«ប្រេសិត»មានន័យដូចម្តេច?

5 ថ្ងៃ

គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ

1 ថ្ងៃ

អត្ថបទពេញនិយមបន្ថែម