អន្តរជាតិ
ប្រទេសណាខ្លះដែលធា្លប់និងកំពុងស្ថិតក្រោម«ទណ្ឌកម្ម»ក្រុមប្រឹក្សាសន្តិសុខអង្គការសហប្រជាជាតិ?
×![]()
ក្រុមប្រឹក្សាសន្តិសុខ គឺជាអង្គភាពចំណុះមួយរបស់អង្គការសហប្រជាជាតិ ដែលមានសិទ្ធិ យុត្តាធិការ និងដែនសមត្ថកិច្ចលើបេសកកម្មការងារធានាសន្តិសុខ និងសន្តិភាពរបស់អន្តរជាតិ។ ក្រៅពីសិទ្ធិប្រើកងទ័ព អនុលោមតាមជំពូក៧ នៃធម្មនុញ្ញអង្គការសហប្រជាជាតិ ក្រុមប្រឹក្សាសន្តិសុខ ក៏ជាអង្គភាពតែមួយគត់ ដែលមានសិទ្ធិចេញសេចក្តីសម្រចដំណោះស្រាយជាទណ្ឌកម្ម ដើម្បីសម្រួលដល់ការអនុវត្តបេសកកម្ម របស់ខ្លួនផងដែរ។ 
យោងតាមរបាយការណ៍ឆ្នាំ២០១៩ របស់ក្រុមប្រឹក្សាសន្តិសុខអង្គការសហប្រជាជាតិ គិតចាប់ពីឆ្នាំ១៩៦៦មក ក្រុមប្រឹក្សាសន្តិសុខ បានចេញសេចក្តីសម្រេច ដែលជាដំណោះស្រាយប្រឆាំងនឹងអង្គការ(ក្រុមជ្រុលនិយម) និង របបរបបដឹកនាំរបស់មេដឹកនាំពិភពលោក ៣០ទណ្ឌកម្ម មកហើយ។
តាមរបាយការណ៍ដដែល ទណ្ឌកម្មដែលអនុម័តកន្លងមក ផ្តោតសំខាន់លើការបិទលំហូរសេដ្ឋកិច្ច និងពាណិជ្ជកម្ម , ការហ៊ុមព័ទ្ធលើការជួញដូរអាវុធ និងការហាមប្រាមលើការធ្វើដំណើរ។ វិធានការទាំងនេះ ត្រូវបានអនុវត្តដើម្បីគាំទ្រការផ្លាស់ប្តូរដោយសន្តិវិធី, ប្រឆាំងការផ្លាស់ប្តូរតាមទម្រង់អធម្មនុញ្ញភាព, រឹតត្បិតភេរវកម្ម, ការពារសិទ្ធិមនុស្ស និងការការពារការរីកសាយភាយនៃអំពើដែលកំហែងដល់សន្តិសុខ និងសន្តិភាព។
ខាងក្រោមនេះ គឺជារបបដឹកនាំ និងអង្គការ ដែលធ្លាប់ និងកំពុងស្ថិតក្រោមទណ្ឌកម្មរបស់ក្រុមប្រឹក្សាសន្តិសុខអង្គការសហប្រជាជាតិ គិតចាប់ពីឆ្នាំ១៩៦៦៖
១. អតីតប្រទេស Southern Rhodesia ២. អាហ្វ្រិកខាងត្បូង ៣. អតីតរដ្ឋយូហ្គោស្លាវី ៤. ហៃទី ៥. អ៊ីរ៉ាក់ ៦. អង់ហ្គោឡា ៧. រវ៉ាន់ដា ៨. សៀរ៉ាឡេអូន ៩. សូម៉ាលី និងអេរីត្រេ ១០. អេរីត្រេ និងអេត្យូពី ១១. លីបេរីយ៉ា ១២. សាធារណរដ្ឋប្រជាធិបតេយ្យកុងហ្គោ ១៣. កូតឌឺវ័រ ១៤. ស៊ូដង់ ១៥. លីបង់១៦. កូរ៉េខាងជើង ១៧. លីប៊ី ១៨. ហ្គីណេប៊ីស្សូ ១៩. សាធារណរដ្ឋអាហ្វ្រិកកណ្តាល ២០. យេម៉ែន និង ២១. ស៊ូដង់ខាងត្បូង ២២. ម៉ាលី៕
Tag:
UN
UNSC
© រក្សាសិទ្ធិដោយ thmeythmey.com
