ជាតិ
សង្គមជាតិ
ក្រសួងប្រាប់ឲ្យកម្មករពិសាទឹកឲ្យញឹកញាប់ និងចៀសវាងភេសជ្ជៈជាតិស្ករខ្លាំង
×![]()
ភ្នំពេញ៖ កម្ពុជានៅបន្តរងឥទ្ធិពលបាតុភូតអ៊ែលនីណូ ដែលធ្វើឲ្យអាកាសធាតុនៅបន្តក្ដៅខ្លាំង។ ដូចនេះក្រសួងការងារ និងបណ្ដុះបណ្ដាលវិជ្ជាជីវៈ បានអំពាវនាវឲ្យកម្មករនិយោជិត និងម្ចាស់សហគ្រាស យកចិត្តទុកដាក់អវនុវត្តចំណុចមួយចំនួន ដើម្បីទប់ទល់នឹងបញ្ហាអាកាសធាតុក្ដៅខ្លាំងនេះ។
ចំពោះកម្មករនិយោជិត ក្រសួងណែនាំឲ្យបង្កើនការទទួលទានទឹកឲ្យបានច្រើន ញឹកញាប់តាមដែលអាចធ្វើទៅបាន ដោយមិនត្រូវរង់ចាំរហូតដល់ស្រេកទឹកនោះទេ។ តាមសេចក្ដីអំពាវនាវចុះថ្ងៃទី២៦ខែមេសា ក្រសួងការងារបានណែនាំឲ្យកម្មករចៀសវាងពិសាវត្ថុរាវ (ដូចជាភេសជ្ជៈកំប៉ុង) ដែលមានជាតិអាកុល ឬជាតិស្ករច្រើន ព្រោះសារធាតុទាំងនោះធ្វើឲ្យបាត់បង់ជាតិទឹកកាន់តែច្រើន។ កម្មករត្រូវកាត់បន្ថយការប៉ះពាល់នឹងកម្ដៅព្រះអាទិត្យផ្ទាល់ ដោយកម្មករអាចពាក់មួក ឬប្រើឆ័ត្រ នៅពេលចេញខាងក្រៅ និងគួរប្រើសម្លៀកបំពាក់ស្ដើងៗ។
រីឯម្ចាស់សហគ្រាស ត្រូវអនុវត្តវិធានការដែលមានកំណត់ក្នុងសេចក្ដីជូនដំណឹងរបស់ក្រសួងការងារចុះថ្ងៃទី១៨ខែមករាឆ្នាំ២០១៩ ឲ្យបានខ្ជាប់ខ្ជួន។ វិធានការទាំងនោះរួមមាន៖ រក្សាទឹកឲ្យបានគ្រប់គ្រាន់សម្រាប់ប្រើក្នុងសហគ្រាស និងផ្ដល់ទឹកបរិភោគឲ្យគ្រប់គ្រាន់ដល់កម្មករ ប្រើឧបករណ៍វាស់សីតុណ្ហភាពតាមដានការវិវត្តន៍កម្ដៅ បើកឲ្យដំណើរការប្រព័ន្ធបញ្ចេញបញ្ចូលខ្យល់ក្នុងអគារផលិតកម្ម និងស្រោចទឹកលើអគារជាដើម៕
Tag:
កម្មករ
កម្ដៅ
© រក្សាសិទ្ធិដោយ thmeythmey.com
