អត្ថបទពាណិជ្ជកម្ម
បេប៊ីអោតឡេត នឹងនាំយកចំណេះដឹងបែបវិទ្យាសាស្ត្រដល់កុមារៗ បានសាក និងប៉ះផ្ទាល់ម៉ាស៊ីនអេឡិចត្រូនិកជាច្រើនប្រភេទ
×![]()
ដោយ: ថ្មីៗ
ហាងលក់ទំនិញកុមារដ៏ធំជាងគេនៅកម្ពុជា បេប៊ីអោតឡេត នឹងនាំយកនូវកម្មវិធីថ្មី ប្លែកមួយទៀត សម្រាប់ប្អូនៗកុមារ នៅក្នុងឆាប់ៗខាងមុខនេះ នោះគឺ ពិព័រណ៌ វិទ្យាសាស្ត្រ បេប៊ី អោតឡេត។ ពិព័រណ៌ នឹងរៀបចំឡើងរយៈពេល ៣ថ្ងៃ ចាប់ពីថ្ងៃទី៣១ ខែឧសភា រហូតដល់ថ្ងៃទី ២ ខែមិថុនា ឆ្នាំ ២០១៩ នៅក្នុងបេប៊ីអោតឡេត សាខាទួលគោក។
នេះជាការនាំយកនូវបទពិសោធន៍ថ្មីមួយទៀត របស់ហាងលក់ទំនិញកុមារដ៏ធំជាងគេនៅកម្ពុជា បេប៊ីអោតឡេត មកជូនប្អូនៗកុមារ ដោយទទួលបានការសហការជាមួយ សហភាពសហព័ន្ធយុវជនកម្ពុជា។ អ្នកតំណាងរៀបចំពិព័រណ៍នេះ បញ្ជាក់ដូច្នេះថា៖«ដើម្បីអបអរសាទរដល់ទិវាសិទ្ធិកុមារ យើងខ្ញុំនឹងពាំនាំម៉ាស៊ីនវិទ្យាសាស្ត្រ ដែលសហការសហភាពសហព័ន្ធយុវជនកម្ពុជា ក្នុងគោលបំណងពង្រីកចំណេះដឹងរបស់ប្អូនៗកុមារ ឲ្យបានស្គាល់ពីបច្ចេកវិទ្យា នៃឧបករណ៍ដែលយើងប្រើប្រាស់សព្វថ្ងៃ និងគំនិតគណនាផ្សេងៗផងដែរ ដែលហៅកាត់ថា STEM (Science, technology, engineering និង mathematics»។
ក្រៅតែទទួលបានបទពិសោធន៍នេះ អ្នកម៉ាក់លោកប៉ា នឹងទទួលបានការថែមជូនប្រូម៉ូសិនពិសេសៗ ពីសំណាក់ម្ចាស់ផលិតផលជាច្រើន ដែលបានចូលរួមសហការ។ លើសពីនេះ ក៏នឹងមានការពន្យល់បន្ថែមផងដែរពីលោកគ្រូ អ្នកគ្រូ ដែលមានបទពិសោធន៍ជាច្រើនឆ្នាំ អំពីរូបវិទ្យា និងវិទ្យាសាស្ត្រ ដែលទាក់ទងនឹងឧបករណ៍ ដែលយើងប្រើប្រាស់សព្វថ្ងៃផងដែរ។
សូមនាំកូនៗរបស់បងប្អូនមកចូលរួមកុំខាន ដើម្បីផ្តល់ឲ្យពួកគេបានយល់ដឹង និងបានប៉ះពាល់ពីម៉ាស៊ីនអេឡិចត្រូនិក ដែលបង្ហាញពីវិទ្យាសាស្ត្រដ៏មានសារៈសំខាន់ ដល់មនុស្សគ្រប់គ្នា៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
