យ៉ាងណាមិញ សម្រាប់ការងារស្ម័គ្រចិត្តជួយសង្គមក្នុងការរើសសំរាមនេះផងដែរ គឺហាងកាហ្វេ E&M ក៏ដូចជាបុគ្គលិក ដែលធ្វើការនៅទីនោះ បានធ្វើឡើងក្រោមប្រធានបទ «ទីក្រុងគ្មានសំរាមគឺផ្ដើមចេញពីខ្ញុំ» ក្នុងន័យដើម្បីឲ្យទីក្រុងមានភាពស្រស់បំព្រងដោយគ្មានកាកសំណល់កខ្វក់ ក៏ដូចជាចង់ដាស់តឿនដល់អ្នកចោលសំរាមគ្មានសណ្ដាប់ធ្នាប់មួយចំនួនឲ្យងាកមកគិតគូរអំពីបរិស្ថានវិញ។

 

គួរបញ្ជាក់ផងដែរថា នេះមិនមែនជាលើកទីមួយដែលហាងកាហ្វេដ៏ពេញមួយនេះធ្វើការងារស្ម័គ្រចិត្តជួយសង្គមនោះទេ ព្រោះកន្លងមកពួកគេបានចុះជួយការងារសង្គមយ៉ាងច្រើនដូចជា ជួយចែកអំណោយឲ្យអ៊ុំៗចាស់ជរាដែលជាអ្នករត់ស៊ីក្លូជាដើម។ មិនត្រឹមតែប៉ុណ្ណោះ ក្នុងពេលខាងមុខ ហាងកាហ្វេ E&M នឹងមានគម្រោងបន្ថែមក្នុងការចុះជួយការងារស្ម័គ្រចិត្តជាច្រើនទៀត ដើម្បីជួយដល់សង្គម ក៏ដូចជាបរិស្ថានផងដែរ៕