ក្រុមហ៊ុនមួយទៀតវិនិយោគ៥លានដុល្លារ បង្កើតរោងចក្រផលិតកាបូប នៅកំពង់ស្ពឺ

ជាតិ

សេដ្ឋកិច្ច

ក្រុមហ៊ុនមួយទៀតវិនិយោគ៥លានដុល្លារ បង្កើតរោងចក្រផលិតកាបូប នៅកំពង់ស្ពឺ

04, May 2019 , 8:19 pm

រូបភាព

ដោយ:

ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តលើគម្រោងបង្កើតរោងចក្រផលិតកាបូប ជាបន្តបន្ទាប់។ នៅថ្ងៃទី២ខែឧសភានេះ CDC បានយល់ព្រមឲ្យក្រុមហ៊ុន Zhuo Jia (Cambodia) Leather Co, Ltd. បើករោងចក្រផលិតកាបូប នៅឃុំវល្លិសរ ស្រុកសំរោងទង ខេត្តកំពង់ស្ពឺ ក្រោមទុនវិនិយោគ ៥,១ លានដុល្លារ និងអាចបង្កើតការងារ ១៤៦៥កន្លែង។

រៀងរាល់មួយខែ ឬពីរខែ CDC តែងប្រកាសពីការអនុញ្ញាតឲ្យក្រុមហ៊ុនបរទេសរង្វង់ពីរបីក្រុមហ៊ុន បង្កើតរោងចក្រផលិតសម្ភារធ្វើដំណើរ (Travel goods) ឬកាបូប នៅបណ្ដាខេត្តផ្សេងៗ។ ការផលិតកាបូបនៅកម្ពុជាកាន់តែទាក់ទាញវិនិយោគិនបរទេស ពិសេសចិន ហុងកុង តៃវ៉ាន់ ចាប់តាំងពីសហរដ្ឋអាមេរិកបានផ្ដល់ការអនុគ្រោះពន្ធ ក្រោមប្រព័ន្ធ GSP ដល់ទំនិញប្រភេទនេះដល់កម្ពុជា៕