ជាតិ
សង្គមជាតិ
You Discover ៖ សៀមរាបជាប់គោលដៅទេសចរណ៍លេខ១ ភ្នំពេញលេខ៤ បាត់ដំបងលេខ១៣ ក្នុងតំបន់អាស៊ីអាគ្នេយ៍ រូបភាពពីក្រសួងទេសចរណ៍
× ក្រុងសៀមរាប បានជាប់ជាគោលដៅទេសចរណ៍លេខ១ នៅក្នុងតំបន់អាស៊ីអាគ្នេយ៍ ។ ចំណែករាជធានីភ្នំពេញ ជាប់លេខ៤ ខណៈខេត្តបាត់ដំបងទទួលបានលេខ១៣។ នេះបើតាមក្រសួងទេសចរណ៍ ដែលបានស្រង់ព័ត៌មានពីស្ថាប័នផ្សព្វផ្សាយទេសចរណ៍អន្តរជាតិរបស់អាល្លឺម៉ង់មួយមានឈ្មោះថា You Discover កាលពីថ្ងៃទី៣ ឧសភា។
តាមរយៈការវាយតម្លៃរបស់ You Discover បានឲ្យពិន្ទុ១០ ដល់ក្រុងសៀមរាបជាគោលដៅទេសចរណ៍ល្អជាងគេ ក្នុងចំណោមបណ្តាទីក្រុងទាំង៩៣ នៅក្នុងតំបន់អាស៊ីអាគ្នេយ៍ ដែលស្ថាប័នមួយនេះ ជ្រើសរើសយកទៅផ្សព្វផ្សាយ។
អមជាមួយការវាយតម្លៃនេះ ស្ថាប័នផ្សព្វផ្សាយទេសចរណ៍ពិភពលោករបស់អាល្លឺម៉ង់ ក៏បានបង្ហាញពីសក្តានុពលនៃខេត្តសៀមរាប ដែលមានប្រាសាទបុរាណជាច្រើន ជាពិសេសប្រាសាទអង្គរវត្ត ដែលជាអត្តសញ្ញាណជាតិខ្មែរ គួបផ្សំនឹងតំបន់កម្សាន្តជាច្រើនទៀត ដែលបង្កើតបានជាបរិយាកាសដ៏ទាក់ទាញសម្រាប់ភ្ញៀវទេសចរបរទេសទៀតផង។
ចំណែកទីក្រុងបាងកកឈរលេខ ២ ,ទីក្រុងសិង្ហបុរីឈរលេខ ៣ និងរាជធានីភ្នំពេញ ឈរនៅលំដាប់ទី៤ មានពិន្ទុ ៩,៧ ។ ចំណែកក្រុងបាត់ដំបងវិញ ក៏ស្ថិតនៅលំដាប់ទី១៣ដែរ។នេះបើតាមហ្វេសប៊ុករបស់ក្រសួងទេសចរណ៍ ៕
Tag:
គោលដៅទេសចរណ៍
ក្រុមសៀមរាបលេខ១
© រក្សាសិទ្ធិដោយ thmeythmey.com