កីឡាជាតិ
ជាតិ
ឈឹម សំបូរ (កណ្តាល) និងមិត្តរួមក្រុមអបអរក្រោយស៊ុតបាល់បញ្ចូលទីឲ្យអាស៊ីអឺរ៉ុប។ រូបថត CNCC
×![]()
ដោយ: ថ្មីៗ
បឹងកេតទទួលបាន៣ពិន្ទុបន្ថែមទៀតសម្រាប់សប្តាហ៍ទី៦នៃពានរង្វាន់មិត្តហ្វូនខេមបូឌានលីគ បន្ទាប់ពីពួកគេបានតាមវាយបកយកឈ្នះក្រុមយុវជនបាទី ដែលជាម្ចាស់ផ្ទះក្នុងលទ្ធផល ៣-១ ខណៈដែលអាស៊ីអឺរ៉ុបយូណាយធីត ចែកគ្នា១ពិន្ទុជាមួយក្រុមភ្ញៀវអគ្គិសនីកម្ពុជា ក្នុងលទ្ធផលស្មើ ២-២។
សម្រាប់ជំនួបនៅកីឡដ្ឋានសាលាបាល់ទាត់ជាតិបាទី ប៊ុនធឿន ប៊ុនណារ៉ុង រកបានគ្រាប់នាំមុខសម្រាប់ក្រុមយុវជនបាទីនៅ៦នាទីដំបូង តែជិតបញ្ចប់ការប្រកួតតង់ទីមួយ ខ្សែប្រយុទ្ធនីហ្សេរីយ៉ា Julius Oiboh តាមស្មើ ១-១ សម្រាប់បឹងកេត។ ឈានដល់តង់ទីពីរខ្សែប្រយុទ្ធប្រេស៊ីស Purcino Luiz Eduardo ដែលគេស្គាល់ជាទូទៅថា Dudu បង្កើនការនាំមុខសម្រាប់ក្រុមភ្ញៀវ ពេលប្រកួតបានជាង១ម៉ោង ហើយ Julius បន្ថែមគ្រាប់ទីពីររបស់ខ្លួនក្នុងនាទីបន្ថែម។
ជ័យជម្នះបន្ថែមនេះនាំឲ្យបឹងកេត ទទួលបានពិន្ទុសរុប១៣ ខណៈយុវជនបាទី រក្សា៣ពិន្ទុប៉ុណ្ណោះ ក្រោយស្គាល់ជាតិឈ្នះតែម្តងគត់ នៅពេលដែលពួកគេស៊ីក្រុមបាតតារាងកំពង់ចាមក្នុងលទ្ធផល ៣-០ កាលពីសប្តាហ៍មុន។
រីឯជំនួបនៅកីឡដ្ឋាន អេ អ៊ី យូ ស្ពតផាក ឈឹម សំបូរ ស៊ុតបាល់បញ្ចូលទីឲ្យក្រុមម្ចាស់ផ្ទះអាស៊ីអឺរ៉ុបនៅនាទី១១ តែមួន ណារ៉ា តាមស្មើឲ្យអគ្គិសនីកម្ពុជា នារយៈពេល៣នាទីបន្ថែម។ ឈានដល់នាទី៥៤ ក្រោយសម្រាក ណារ៉ា បន្ថែម១គ្រាប់ទៀតសម្រាប់ក្រុមភ្ញៀវ ហើយខ្សែប្រយុទ្ធជប៉ុន Masaki Tomohiro ធ្វើមានលទ្ធផលស្មើ ២-២ សម្រាប់ម្ចាស់ផ្ទះនៅនាទី ៨១។
លទ្ធផលនេះ នាំឲ្យក្រុមទាំងពីរមាន៧ពិន្ទុសរុបដូចគ្នា ដោយអាស៊ីអឺរ៉ុប មានប្រៀបលើចំនួនគ្រាប់បាល់ដែលបានស៊ុតបញ្ចូលទី៕
សម្រាប់ជំនួបនៅកីឡដ្ឋានសាលាបាល់ទាត់ជាតិបាទី ប៊ុនធឿន ប៊ុនណារ៉ុង រកបានគ្រាប់នាំមុខសម្រាប់ក្រុមយុវជនបាទីនៅ៦នាទីដំបូង តែជិតបញ្ចប់ការប្រកួតតង់ទីមួយ ខ្សែប្រយុទ្ធនីហ្សេរីយ៉ា Julius Oiboh តាមស្មើ ១-១ សម្រាប់បឹងកេត។ ឈានដល់តង់ទីពីរខ្សែប្រយុទ្ធប្រេស៊ីស Purcino Luiz Eduardo ដែលគេស្គាល់ជាទូទៅថា Dudu បង្កើនការនាំមុខសម្រាប់ក្រុមភ្ញៀវ ពេលប្រកួតបានជាង១ម៉ោង ហើយ Julius បន្ថែមគ្រាប់ទីពីររបស់ខ្លួនក្នុងនាទីបន្ថែម។
ជ័យជម្នះបន្ថែមនេះនាំឲ្យបឹងកេត ទទួលបានពិន្ទុសរុប១៣ ខណៈយុវជនបាទី រក្សា៣ពិន្ទុប៉ុណ្ណោះ ក្រោយស្គាល់ជាតិឈ្នះតែម្តងគត់ នៅពេលដែលពួកគេស៊ីក្រុមបាតតារាងកំពង់ចាមក្នុងលទ្ធផល ៣-០ កាលពីសប្តាហ៍មុន។
រីឯជំនួបនៅកីឡដ្ឋាន អេ អ៊ី យូ ស្ពតផាក ឈឹម សំបូរ ស៊ុតបាល់បញ្ចូលទីឲ្យក្រុមម្ចាស់ផ្ទះអាស៊ីអឺរ៉ុបនៅនាទី១១ តែមួន ណារ៉ា តាមស្មើឲ្យអគ្គិសនីកម្ពុជា នារយៈពេល៣នាទីបន្ថែម។ ឈានដល់នាទី៥៤ ក្រោយសម្រាក ណារ៉ា បន្ថែម១គ្រាប់ទៀតសម្រាប់ក្រុមភ្ញៀវ ហើយខ្សែប្រយុទ្ធជប៉ុន Masaki Tomohiro ធ្វើមានលទ្ធផលស្មើ ២-២ សម្រាប់ម្ចាស់ផ្ទះនៅនាទី ៨១។
លទ្ធផលនេះ នាំឲ្យក្រុមទាំងពីរមាន៧ពិន្ទុសរុបដូចគ្នា ដោយអាស៊ីអឺរ៉ុប មានប្រៀបលើចំនួនគ្រាប់បាល់ដែលបានស៊ុតបញ្ចូលទី៕
Tag:
Cambodian League
© រក្សាសិទ្ធិដោយ thmeythmey.com
