ភ្នំពេញ៖ កាលពីថ្ងៃទី៨ ខែឧសភា ឆ្នាំ២០១៩ កន្លងទៅនេះ មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង បានដាក់សម្ពោធសាខាថ្មីរបស់ខ្លួន នៅនៅម្ដុំផ្សាថ្មី កណ្ដាលក្រុងភ្នំពេញ។ ការដាក់ដំណើរការនូវសាខាថ្មីនេះ មានការចូលរួមពី លោក វេជ្ជបណ្ឌិតគួច ម៉េងលី ដែលជាស្ថានិក ប្រធានក្រុមប្រឹក្សាភិបាល និងអគ្គនាយកប្រតិបត្តិ
, បុគ្គលិក សិស្សានុសិស្ស និងអ្នកសារព័ត៌មានជាច្រើនផ្សេងទៀត។
មានទីតាំងស្ថិតនៅផ្លូវ៥៣ កែងផ្លូវ១៥៣ អគារសិក្សាថ្មី សាខាផ្សារថ្មីនេះ មានកម្ពស់៨ជាន់ សាងសង់នៅលើផ្ទៃដី ៤២៥.០១ ម៉ែត្រការ៉េ មានបរិវេណធំទូលាយ សម្រាប់សិស្សានុសិស្ស។ អគារសិក្សានេះ ក៏បានបំពាក់ទៅដោយសម្ភារសិក្សាទំនើបៗ បន្ទប់មាន ផាសុកភាព អនាម័យ និងខ្យល់បរិសុទ្ធចេញចូល គ្រប់គ្រាន់ និងមានសុវត្ថិភាពដល់សិស្សានុសិស្សក្នុងការសិក្សា ប្រកបដោយប្រសិទ្ធភាព និងគុណភាព តាមស្តង់ដាអន្តរជាតិ។
លោក គួច ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង បានមានប្រសាសន៍ថា ការបើកដំណើរការមជ្ឈមណ្ឌលភាសា អេ អាយ អាយ សាខាផ្សារថ្មីនេះ គឺដើម្បីរួមចំណែក ក្នុងការផ្តល់សេវាអប់រំប្រកបដោយគុណភាព និងដើម្បីឆ្លើយតបទៅនឹងតម្រូវការទីផ្សារ ក៏ដូចជាមានសំណូមពរជាច្រើន ពីសំណាក់មាតាបិតា អាណាព្យាបាល និងសិស្សានុសិស្ស ពីគ្រប់មជ្ឈដ្ឋានអំពីគុណភាព វិន័យ និងសេវាកម្ម។
លោក គួច ម៉េងលី បញ្ជាក់បន្ថែមថា៖« ទន្ទឹមនឹងកេរ្តិ៍ឈ្មោះសាលា មានភាពល្បីរន្ទឺទាំងក្នុងស្រុក និងក្រៅស្រុក មជ្ឈមណ្ឌលភាសា អេ អាយ អាយ នឹងបើកដំណើរការ សាខាផ្សារថ្មី ដែលមាន អាសយដ្ឋានអគារ លេខ១C និង១៣D ផ្លូវ៥៣ កែងផ្លូវ១៥៣ ភូមិ៥ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ ចាប់ពីថ្ងៃទី៨ ខែឧសភា ឆ្នាំ២០១៩ តទៅ»។
បើតាម លោក គួច ម៉េងលី៖«ផ្សារថ្មីគឺជាទីតាំងយុទ្ធសាស្ត្រមួយរបស់យើង ក្រៅពីសាខាផ្សេងទៀត ដូចជាសាខាម៉ៅសេទុង សាខាទួលគោក សាខាចាក់អង្រែ និងសាខាចោមចៅ។ នៅតំបន់នោះ និងតំបន់ជុំវិញផ្សារថ្មី កំពុងមានការអភិវឌ្ឍយ៉ាងខ្លាំង ដែលធ្វើឱ្យមាន កំណើន ប្រជាជន និងសំណង់អគារធំៗជាច្រើន កំពុងមានភាពជឿនលឿនជាខ្លាំង»។
លោកឧកញ៉ាក៏បានបង្ហើបពីគម្រោងពង្រីកសាខាថ្មីចំនួន ៣បន្ថែមទៀត ដែលមានទីតាំងដូចជា៖
សាខាជ្រោយចង្វារ នឹងបើកដំណើរការក្នុងវគ្គសិក្សាទី៦២។ ហើយយើងក៏កំពុង សម្លឹងមើលទីតាំងថ្មីមួយបន្ថែមទៀត នៅម្តុំជ្រោយចង្វារ ដើម្បីបើកសាលារៀន អន្តរទ្វីបអារិកាំង ឬយើងអាចប្រើប្រាស់អគារមជ្ឈមណ្ឌលភាសា អេ អាយ អាយ ជ្រោយចង្វារ សម្រាប់មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អារិកាំងសម្រាប់ឆ្នាំសិក្សា២០១៩-២០២០ តែម្តង។
សាខាសែនសុខ ដែលមានទំហំដី ៣ហិកតា សម្រាប់បើកមជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អារិកាំង។ ទីតាំងលេងកីឡា និង MJQE Square នៅសាខាសែនសុខ។
សាខាទួលសង្កែ ដែលមានទំហំដី ៧០០០ ម៉ែត្រការ៉េ សម្រាប់បើកមជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អារិកាំង។
គួររំលឹកថា មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង បង្កើតឡើងក្នុងឆ្នាំ២០០៥ ក្រោមគំនិតផ្តួចផ្តើមដោយ លោកវេជ្ជបណ្ឌិត គួច ម៉េងលី ជាស្ថានិក ប្រធានក្រុមប្រឹក្សាភិបាល និងអគ្គនាយកប្រតិបត្តិ។ មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង មានការរីកចម្រើនគួរឱ្យកត់សម្គាល់ ដែលចាប់ផ្តើមដំបូងមានសិស្សត្រឹមតែ៤នាក់ប៉ុណ្ណោះ។ រហូតមកដល់ពេលបច្ចុប្បន្ន ចំនួនសិស្សកើនឡើងដល់ជាង ១,១០០០ នាក់។ សព្វថ្ងៃនេះ មជ្ឈមណ្ឌលភាសា អេ អាយ អាយ និងសាលារៀនអន្តរទ្វីប អាមេរិកាំង។ មិនត្រឹមតែមានកេរ្តិ៍ឈ្មោះ ល្បីល្បាញនៅក្នុងប្រទេសកម្ពុជាប៉ុណ្ណោះទេ ប៉ុន្តែក៏ទទួលបានការទទួលស្គាល់ និងល្បីល្បាញជាអន្តរជាតិ តាមរយៈការទទួលពានរង្វាន់ លក្ខណៈអន្តរជាតិ ពីបណ្តាប្រទេសផ្សេងៗដូចជាសិង្ហបុរី បារាំង អារ៉ាប់រួម(ឌូបៃ) ស្វីស អង់គ្លេស សហរដ្ឋអាមេរិក ព្រុយណេ ប៊ែលហ្សិក ចិន (ហុងកុង) និងប្រេសីលជាដើម។
មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង បច្ចុប្បន្នមាន ៥ ទីតាំង គឺការិយាល័យកណ្តាល ស្ថិតនៅតាមបណ្តោយមហាវិថីម៉ៅសេទុង សង្កាត់ទំនប់ទឹក ខណ្ឌចំការមន សាខាទួលគោក ស្ថិតនៅផ្លូវលេខ២៨៩ សង្កាត់បឹងកក់ទី១ ខណ្ឌទួលគោក (ទល់មុខសាលាបឋម សិក្សាទួលគោក) សាខាចាក់អង្រែ ស្ថិតនៅផ្លូវជាតិលេខ២ សង្កាត់ចាក់អង្រែក្រោម ខណ្ឌមានជ័យ (ទល់មុខរង្វង់មូលព្រះនរាយក្រុងតាខ្មៅ ឬសាខាខេត្តកណ្តាល) សាខាចោមចៅ និងសាខាផ្សាធំថ្មី រាជធានីភ្នំពេញ។
កម្មវិធីសិក្សារបស់មជ្ឈមណ្ឌលភាសា អេ អាយ អាយ
មជ្ឈមណ្ឌលភាសា អេ អាយ អាយ មានវគ្គបណ្តុះបណ្តាលផ្នែកភាសាអង់គ្លេស និងភាសាចិនគ្រប់កម្រិត វគ្គបណ្តុះបណ្តាល TESOL ថ្នាក់ត្រៀមប្រឡង TOEFL ព្រមទាំងកុំព្យូទ័រគ្រប់ជំនាញ សម្រាប់សិស្សានុសិស្សគ្រប់វ័យ។
ក្រៅពីនេះផងដែរ ដើម្បីផ្តល់នូវឱកាសសម្រាប់យុវជន ឱ្យទទួលបានការបណ្តុះបណ្តាលល្អ និងទទួលបាននូវបទពិសោធសម្រាប់អាជីព នាពេលអនាគតរបស់ពួកគេ មជ្ឈមណ្ឌល និងសាលារៀន មានមជ្ឈមណ្ឌលរៀបចំផែនការអាជីព និងស្វែងរកការងារធ្វើ (Career Planning and Placement Center) និងកម្មវិធីបណ្តុះបណ្តាលវិជ្ជាជីវៈខ្លីៗ សម្រាប់សិស្ស និស្សិត ដែលកំពុងសិក្សានៅតាមមហាវិទ្យាល័យ ដែលត្រូវការបទពិសោធ និងប្រាក់ឧបត្ថម្ភសម្រាប់ការសិក្សា។
ចុះឈ្មោះសិក្សានៅមជ្ឈមណ្ឌលភាសា អេ អាយ អាយ សាខាផ្សាធំថ្មីទទួលបាន អាហារូបករណ៍ដូចខាងក្រោម៖
កម្មវិធីសិក្សាភាសាអង់គ្លេស (ESL Program)
• ៥០% សម្រាប់សិស្សម្នាក់ៗ ពេលចុះឈ្មោះ៤នាក់ឡើងទៅ ក្នុងពេលតែមួយ
• ៣៥% សម្រាប់សិស្សម្នាក់ៗ ពេលចុះឈ្មោះ៣នាក់ ក្នុងពេលតែមួយ
• ២៥% សម្រាប់សិស្សម្នាក់ៗ ពេលចុះឈ្មោះ២នាក់ ក្នុងពេលតែមួយ
កម្មវិធីសិក្សាភាសាចិន (CSL Program)
• ៥០% សម្រាប់សិស្សម្នាក់ៗ ពេលចុះឈ្មោះ៤នាក់ឡើងទៅ ក្នុងពេលតែមួយ
• ៣៥% សម្រាប់សិស្សម្នាក់ៗ ពេលចុះឈ្មោះ៣នាក់ ក្នុងពេលតែមួយ
• ២៥% សម្រាប់សិស្សម្នាក់ៗ ពេលចុះឈ្មោះ២នាក់ ក្នុងពេលតែមួយ
កម្មវិធីបញ្ចុះតម្លៃសេវាកម្មរថយន្តសាលា
យើងក៏មានផ្តល់ជូនការបញ្ចុះតម្លៃពិសេសចាប់ពី១៥% រហូតដល់ ៣៥% ៕
(អត្ថបទពាណិជ្ជកម្ម)