ក្រសួងយុត្តិធម៌ ស្នើលើកលែង និងបន្ថយទោសទណ្ឌិត៧៧នាក់ ក្នុងឱកាសបុណ្យពិសាខបូជា

ជាតិ

សង្គមជាតិ

ក្រសួងយុត្តិធម៌ ស្នើលើកលែង និងបន្ថយទោសទណ្ឌិត៧៧នាក់ ក្នុងឱកាសបុណ្យពិសាខបូជា

11, May 2019 , 11:18 am

រូបភាព

រូបភាពពីអគ្គនាយកដ្ឋានពន្ធនាគារនៃក្រសួងមហាផ្ទៃ

ដោយ: ឡាយ សុភាវតី

ភ្នំពេញ៖ក្រសួងយុត្តិធម៌ បានសម្រេចស្នើលើកលែង និងបន្ធូរបន្ថយទោស ដល់ទណ្ឌិតចំនួន៧៧នាក់ ក្នុងនោះស្រី៩នាក់ នៅក្នុងឱកាសបុណ្យពិសាខបូជាខាងមុខនេះ។ នេះបើតាម លោក គឹម សន្តិភាព អ្នកនាំពាក្យក្រសួងយុត្តិធម៌។

បើតាមលោក គឹម សន្តិភាព ក្រសួងស្នើបន្ថយទោស៦ខែ ដល់ទណ្ឌិតចំនួន ៣៧ នាក់ ក្នុងនោះមានស្រី៣ នាក់។ ក្រសួងក៏ស្នើបន្ថយទោស ៩ខែ សម្រាប់ទណ្ឌិត ១៤នាក់ ក្នុងនោះ ស្រី ម្នាក់ និងស្នើបន្ថយទោស ១២ខែ សម្រាប់ទណ្ឌិត ២២ នាក់ ក្នុងនោះស្រី ៤នាក់។ ចំណែកទណ្ឌិតចំនួន ៤ នាក់ ក្នុងនោះស្រីម្នាក់បានទទួលការស្នើលើកលែងទោស។

សូមជម្រាបថា ជារៀងរាល់ឆ្នាំ រាជរដ្ឋាភិបាលតែងតែទូលស្នើព្រះមហាក្សត្រ ឲ្យមានការលើកលែង និងបន្ធូរបន្ថយទោសដល់ទណ្ឌិត៦ដង គឺក្នុងឱកាសបុណ្យចូលឆ្នាំខ្មែរ បុណ្យពិសាខបូជា និងបុណ្យអ៊ុំទូក បុណ្យភ្ជុំបិណ្ឌ បុណ្យឯករាជ្យ និងទិវាឈ្នះៗ ។ កាលពីបុណ្យចូលឆ្នាំខ្មែរកន្លងទៅ បានបន្ធូរបន្ថយទោសដល់ទណ្ឌិត៤២នាក់ និងលើកលែងទោស២នាក់៕