ព្រឹត្តិការណ៍ជិះកង់ជួយពេទ្យគន្ធបុប្ផាឆ្នាំទី៦ ទាក់ទាញអ្នកចូលរួមជិត១ពាន់នាក់

ជាតិ

បទយកការណ៍ / បទសម្ភាសន៍

រថយន្ត

12, May 2019 , 2:59 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ ព្រឹត្តិការណ៍សប្បុរសធម៌ ជិះកង់ជួយមន្ទីរពេទ្យគន្ធបុប្ផាឆ្នាំទី៦ នឹងរៀបចំនៅចុងខែឧសភាខាងមុខនេះ។ ពីមួយឆ្នាំទៅមួយឆ្នាំ ព្រឹត្តិការណ៍នេះ បានទាក់ទាញអ្នកចូលរួមជាច្រើន ហើយឆ្នាំនេះមានអ្នកចូលរួមជិត១ពាន់នាក់ ដែលមកពីតាមបណ្ដាខេត្តក្រុងក្នុងប្រទេសកម្ពុជា។ ប្រធានក្លិបជិះកង់ដើម្បីសហគមន៍ លោក គិម ប៊ុនថាន់ បានឱ្យដឹងថា កម្មវិធីចុះឈ្មោះសម្រាប់ការជិះកង់ នៅថ្ងៃទី២៦ ឧសភាឆ្នាំនេះ បានបិទហើយ ជាមួយនឹងអ្នកចូលរួមជិត១ពាន់នាក់។ អ្នកចូលរួម ត្រូវបង់ថ្លៃការចុះឈ្មោះចំនួន ១៥ដុល្លារ ដោយពួកគេទទួលបានកង់មួយ អាវយឺតមួយ អាហារ រួមនឹងភេសជ្ជៈ។

ឆ្នាំនេះការជិះកង់ នឹងចាប់ដំណើរពីហាងកង់នៅអាំង គឹមសាន នៅផ្លូវជាតិលេខ៦ កាត់តាមព្រលានយន្តហោះ បន្តឆ្ពោះទៅអង្គរវត្ត បន្ទាប់មកជិះទៅកាន់សួរច្បារព្រះអង្គចេកព្រះអង្គចម ដែលជាគោលដៅបិទបញ្ចប់ព្រឹត្តិការណ៍នេះ។

ព័ត៌មានលម្អិត សូមស្ដាប់បទសម្ភាសរវាង អ្នកស្រី អ៊ីសា រ៉ហានី អ្នកសារព័ត៌មានថ្មីៗ និង លោក គិម ប៊ុនថាន់ ប្រធានក្លិបជិះកង់ដើម្បីសហគមន៍ដែលផ្តួចផ្តើមរៀបចំព្រឹត្តិការណ៍នេះ ដូចតទៅ៖

គួររម្លឹកថា ព្រឹត្តិការណ៍មនុស្សធម៌រកថវិកាជួយមន្ទីរពេទ្យគន្ធបុប្ផា បានទាក់ទាញអ្នកចូលរួមកើនពីមួយឆ្នាំទៅមួយឆ្នាំ ដោយឆ្នាំទី១ ព្រឹត្តិការណ៍នេះរកថវិកាបានជាង២ពាន់ដុល្លារ ឆ្នាំទី២ បានជាង៧ពាន់ដុល្លារ ឆ្នាំទី៣ បានជាងមួយម៉ឺនដុល្លារ ឆ្នាំទី៤ ជិត២ម៉ឺនដុល្លារ ឆ្នាំទី៥ ជាង២ម៉ឺនដុល្លារ ហើយឆ្នាំទី៦នេះ គ្រោងនឹងទទួលបានជិត៣ម៉ឺនដុល្លារ៕