ក្រសួងមហាផ្ទៃ ប្រារព្ធពិធីខួបលើកទី៧៤ នៃកំណើតនគរបាលជាតិ

ជាតិ

ក្រសួងមហាផ្ទៃ ប្រារព្ធពិធីខួបលើកទី៧៤ នៃកំណើតនគរបាលជាតិ

16, May 2019 , 8:58 am

រូបភាព

ដោយ: ឡាយ សុភាវតី

ក្រសួងមហាផ្ទៃ ប្រារព្ធពិធីខួបលើកទី៧៤ នៅថ្ងៃទី១៦ ឧសភានេះ ដើម្បីរំលឹកគុណ និងវីរៈភាពរបស់នគរបាលជាតិជំនាន់មុន។

លោក ឆាយ គឹមខឿន អគ្គស្នងការរងនគរបាលជាតិ បានលើកឡើងថា មន្រី្តនគរបាលជាតិជំនាន់មុន និងបច្ចុប្បន្ន បានពលិកម្មគ្រប់បែបយ៉ាងក្នុងការការពារសុវត្តិភាព បញ្ចៀសនូវសកម្មភាពភេរវកម្ម ទប់ស្កាត់ឧក្រិដ្ឋកម្មឆ្លងដែន និងការពារក្នុងពិធីបុណ្យជាតិនិងអន្តរជាតិជាច្រើន។ ដូច្នេះការប្រារព្ធខួបលើកទី៧៤នេះ ដើម្បីបង្ហាញនូវវីរៈភាពនិងរំលឹកគុណដល់នគរបាលជំនាន់មុន។

ការប្រារព្ធពិធីអបអរខួបនៃកំណើតនគរបាលជាតិនេះ គឺក្រសួងមហាផ្ទៃខកខានធ្វើពីឆ្នាំមកហើយ ប៉ុន្តែក្នុងឆ្នាំនេះ នឹងមានការរៀបចំលក្ខណៈធំជាងពេលមុនៗ។ កម្មវិធីនេះ នឹងមានការតាំងរូបថតអនុស្សាវរីយ៍ជាច្រើន នៃសកម្មភាពនគរបាលរាជធានី-ខេត្តទៀតផង៕