អត្ថបទពាណិជ្ជកម្ម
ក្រុមហ៊ុនCellcard នាំយកការប្រកួត Mobile Legends: Bang Bang មកដល់ប្រទេសកម្ពុជា
×![]()
ដោយ: ថ្មីៗ
ភ្នំពេញ 18 ឧសភា 2019៖ ក្រុមហ៊ុនCellcard បាននាំយកហ្គេមទូរស័ព្ទដ៏ធំបំផុតនៅក្នុងតំបន់ Mobile Legends Southeast Asia Cup មកកាន់ប្រទេសកម្ពុជា។ ការប្រកួតវគ្គជម្រុះរបស់ Mobile Legends Southeast Asia Cup បានប្រារព្ធធ្វើ ចាប់ពីម៉ោង១០ព្រឹក រហូតដល់ម៉ោង៧យប់ ថ្ងៃសៅរ៍ទី ១៨ ខែឧសភា ឆ្នាំ២០១៩ នៅផ្សារអ៊ីអនម៉លសែនសុខ។
ក្រុមចូលរួមលេងទទួលបានរង្វាន់ធំរហូតដល់ទៅ ៦,០០០ ដុល្លារអាមេរិក និងរង្វាន់ដែលមាន ពី Cellcard Play មានដូចជា Samsung Galaxy S10 + និងរង្វាន់ហ្គេមដូចជា Mobile Legends skin packs, diamonds និងរបស់របរផ្សេងៗទៀតជាច្រើន។
នាយកប្រតិបត្តិក្រុមហ៊ុន Cellcard លោក Ian Watson បានមានប្រសាសន៍ថា យើងបាននាំយកការប្រកួតនេះមកប្រទេសកម្ពុជា ក្នុងគោលបំណងបង្កើតបទពិសោធន៍លេងហ្គេម ដ៏គួរឱ្យរីករាយមួយ សម្រាប់អ្នកលេងហ្គេមដែលសុទ្ធសឹងជាយុវជនវ័យក្មេង និងអ្នកគាំទ្ររបស់ Mobile Legends នៅក្នុងប្រទេស។
យុវជនវ័យក្មេងរបស់កម្ពុជា រាប់ពាន់នាក់បានបង្ហាញខ្លួន និងចូលរួមនៅក្នុងការប្រកួត។ វាគឺជាការប្រកួតលេងហ្គេមធំបំផុត ដែលមិនធ្លាប់ធ្លាប់មាននៅក្នុងប្រទេសកម្ពុជា។
លោក Watson បានបន្តថា៖«នៅក្នុងការប្រកួតនេះ យើងមានដាក់រៀបចំស្តង់ដែលមានផ្តោតសំខាន់លើហ្គេម និងផ្តល់ជូនបទពិសោធន៍បច្ចេកវិទ្យា VRនិង AR សម្រាប់អ្នកទាំងអស់គ្នាដែលចង់សាកល្បង»។
កាលពីខែមីនា ឆ្នាំ២០១៩ ក្រុមហ៊ុន Cellcard ក៏បានចាប់ដៃគូជាមួយក្រុមហ៊ុន Netease Games ដើម្បីនាំយក Rule of Survival (ROS) ដែលជាហ្គេមមួយដ៏មានប្រជាប្រិយបំផុតនៅទូទាំងពិភពលោក។ ជាមួយអ្នកលេងជាង ១.១លាននាក់រៀងរាល់ខែ និងកំណើនអ្នកលេខថ្មី ៥០ម៉ឺននាក់រាល់ខែ អ្នកបង្កើតហ្គេមនេះ មើលឃើញទីផ្សារកម្ពុជា គឺជាទីតាំងព្រំដែនបន្ទាប់របស់ខ្លួន។ ពួកគេ គឺកំពុងតែរៀបចំឱ្យមានមាតិកាថ្មីៗ, ការផ្សព្វផ្សាយ និងព្រឹត្តិការណ៍កីឡាអេឡិចត្រូនិក និងការប្រកួតនៅក្នុងប្រទេស។
Mobile Legends: Bang Bang ត្រូវបានបង្កើតឡើងជាពិសេស សម្រាប់ហ្គេមលេងក្នុងទូរស័ព្ទដៃនៅក្នុងឆ្នាំ ២០១៦ ហើយអាចដំណើរការលើប្រព័ន្ធ iOS និង Android។ វាគឺជាការប្រកួតច្រើននាក់ ដែលមានក្រុមប្រឆាំងពីរប្រកួតប្រជែង នៅក្នុងសមរភូមិ ដើម្បីបំផ្លាញមូលដ្ឋានសត្រូវ ខណៈដែលពួកគេការពារខ្លួនឯង។ វាបានក្លាយទៅជាប្រភេទហ្គេមដ៏ពេញនិយមបំផុតមួយ នៅក្នុងប្រទេសកម្ពុជា ក៏ដូចជានៅអាស៊ីអាគ្នេយ៍។ ហ្គេមនេះ គឺលេងដោយឥតគិតថ្លៃ សម្រាប់អ្នកប្រើទូរស័ព្ទដៃ ដែល មានភាពងាយស្រួលចូលលេងបានច្រើនបើប្រៀបធៀបទៅនឹងហ្គេមផ្សេងទៀត។
សម្រាប់ព័ត៌មានបន្ថែម និងព្រឹត្តិការណ៍បន្ទាប់ របស់Cellcard សូមចុច Follow ទំព័រហ្វេសប៊ុកCellcard Play ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
