ជាតិ
សង្គមជាតិ
ជួសជុល និងផ្លាស់ប្តូរបរិក្ខារ នាំឲ្យសង្កាត់ជាង១០ក្នុងរាជធានី ត្រូវដាច់ភ្លើងរវាងថ្ងៃទី២២-២៦ ខែឧសភា ប្រភពរូប៖ ពីទំព័រហ្វេសប៊ុក EDC
× ភ្នំពេញ៖ អគ្គិសនីកម្ពុជា (EDC) នឹងផ្អាកផ្គត់ផ្គង់អគ្គិសនីបណ្តោះអាសន្ននៅតំបន់មួយចំនួន ក្នុងសង្កាត់ចំនួន១២ នៅរាជធានីភ្នំពេញ ចាប់ពីថ្ងៃទី២៣ ដល់ថ្ងៃទី២៦ ខែឧសភា។ ការផ្អាកអគ្គិសនី គឺដើម្បីអនុវត្តការងារជួសជុល ផ្លាស់ប្តូរ ដំឡើងបរិក្ខារ និងរុះរើគន្លងខ្សែបណ្តាញ ក្នុងការបង្កលក្ខណៈងាយស្រួលដល់ការដ្ឋានពង្រីកផ្លូវ។
បើតាមសេចក្តីជូនដំណឹងរបស់ EDC សង្កាត់ទាំងនោះមាន សង្កាត់ជ្រាយចង្វារ នឹងដាច់នៅថ្ងៃទី២៣ឧសភា។ រីឯតំបន់ក្នុងសង្កាត់ទួលសង្កែទី២, សង្កាត់គីឡូម៉ែត្រលេខ៦, សង្កាត់ច្រាំងចំរេះទី២, សង្កាត់ឃ្មួញ, សង្កាត់ភ្នំពេញថ្មី, សង្កាត់គោកឃ្លាង, សង្កាត់ក្រាំងធ្នង់ និងសង្កាត់គោករកា EDC នឹងដាច់អគ្គិសនី នៅថ្ងៃទី២៤ឧសភា ។
ដោយឡែកតំបន់ក្នុងសង្កាត់ចោមចៅទី១-ទី២ EDC នឹងផ្តាច់អគ្គិសនី នៅថ្ងៃទី២៥-២៦ឧសភា ឆ្នាំ២០១៩។
EDC បញ្ជាក់ថា ការផ្អាកចរន្តអគ្គិសនីក្នុងសង្កាត់ជាង១០នេះ គឺជាការអនុវត្តទៅតាមថ្ងៃនីមួយៗ ដែល EDC បានកំណត់៕
© រក្សាសិទ្ធិដោយ thmeythmey.com