ជាតិ
RIP ! សុនខ DIA ដែលរួមចំណែកសង្គ្រោះជីវិតពលរដ្ឋខ្មែរ បានបាត់បង់ជីវិតហើយ បុគ្គលិកនៃអង្គភាពសុនខស៊ីម៉ាក់ នាំគ្នាដង្ហែ និងបញ្ចុះសព DIA។ រូបថត CMAC
× អង្គភាពសុនខស៊ីម៉ាក់ នៃមជ្ឈមណ្ឌលកំចាត់មីនកម្ពុជា (ស៊ីម៉ាក់) បានប្រកាសពីដំណឹងដ៏សោកសៅទាក់ទងនឹងការបាត់បង់សមាជិកជាទីស្រឡាញ់របស់ខ្លួននាថ្ងៃទី២៥ ខែឧសភា។ នោះគឺការស្លាប់សុនខញីឈ្មោះ DIA ក្នុងអាយុ៨ឆ្នាំដោយសារជំងឺមហារីក។
ស៊ីម៉ាក់ តាមរយៈគេហទំព័ររបស់ខ្លួន បានបង្ហោះរូបជាច្រើនសន្លឹក ដោយបុគ្គលិកជាច្រើននាក់ បាននាំគ្នាធ្វើពិធីដង្ហែសព DIA ទៅបញ្ចុះ។ អង្គភាពសុនខស៊ីម៉ាក់ បានបញ្ជាក់ឲ្យដឹងថា DIA បានបម្រើប្រយោជន៍វិស័យសកម្មភាពបោសសម្អាតមីន និងគ្រាប់យុទ្ធភ័ណ្ឌមិនទាន់ផ្ទុះនៅកម្ពុជា អស់រយៈពេលជាច្រើនឆ្នាំ។
DIA មានប្រភពមកពីប្រទេសបូស្នី ហើយកាលពីឆ្នាំកន្លងទៅវីរនារីមួយនេះ បានបង្កើតកូន១០ក្បាល ដើម្បីជាប្រយោជន៍ដល់អង្គភាពសុនខស៊ីម៉ាក់៕
© រក្សាសិទ្ធិដោយ thmeythmey.com