ចៅក្រមនិងព្រះរាជអាជ្ញាឡើងប្រាក់ខែ លើកលែងតែអគ្គព្រះរាជអាជ្ញានិងប្រធានតុលាការកំពូល

ជាតិ

សង្គមជាតិ

ចៅក្រមនិងព្រះរាជអាជ្ញាឡើងប្រាក់ខែ លើកលែងតែអគ្គព្រះរាជអាជ្ញានិងប្រធានតុលាការកំពូល

29, May 2019 , 7:59 am

រូបភាព

ដោយ: ថ្មីៗ

សម្តេចនាយករដ្ឋមន្ត្រី ហ៊ុន សែន បានចេញអនុក្រឹត្យមួយនៅថ្ងៃទី២៧ ខែឧសភា ឆ្នាំ២០១៩ ស្តីពីការប្រែនិងការដំឡើងប្រាក់បំណាច់ជូនចៅក្រមនិងព្រះរាជអាជ្ញា តាមសំណើរបស់រដ្ឋមន្ត្រីយុត្តិធម៌ រដ្ឋមន្ត្រីសេដ្ឋកិច្ច និងរដ្ឋមន្ត្រីមុខងារសាធារណៈ។

ប្រមុខរដ្ឋាភិបាល បញ្ជាក់ក្នុងអនុក្រឹត្យថា ការកែប្រែនិងការដំឡើងប្រាក់បំណាច់នេះ ត្រូវអនុវត្តចាប់ពីថ្ងៃទី១ ខែមេសា ឆ្នាំ២០១៩ តទៅ។

ប្រាក់បំណាច់បច្ចុប្បន្នរបស់ចៅក្រមនិងព្រះរាជអាជ្ញា គឺកំណត់ដោយអនុក្រឹត្យ កាលពីខែកញ្ញា ឆ្នាំ២០១៦។ លោក ជុត មន្នី អនុរដ្ឋលេខាធិការក្រសួងមុខងារសាធារណៈ ប្រាប់សារព័ត៌មានថ្មីៗថា ចាប់តាំងពីឆ្នាំ២០១៦មក រដ្ឋាភិបាល មិនបានចេញអនុក្រឹត្យថ្មី ស្តីពីប្រាក់បំណាច់របស់ចៅក្រមនិងព្រះរាជអាជ្ញាឡើយ គឺទើបនឹងចេញនៅឆ្នាំ២០១៩នេះ។

យោងតាមអនុក្រឹត្យថ្មីនេះ ប្រធានតុលាការកំពូល និង អគ្គព្រះរាជអាជ្ញាអមតុលាការកំពូល មិនត្រូវបានដំឡើងប្រាក់បំណាចទេ ពោលគឺនៅទទួលបានប្រាក់បំណាច់១០លានរៀលដដែល។ ក្រៅពីនេះ គឺត្រូវដំឡើងប្រាក់បំណាច់ជូនទាំងអស់។

ប្រាក់បំណាច់ថ្មីរបស់ចៅក្រមនិងព្រះរាជអាជ្ញា ដែលនឹងត្រូវទទួលបានចាប់ពីខែមេសា ឆ្នាំ២០១៩តទៅ