កីឡាអន្តរជាតិ
អន្តរជាតិ
Chelsea លើកពាន Europa League ជាលើកទីពីរ ក្រោយឈ្នះ Arsenal ៤-១
× តោខៀវ Chelsea បានក្លាយជាម្ចាស់ពាន Europa League ឆ្នាំ២០១៩ បន្ទាប់ពីពួកគេបានយកឈ្នះកាំភ្លើងធំ Arsenal ៤-១ នៅវគ្គផ្តាច់ព្រ័ត្រ នាជំនួបនៅកីឡដ្ឋានក្រុងបាគូ ប្រទេសអាស៊ែបៃហ្សង់។
Olivier Giroud រកបានគ្រាប់បាល់បញ្ចូលទីបើកឆាកសម្រាប់ Chelsea នៅនាទី៥៦ ហើយនៅនាទី៦០ Pedro Ridriguez បន្ថែមគ្រាប់ទី២ មុនពេល Eden Hazard ស៊ុតប៉េណាល់ទីបង្កើនការនាំមុខ ៣-០ នៅត្រឹមនាទី៦៥។ Alex Iwobi វាយបក១គ្រាប់សម្រាប់ Arsenal នៅនាទី៦៩ ប៉ុន្តែ៣នាទីក្រោយមក Hazard រកបាន១គ្រាប់ទៀតឲ្យ Chelsea។
នេះជាការទទួលបានពានលំដាប់ទីពីរនៅអឺរ៉ុបជាលើកទី២របស់តោខៀវ ក្រោយពួកគេធ្លាប់ឈ្នះម្តងកាលពីឆ្នាំ២០១៣។ បរាជ័យនេះ បានធ្វើឲ្យកាំភ្លើងធំ ខកឱកាសលេងក្របខណ្ឌ Champions League នារដូវកាលក្រោយ។ ពួកគេត្រូវលេងនៅ Europa League សារជាថ្មីក្នុងនាមជាក្រុមលេខ៥នៅ Premier League៕
© រក្សាសិទ្ធិដោយ thmeythmey.com