ជាតិ
សេដ្ឋកិច្ច
បង់ពន្ធលើមធ្យោបាយដឹកជញ្ជូន និងយានជំនិះ ចាប់ផ្ដើមអនុវត្តពីខែមិថុនា ដល់វិច្ឆិកា
× ភ្នំពេញ៖ អគ្គនាយកដ្ឋានពន្ធដារបានជូនដំណឹងថា ការប្រមូលពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទសម្រាប់ឆ្នាំ២០១៩ ត្រូវអនុវត្តចាប់ពីថ្ងៃទី១ខែមិថុនា ដល់ថ្ងៃទី៣០ខែវិច្ឆិកាឆ្នាំ២០១៩ ។
ម្ចាស់យានយន្តគ្រប់ប្រភេទត្រូវដាក់លិខិតប្រកាស និងបង់ពន្ធនៅសាខាពន្ធដារខេត្ត-ខណ្ឌ ឬនៅធនាគារកាណាឌីយ៉ា ធនាគារអេស៊ីលីដា ធនាគារវឌ្ឍនៈ ធនាគារកម្ពុជាសាធារណៈ ឬធនាគារអេអិនហ្សិតរ៉ូយ៉ាល់។
សេចក្ដីជូនដំណឹងបញ្ជាក់ថា ចាប់ពីថ្ងៃទី១ខែមករាឆ្នាំ២០២០ តទៅ អគ្គនាយកដ្ឋានពន្ធដារសហការជាមួយអាជ្ញាធរមានសមត្ថកិច្ច ចុះត្រួតពិនិត្យ ការប្រកាសបង់ពន្ធ និងផាកពិន័យចំពោះម្ចាស់យានយន្តទាំងឡាយដែលមិនទាន់បង់ពន្ធ៕
© រក្សាសិទ្ធិដោយ thmeythmey.com