មជ្ឈមណ្ឌលសូត្រខ្មែរលើកដំបូង ត្រូវបានដាក់ឲ្យដំណើរការ

ជាតិ

មជ្ឈមណ្ឌលសូត្រខ្មែរលើកដំបូង ត្រូវបានដាក់ឲ្យដំណើរការ

05, Jun 2019 , 5:12 pm

រូបភាព

លោក ហង់ ជួន ណារ៉ុន រដ្ឋមន្រ្តីអប់រំ ដែលចូលរួមធ្វើជាអធិបតី បានកាត់ខ្សែបូ ក្នុងពិធីសម្ពោធដាក់ឲ្យដំណើរការនូវមជ្ឈមណ្ឌលសូត្រខ្មែរ នៅថ្ងៃទី៥ ខែឧសភា ឆ្នាំ២០១៩ (រូបពីក្រសួងអប់រំ)

ដោយ:

ភ្នំពេញ៖ មជ្ឈមណ្ឌលសូត្រខ្មែរដែលមានទីតាំងនៅសកលវិទ្យាល័យភូមិន្ទភ្នំពេញ ត្រូវបានដាក់ដំណើរការជាផ្លូវការហើយ នៅថ្ងៃទី៥ ខែមិថុនា ឆ្នាំ២០១៩នេះ ដោយចំណាយទឹកប្រាក់ជិត១០ម៉ឺនដុល្លារ ដែលជាជំនួយឥតសំណងពីជប៉ុន។ មជ្ឈមណ្ឌលសូត្រខ្មែរនេះត្រូវបានក្រសួងអប់រំ ចាត់ទុកថាជាកន្លែងស្តារឡើងវិញនូវសូត្រខ្មែរលើកដំបូងគេ ហើយនឹងក្លាយជានិមិត្តរូបនៃមិត្តភាពរវាងជប៉ុន និងកម្ពុជា។

មជ្ឈមណ្ឌលសូត្រខ្មែរនេះ បានចាប់ផ្តើមកសាងឡើងនៅថ្ងៃទី២ ខែមីនា ឆ្នាំ២០១៨ ដែលទើបតែរួចរាល់នៅថ្ងៃទី១ ខែមីនា ឆ្នាំ២០១៩ ដោយចំណាយទឹកប្រាក់ចំនួន៨ម៉ឺនដុល្លារសម្រាប់កសាងរួច និងជាង១ម៉ឹនដុល្លារទៀតសម្រាប់ចំណាយលើការផលិតសូត្រ។ គោលបំណងនៃបង្កើតមជ្ឈមណ្ឌលសូត្រខ្មែរនេះ គឺជួយផ្គត់ផ្គង់ជីវភាពរបស់ប្រជាកសិករចំនួន៥០គ្រួសារ និងលើកស្ទួយវិស័យសូត្រនៅកម្ពុជាឲ្យមានគុណភាព។ ជាពិសេសប្រជាកសិករក៏បានផលិតសាប៊ូដុសមុខពីប្រូតេអ៊ីនចម្រាញ់ចេញពីសរសៃសូត្រផងដែរ។

រូបពីក្រសួងអប់រំ

ដើម្បីផ្គត់ផ្គង់វិស័យឧស្សាហកម្មសូត្រឲ្យមានប្រសិទ្ធភាព កសិករចំនួន៥សហគមន៍ដែលមកពីខេត្តកំពង់ស្ពឺ កំពង់ឆ្នាំង និងមណ្ឌលគិរី មានផ្ទៃដីជិត១៨ហិកតា បាននាំគ្នាដាំដើមមនសម្រាប់ឲ្យដង្កូវនាងស៊ី និងបង្កាត់ពូជដង្កូវនាងដល់កសិករ៣សហគមន៍ គឺសហគមន៍សូត្រឱរ៉ាល់ វិទ្យាស្ថានវាយនភណ្ឌប្រពៃណីខ្មែរ និងស្ថានីយស្រាវជ្រាវកសិកម្មបន្ទាយដែកផងដែរ៕