ជាតិ
សង្គមជាតិ
រដូវវស្សាឈានមកដល់ ក្រសួងអប់រំឲ្យសិស្សចូលរៀនតាមម៉ោងធម្មតាវិញ
× ភ្នំពេញ៖ រយៈពេលជិត២ខែកន្លងមកនេះ អាកាសធាតុក្តៅហួតហែងខ្លាំង ក្រសួងអប់រំបានស្នើឲ្យគ្រឹះស្ថានសិក្សានានាបង្រួមម៉ោងសិក្សា គឺពេលព្រឹកចូលរៀនម៉ោង ៧ ចេញម៉ោង១០ និងពេលថ្ងៃចូលរៀនម៉ោង១កន្លះ ចេញម៉ោង៥ល្ងាច។ រដូវវស្សាកំពុងឈានមកដល់ ក្រសួងស្នើឲ្យគ្រឹះស្ថានសិក្សានានាអនុវត្តម៉ោងចូលរៀនតាមធម្មតាវិញគឺចូលម៉ោង៧ ចេញម៉ោង១១ និងចូលម៉ោង១ ចេញម៉ោង៥។
តាមការបញ្ជាក់ពីក្រសួងអប់រំ ការអនុវត្តតាមគោលការណ៍សិក្សានៅម៉ោងធម្មតាវិញ ដោយសារកម្ពុជាឈានចូលរដូវវស្សាដែលអាចនឹងមានភ្លៀងធ្លាក់ខ្លាំងនៅគ្រប់រាជធានី-ខេត្ត។ ក្រសួងពន្យល់ថា ក្នុងរដូវប្រាំងកន្លងផុតទៅនេះ ក្រសួងបានស្នើឲ្យបង្រួមម៉ោងរៀនដោយសារតែក្រសួងព្រួយបារម្ភចំពោះជំងឺផ្សេងៗ ដែលអាចប៉ះពាល់ដល់សុខភាពសិស្ស និងការរៀនសូត្រ។
លិខិតចេញផ្សាយនៅថ្ងៃទី០៥ ខែមិថុនា ដែលចុះហត្ថលេខាដោយលោក ហង់ ជួន ណារ៉ុន រដ្ឋមន្ត្រីក្រសួងអប់រំ បានបង្គាប់ការិយាល័យអប់រំក្រុង ស្រុក ខណ្ឌ គ្រឹះស្ថានសិក្សា អាជ្ញាធរដែនដី ទាំងអាណាព្យាបាលសិស្ស ត្រូវអនុវត្តតាមគោលការណ៍នេះ៕
Tag:
អាកាសធាតុ
សិស្ស
អប់រំ
© រក្សាសិទ្ធិដោយ thmeythmey.com