ជាតិ
សង្គមជាតិ
ស្ថានទូតម៉ាឡេស៊ី រៀបចំពិធីស្រាយបួសរ៉ាម៉ាឌន រូបពីស្ថានទូតម៉ាឡេស៊ី
× ថ្ងៃទី៥ ខែមិថុនា ឆ្នាំ២០១៩ ស្ថានទូតម៉ាឡេស៊ីប្រចាំកម្ពុជា បានរៀបចំពិធីស្រាយបួស «Aidilfitri 2០19» ដោយមានការចូលរួមពីជនជាតិម៉ាឡេស៊ីប្រមាណ២០០នាក់ ព្រមទាំងមន្ត្រីរដ្ឋាភិបាលកម្ពុជា និងអ្នកកាទូតផ្សេងទៀត។
សម្តេចនាយករដ្ឋមន្ត្រី ហ៊ុន សែន បានបង្ហោះសារលើបណ្តាញសង្គម ដើម្បីអបអរសាទរចំពោះសាសនិកអ៊ិស្លាម ក្នុងឱកាសបញ្ចប់ពិធីអំណត់បួសខែរ៉ាម៉ាឌន។ លើសពីនេះ ប្រមុខរដ្ឋាភិបាល ក៏បានអរគុណសាសនិកឥស្លាមកម្ពុជាផងដែរ ដែលបានចូលរួមថែរក្សាសន្តិភាព និងបានគាំទ្រការដឹកនាំរបស់ខ្លួន។
Hari Raya Aidilfitri ជាឱកាសដ៏សំខាន់មួយក្នុងប្រតិទិនអិស្លាម ដែលបានប្រារព្ធដោយសាសនិកអ៊ិស្លាមទូទាំងពិភពលោក។ វា ជាថ្ងៃបញ្ចប់នៃខែបួស ដែលហៅថា «រ៉ាម៉ាឌន»។ យ៉ាងហោចមានរយៈពេល៣០ថ្ងៃនៃបុណ្យរ៉ាម៉ាឌន ដែលសាសនិកអ៊ិស្លាមទូទាំងពិភពលោក ត្រូវតមអាហារនៅពេលថ្ងៃ៕
Tag:
ស្ថានទូតម៉ាឡេស៊ី
អ៊ិស្លាម
ស្រាយបួសរ៉ាម៉ាឌន
© រក្សាសិទ្ធិដោយ thmeythmey.com