អត្ថបទពាណិជ្ជកម្ម
ក្រុមហ៊ុន Yako ធានាទិញវិញក្នុងតម្លៃដើម បើស្មាតហ្វូន Huawei ប្រើ Facebook ឬ Google លែងបាន
×![]()
ដោយ: ថ្មីៗ
ភ្នំពេញ ថ្ងៃទី៨ មិថុនា ឆ្នាំ២០១៩៖ ក្រុមហ៊ុន Yako Technology Cambodia.,Ltd ដែលជាតំណាងចែកចាយផ្តាច់មុខរបស់ក្រុមហ៊ុន Huawei ប្រចាំប្រទេសកម្ពុជា បានរៀបចំសន្និសីទសារព័ត៌មានមួយកាលពី ថ្ងៃទី៨ មិថុនា នៅHard Rock Café ដើម្បីឆ្លើយតបទៅនឹងព័ត៌មានផ្សេងៗពីផលិតផល Huawei។
ក្នុងសន្និសីទសារព័រមាននោះ លោក Jonny នាយកផ្នែកហិរញ្ញវត្ថុរបស់ក្រុមហ៊ុន Yako Technology បានថ្លែងថាក្រុមហ៊ុនយ៉ាកូ នឹងទទួលខុសត្រូវប្រសិនបើស្មាតហ្វូន ឬថេបប្លេត Huawei ណាមួយ ដែលបានចែកចាយដោយក្រុមហ៊ុនយ៉ាកូ ទាំងម៉ូឌែលចាស់ និងម៉ូឌែលកំពុងមានលក់នៅលើទីផ្សារមានបញ្ហាក្នុងការប្រើប្រាស់ Facebook, YouTube, Google Gmail, Google Map។ ក្នុងករណីត្រួតពិនិត្យ ឬការជួសជុលដោយក្រុមហ៊ុនយ៉ាកូ រួចហើយ ប៉ុន្តែស្មាតហ្វូន ឬថេបប្លេតនោះនៅតែមានបញ្ហា ក្រុមហ៊ុនធានាទិញស្មាតហ្វូន ឬថេបប្លេតនោះក្នុងតម្លៃដែលក្រុមហ៊ុនបានលក់ជូនអតិថិជន ដោយអតិថិជនគ្រាន់តែបង្ហាញវិក័យប័ត្ររបស់ខ្លួន។
ការអះអាងនេះ ហាក់បីដូចជាធ្វើឲ្យអតិថិជននៅប្រទេសកម្ពុជាកាន់តែមានទំនុកចិត្ត និងមិនព្រួយបារម្ភទៀតឡើយ លើស្មាតហ្វូនឬថេកប្លេត Huawei។ ក្រុមហ៊ុន Yako Technology បានដំណើរការក្នុងទីផ្សារប្រទេសកម្ពុជា ជាង១២ឆ្នាំមកហើយនោះ។ ក្រុមហ៊ុនតែងតែយកចិត្តទុកដាក់លើអតិថិជន ដើម្បីឲ្យប្រាកដថា ពួកគេទទួលបានបទពិសោធន៍ល្អបំផុត ក្នុងការប្រើប្រាស់ផលិតផល Huawei ដោយមានការពេញចិត្ត និងតែងតែផ្តល់សេវាកម្មនានា បន្ទាប់ពីការលក់ជូនអតិថិជន។
ប្រសិនបើអ្នក ឬមិត្តភក្តិរបស់អ្នក ដែលកំពុងប្រើប្រាស់ស្មាតហ្វូន ឬថេបប្លេត Huawei មានបញ្ហាទាំងនេះ អ្នកអាច យកស្មាតហ្វូន ឬថេបប្លេតនោះ ទៅហាងទូរសព្ទដែលអ្នកបានទិញ។ ក្រុមការងាររបស់ក្រុមហ៊ុន Yako នឹងត្រួតពិនិត្យ និងផ្តល់ដំណោះស្រាយដូចអ្វីដែលបានសន្យា។ ដូច្នេះសូមអតិថិជនទាំងអស់ កុំបារម្ភឲ្យសោះថា ស្មាតហ្វូន ឬថេបប្លេតរបស់អ្នក នឹងក្លាយជាដុំថ្ម ដូចពាក្យពាក្យចចាមអារ៉ាម៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
