ជាតិ
សង្គមជាតិ
ក្មេងស្រីម្នាក់ត្រូវក្រពើស៊ីក្រោយពេលរត់លេងធ្លាក់ចូលក្នុងអាងក្រពើក្រោយផ្ទះ
រូបភាព៖ អធិការដ្ឋាននគរបាលក្រុងសៀមរាប
×![]()
ដោយ: ថ្មីៗ
សៀមរាប៖ កុមារីអាយុ២ឆ្នាំម្នាក់ បានស្លាប់សល់ត្រឹមលលាដ៏ក្បាលបន្ទាប់ពីរត់លេងនិងធ្លាក់ចូលអាងក្រពើក្រោយផ្ទះ។ ហេតុការណ៍នេះ កើតឡើងនៅព្រឹកចន្លោះម៉ោង១០ទៅ១១ នាថ្ងៃទី៣០ មិថុនា នៅផ្ទះជនរងគ្រោះដែលស្ថិតនៅភូមិពោធិ៍បន្ទាយជ័យ សង្កាត់សៀមរាប ក្រុង-ខេត្តសៀមរាប។ 
ឪពុកជនរងគ្រោះបានប្រាប់អាជ្ញាធរថា នៅថ្ងៃកើតហេតុខ្លួនមានកិច្ចការរវល់ទៅក្រៅផ្ទះ ដោយទុកកូននៅផ្ទះជាមួយម្ដាយសរសៃខ្ចី លុះត្រឡប់មកវិញសួររកកូនមិនឃើញ ក៏ផ្អើលរកជុំវិញផ្ទះ លុះចុងក្រោយក៏ប្រទះឃើញលលាដ៏ក្បាលមួយក្នុងទ្រុងក្រពើ ទើបសន្និដ្ឋានថាជាកូនខ្លួនដែលធ្លាក់ចូលក្នុងទ្រុងនោះ។
តាមរយៈរូបភាពដែលបានចែកចាយក្នុងបណ្ដាញទំនាក់ទំនងសង្គម ឪពុកម្ដាយកុមារីរងគ្រោះបានត្រឹមយំអោបលលាដ៏ក្បាលកូនក្នុងសភាពសោកស្ដាយជាពន់ពេកតែប៉ុណ្ណោះ៕
© រក្សាសិទ្ធិដោយ thmeythmey.com
