អត្ថបទពាណិជ្ជកម្ម
សំណាងមែន! ទិញស្មាតហ្វូន Huawei តម្លៃជាង ១០០ដុល្លារ ឈ្នះរថយន្ត Mazda 2 ជាង ៣ ម៉ឺនដុល្លារ
×![]()
ដោយ: ថ្មីៗ
សំណាងអីក៏សំណាងយ៉ាងនេះ អ្នកស្រី ពៅ ច្រិប ដែលជាអតិថិជនទិញស្មាតហ្វូន Huawei អេ7 មានតម្លៃតែជាង ១០០ដុល្លារ សោះ បានក្លាយជាអតិថិជនមួយរូបដ៏មានសំណាងបំផុត ឈ្នះរថយន្ត Mazda 2 ដ៏ថ្មីសន្លាងតម្លៃជាង ៣ ម៉ឺនដុល្លារ ពីប្រូម៉ូសិនពិសេសរបស់ក្រុមហ៊ុន Huawei។ ការចាប់រង្វាន់ធំចុងក្រោយ ធ្វើឡើងកាលពីថ្ងៃអាទិត្យ ទី៣០ មិថុនា ដោយមានការផ្សាយផ្ទាល់លើកញ្ចក់ទូរទស្សន៍ MYTV និង Huawei Mobile Facebook pageផងដែរ។
ពេលដែលក្រុមការងារ Huawei ទាក់ទងទៅ អ្នកស្រី ភ្លាមៗពេលកំពុងផ្សាយផ្ទាល់ អ្នកស្រីស្ទើរតែមិនជឿសោះឡើយថាខ្លួន បានឈ្នះរង្វាន់ធំបែបនេះ ពីព្រោះតែខ្លួនទិញទូរសព្ទនេះ តាំងពីខែកុម្ភៈមកម្ល៉េះ ហើយក៏ពុំធ្លាប់បានតាមដាន ការចាប់រង្វាន់រាល់លើកដែរ ពីព្រោះតែរវល់នឹងការងារ។ តាមពិតទៅអ្នកស្រីមិនមែនជាអ្នកឈ្នះមុនគេនោះទេ តែដោយសារតែ អតិថិជន ២ រូប មុខអ្នកស្រី ទាក់ទងទៅមិនបាន។ ដូច្នេះដូចសព្វមួយដង ក្រុមហ៊ុននឹងចាប់រង្វាន់ម្តងទៀត រហូតដល់ទំនាក់ទំនងទៅអ្នកឈ្នះបាន នោះគឺអ្នកស្រី ពៅ ច្រិប តែម្តង។
ក្រៅពីការចាប់រង្វាន់ធំ ក្រុមហ៊ុនក៏បានចាប់រង្វាន់ទូរទស្សន៍ ៤ រង្វាន់ទៀត សម្រាប់ការចាប់រង្វាន់ចុង ក្រោយ។ អ្នកឈ្នះទីមួយ ឈ្មោះ ម៉ី អៀកលី ទិញ Huawei អេ7 ទិញពីហាង ស៊ី អ្នកឈ្នះទីពីរគឺឈ្មោះ ណាវី ទិញ Huawei អេ 5s ពីហាង O.R.T អ្នកឈ្នះទីបីឈ្មោះ រដ្ធា ទិញ Huawei nova3i និងអ្នកឈ្នះទីបួនចុងក្រោយឈ្មោះ វីរះ ទិញ Huawei nova3i។ លើសពីនេះទៅទៀតក្រុមហ៊ុនក៏បានអញ្ជើញអ្នកឈ្នះទាំងបីរូបដែលឈ្នះពីការចាប់រង្វាន់លើកទី7 និងលើកទី ៨ មកទទួលរង្វាន់ផងដែរ។
គួរបញ្ជាក់ផងដែរថា ប្រូម៉ូសិនទិញស្មាតហ្វូន Huawei ឈ្នះ Mazda 2 បានដំណើរការជាង ៥ ខែកន្លងមកហើយ ដែលក្រុមហ៊ុនបានរកឃើញអតិថិជនដ៏មានសំណាង ក្លាយជាអ្នកឈ្នះចំនួន ២៩ នាក់នៅទូទាំងខេត្តក្រុង ដែលរង្វាន់សរុបមានទឹកប្រាក់ប្រមាណជាង ២៦០,០០០,០០០ រៀល។ ក្រុមហ៊ុន នឹងរៀបចំសន្និសីទសារព័ត៌មានប្រគល់រង្វាន់ជូនអ្នកឈ្នះនៅពេលឆាប់ៗនេះ៕
(អត្ថបទពាណិជ្ជកម្ម)
Tag:
Yako Comapny
© រក្សាសិទ្ធិដោយ thmeythmey.com
