កីឡាជាតិ
ជាតិ
×![]()
ក្លិបបាល់ទាត់វិសាខាបានសម្រេចបញ្ចប់កិច្ចសន្យាជាមួយគ្រូបង្វឹក គឺលោក ហុក សុជីវ័ន ត្រឹមពាក់កណ្តាលរដូវកាលឆ្នាំ២០១៩នេះ។ នេះបើតាមការប្រកាសរបស់ក្លិបបាល់ទាត់់វិសាខាលើទំព័រហ្វេសប៊ុកនៅព្រឹកថ្ងៃទី៣ ខែកក្កដា ឆ្នាំ២០១៩នេះ។ 
ក្រោយរួមរស់ជាមួយគ្នាបានជាងមួយរដូវកាល ក្លិបបាល់ទាត់វិសាខាបានដើរដល់ផ្លូវបំបែកជាមួយលោក ហុក សុជីវ័ន គ្រូបង្វឹកវិសាខា នៅថ្ងៃទី៣ កក្កដា ឆ្នាំ២០១៩នេះ។ ទោះបីមិនបញ្ជាក់ពីមូលហេតុ តែតាមរយៈលទ្ធផលមិនគាប់ប្រសើរក្នុងជើងទី១ ទំនងអាចជាមូលហេតុនៃការបញ្ចប់កិច្ចសន្យាពាក់កណ្តាលទីនេះ។ ការចាញ់៣ប្រកួតជាប់គ្នា ក្រោមថ្វីជើងក្រសួងការពារជាតិ ១-០ ព្រះខ័នរាជស្វាយរៀង ៥-៣ និងអាស៊ីអឺរ៉ុប ៣-១ ក៏អាចជាហេតុផលមួយផងដែរ។
ក្រោមការដឹកនាំរបស់លោក ហុក សុជីវ័ន វិសាខាបានបញ្ចប់ត្រឹមចំណាត់ថ្នាក់លេខ៥បណ្តោះអាសន្នក្នុងជើងទី១ ក្រោយយកឈ្នះ៨ ស្មើ១ និងចាញ់៤។ លោក ហុក សុជីវ័ន បានចូលរួមដឹកនាំក្រុមវិសាខានៅឆ្នាំ២០១៨ ដោយពេលនោះលោកបានជួយក្លិបនេះ ឲ្យបញ្ចប់ក្នុងចំណាត់លេខ៣សម្រាប់ការបង្ហាញខ្លួនលើកដំបូងរបស់វិសាខាក្នុងពានរង្វាន់ក្របខណ្ឌមិត្តហ្វូនខេមបូឌានលីគ៕
Tag:
បាល់ទាត់
ហុក សុជីវន្ត
វិសាខា
© រក្សាសិទ្ធិដោយ thmeythmey.com
