អត្ថបទពាណិជ្ជកម្ម
សហគ្រិនវ័យក្មេងកម្ពុជាមួយរូបទទួលបានគោរមងារជា «សាស្ត្រាចារ្យកិត្តិយសរបស់សហព័ន្ធសិក្សាធិការ» នៃទីក្រុង Oxford
×![]()
ដោយ: ថ្មីៗ
សភាពាណិជ្ជកម្ម អឺរ៉ុបបានសម្រេចជាឯកច្ឆន្ទផ្តល់គោរមងារ «សាស្ត្រាចារ្យកិត្តិយសរបស់សហព័ន្ធសិក្សាធិការ« នៃទីក្រុង Oxford ដល់លោក ហោ សំណាង ដែលជាអគ្គនាយកនៃមន្ទីរសម្រាកព្យាបាលកម្ពុជា និងជាអនុប្រធានសមាគមនាវាយុវជនអាស៊ីអាគ្នេយ៍កម្ពុជា នៅក្នុងវេទិកាអ្នកជោគជ័យឆ្នាំ២០១៩ របស់សភាពាណិជ្ជកម្មអឺរ៉ុប ដែលប្រារព្ធនៅទីក្រុង Milan នៃប្រទេសអ៊ីតាលី នាថ្ងៃទី២ ខែកក្កដា ឆ្នាំ ២០១៩ ។
គោរមងារ «សាស្ត្រាចារ្យកិត្តិយសរបស់សហព័ន្ធសិក្សាធិការ» ត្រូវបានបង្កើតឡើងដោយ សហព័ន្ធសិក្សាធិការនៃទីក្រុងOxford តាមរយៈការសហការជាមួយក្រុមសាកលវិទ្យាធិការនៃសហព័ន្ធអឺរ៉ុប។ គោរមងារកិត្តិយសនេះគឺជានិមិត្តរូបនៃសមិទ្ធិផល និងជាការសម្តែងនូវអំណរគុណដល់បុគ្គលទាំងឡាយណា ដែលបានលើកកម្ពស់ដល់ការវិវត្តឈានទៅមុខនៃសង្គមបច្ចុប្បន្ន និងការអភិវឌ្ឍក្នុងវិស័យវិទ្យាសាស្ត្រ វប្បធម៌ និងអប់រំ ក្នុងសកម្មភាពទាំងឡាយរបស់មនុស្សជាតិ។
គោរមងារនេះត្រូវបានផ្តល់ជូនសម្រាប់ការចូលរួមចំណែកដ៏មានតម្លៃក្នុងវិស័យអប់រំ ពាណិជ្ជកម្ម សុខាភិបាល និងការប្រើប្រាស់បច្ចេកវិទ្យាខ្ពស់សម្រាប់ដំណើរការពាណិជ្ជកម្ម ,លក្ខណៈពិសេសផ្នែកសុខាភិបាល ឬ គំនិតបន្ថែមថ្មីផ្នែកអប់រំ ដែលបានចូលរួមក្នុងការលើកកម្ពស់សេដ្ឋកិច្ចជាតិ។ គោរមងារនេះក៏ទទួលស្គាល់សកម្មភាព នៃបុគ្គលទាំងឡាយណា ដែលបានចូលរួមក្នុងទំនាក់ទំនងសុច្ឆន្ទៈ និងការអភិវឌ្ឍនៃសហព័ន្ធសិក្សាធិការ និងក្រុមសាកលវិទ្យាធិការនៃសហព័ន្ធអឺរ៉ុប។
កម្មវិធី Achievement Forum ជាជំនួបមួយដែលផ្តោតលើប្រធានបទ ដែលមានអត្ថប្រយោជន៍ចំពោះពាណិជ្ជករនាពេលបច្ចុប្បន្ន តាមរយៈការប្រមូលផ្តុំនូវគំនិតច្នៃប្រឌិតល្អៗ និងការបង្កើតទំនាក់ទំនងជាមួយគ្នា។ អ្នកចូលរួមសំខាន់ៗមានដូចជានាយកប្រតិបត្តិ អ្នកដឹកនាំផ្នែកពាណិជ្ជកម្ម អ្នកវិនិយោគ អ្នកជំនាញជាន់ខ្ពស់ផ្នែកគុណភាព និងការគ្រប់គ្រងផ្នែកយុទ្ធសាស្ត្រ និងអ្នកឈានមុខផ្នែកផ្តល់សេវាសុខាភិបាល។
ជាមួយបរិយាកាសដ៏វិសេសវិសាលនិងទីតាំងដ៏ប្រណីតនៃ Westin Palace Milan ដែលជាទីកន្លែងស័ក្កិសមបំផុតសម្រាប់បង្កើតទំនាក់ទំនងពាណិជ្ជកម្ម និងសម្រាកលំហែកាយ។ តាមរយៈកម្មវិធីលំដាប់ជាន់ខ្ពស់មួយនេះ អ្នកចូលរួមទាំងអស់នឹងអាចជួបជាមួយពាណិជ្ជករកំពូលៗ ស្វែងរកដៃគូសហការពាណិជ្ជកម្ម និងអតិថិជនថ្មីៗផងដែរ។
គួរបញ្ជាក់ផងដែរថា សភាពាណិជ្ជកម្មអឺរ៉ុបធ្លាប់បានអញ្ជើញ លោក ហោ សំណាង អគ្គនាយក នៃមន្ទីរសំរាកព្យាបាលកម្ពុជា ទៅទទួលពានរង្វាន់ «គុណភាពល្អបំផុត» កាលពីឆ្នាំ ២០១៧ ដែលជានិមិត្តរូបនៃទំនុកចិត្តខ្ពស់ដល់អាជីវកម្ម និងការបេ្តជ្ញាចិត្តរបស់ស្ថាប័ន ចំពោះឧត្តមប្រយោជន៍របស់អ្នកជំងឺ។ ការផ្តល់ជូននេះ គឺផ្អែកលើលក្ខខណ្ឌវិនិច្ឆយវិជ្ជាជីវៈដែលរួមមាន ការងារគ្រប់គ្រងល្អ ក្រុមគ្រូពេទ្យជំនាញ និងបុគ្គលិកគ្រប់ផ្នែកល្អ សុវត្ថិភាពរបស់អ្នកជំងឺ ឧបករណ៍បច្ចេកវិទ្យាទំនើប និងវិធីសាស្ត្រព្យាបាលដោយបច្ចេកវិទ្យាចុងក្រោយ ដែលឆ្លើយតបទៅបញ្ហាវេជ្ជសាស្ត្រនិងសុខភាព៕
( អត្ថបទពាណិជ្ជកម្ម )
Tag:
Fertility Clinic of Cambodia
© រក្សាសិទ្ធិដោយ thmeythmey.com
