ជាតិ
ក្រសួងវប្បធម៌ ហាមកប់សព និងសង់សំណង់ នៅបរិវេណស្ថានីយបុរាណ
× អ្នកស្រី ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ បានសរសេរលិខិតជូនទៅអភិបាលរាជធានី-ខេត្ត ដើម្បីឲ្យហាមពលរដ្ឋ កុំឲ្យកប់សព និងសាងសង់សំណង់គ្រប់ភេទ នៅបរិវេណស្ថានីយបុរាណ ដើម្បីការពារសម្បត្តិបេតិកភណ្ឌសម្រាប់មនុស្សជំនាន់ក្រោយ។
តាមរយៈលិខិត ដែលធ្វើឡើងតាំងពីថ្ងៃទី២៤ ខែមិថុនា ឆ្នាំ២០១៩ អ្នកស្រីរដ្ឋមន្ត្រី លើកឡើងថា កន្លងមក មានករណីកប់សព និងសាងសង់សំណង់រឹងផ្សេងៗតាមបរិវេណស្ថាននីយបុរាណ។ អ្នកស្រី បញ្ជាក់ថា សកម្មភាពនេះ គឺគ្មានច្បាប់អនុញ្ញាតឡើយ និងផ្ទុយពីសេចក្តីសម្រេចស្តីពី កំណត់តំបន់ទាំងបី ដើម្បីការពារបរិវេណប្រាសាទនៅតាមខេត្ត ក្រុង ក្រៅពីតំបន់អង្គរ-សៀមរាប៕
Tag:
ក្រសួងវប្បធម៌
កប់សព
ស្ថានីយបុរាណ
© រក្សាសិទ្ធិដោយ thmeythmey.com