កីឡាអន្តរជាតិ
អន្តរជាតិ
Cong Phuong បានស៊ុតបាល់បញ្ចូលទី១គ្រាប់លើកម្ពុជា ខណៈវៀតណាមឈ្នះ ៥-០ នាវគ្គជម្រុះ Asian Cup កាលពីឆ្នាំ២០១៧
×![]()
ដោយ: ទេព ពិទូរ្យ
ខ្សែប្រយុទ្ធឆ្នើមរបស់ក្រុមជម្រើសជាតិវៀតណាម Nguyen Cong Phuong បានផ្លាស់ទៅចូលរួមជាមួយក្លិបក្នុងលីគលំដាប់កំពូលបែលហ្ស៊ិក Sint-Truidense V.V (Sint-Truiden) ក្នុងលក្ខខណ្ឌខ្ចីជើងមួយរដូវកាលពីក្លិប Hoang Anh Gia Lai (HAGL)។
ក្លិប Hoang Anh Gia Lai នៃលីគកីឡាបាល់ទាត់កំពូលវៀតណាម នៅថ្ងៃទី៥ ខែកក្កដា បានបញ្ជាក់ថាកិច្ចព្រមព្រៀងផ្ទេរខ្សែប្រយុទ្ធវ័យ២៤ឆ្នាំនេះគឺបានបញ្ចប់តាំងពី២ថ្ងៃមុនម្លេះ ពោលមុនពេលបង្ហោះលើទំព័រហ្វេសប៊ុកផ្លូវការរបស់ពួកគេទៅទៀត។
Nguyen Cong Phuong ដែលនឹងត្រូវពាក់លេខ១៥ សម្រាប់ក្លិបថ្មីនេះបានបង្ហាញអារម្មណ៍រំភើបក្រោយបានចូលរួមជាមួយក្រុមដែលមានមូលដ្ឋាននៅតំបន់អឺរ៉ុបនេះ។
«ខ្ញុំពិតជាមានមោទកភាពខ្លាំងណាស់ និងរីករាយក្នុងការចូលរួមជាមួយ Sint-Truidense VV ក្នុងក្របខណ្ឌ First Division A របស់បែលហ្ស៊ិក។ នេះគឺជាចំណុចចាប់ផ្តើមថ្មី និងដ៏សំខាន់មួយនៅក្នុងអាជីពកីឡាបាល់ទាត់របស់ខ្ញុំ។ ខ្ញុំសូមអរគុណដល់លោក Doan Nguyen Duc ដែលជាគ្រូរបស់ HAGL ក៏ដូចជាមន្ត្រីកីឡាបាល់ទាត់វៀតណាមទាំងអស់។ ខ្ញុំនឹងព្យាយាមហ្វឹកហាត់ និងលេងឲ្យអស់ពីសមត្ថភាពដើម្បីផ្គាប់ចិត្តអ្នកគាំទ្រទាំងក្នុងនិងក្រៅស្រុក»។ នេះការអះអាងរបស់ Cong Phuong។
មុនទៅកាន់ទឹកដីអឺរ៉ុបនេះ Cong Phuong ដែលបង្ហាញភាពលេចធ្លោខ្លាំងឲ្យជម្រើសជាតិវៀតណាមក្នុងយុទ្ធនាការ AFC Asian Cup ឆ្នាំ២០១៩ ក៏ធ្លាប់ក្លិបនៅជប៉ុន និងកូរ៉េខាងត្បូងខ្ចីជើងផងដែរ។ កាលពីឆ្នាំ២០១៦ រូបគេបានទៅចូលរួមជាមួយ Mito HollyHock នៃលីគលំដាប់ទី២ជប៉ុន (J2 League) ដោយបង្ហាញខ្លួន៧ប្រកួត មុនពេលទៅចូលរួមជាមួយ Incheon United នៃលីគកំពូលកូរ៉េខាងត្បូង (K League 1)៕
ក្លិប Hoang Anh Gia Lai នៃលីគកីឡាបាល់ទាត់កំពូលវៀតណាម នៅថ្ងៃទី៥ ខែកក្កដា បានបញ្ជាក់ថាកិច្ចព្រមព្រៀងផ្ទេរខ្សែប្រយុទ្ធវ័យ២៤ឆ្នាំនេះគឺបានបញ្ចប់តាំងពី២ថ្ងៃមុនម្លេះ ពោលមុនពេលបង្ហោះលើទំព័រហ្វេសប៊ុកផ្លូវការរបស់ពួកគេទៅទៀត។
Nguyen Cong Phuong ដែលនឹងត្រូវពាក់លេខ១៥ សម្រាប់ក្លិបថ្មីនេះបានបង្ហាញអារម្មណ៍រំភើបក្រោយបានចូលរួមជាមួយក្រុមដែលមានមូលដ្ឋាននៅតំបន់អឺរ៉ុបនេះ។
«ខ្ញុំពិតជាមានមោទកភាពខ្លាំងណាស់ និងរីករាយក្នុងការចូលរួមជាមួយ Sint-Truidense VV ក្នុងក្របខណ្ឌ First Division A របស់បែលហ្ស៊ិក។ នេះគឺជាចំណុចចាប់ផ្តើមថ្មី និងដ៏សំខាន់មួយនៅក្នុងអាជីពកីឡាបាល់ទាត់របស់ខ្ញុំ។ ខ្ញុំសូមអរគុណដល់លោក Doan Nguyen Duc ដែលជាគ្រូរបស់ HAGL ក៏ដូចជាមន្ត្រីកីឡាបាល់ទាត់វៀតណាមទាំងអស់។ ខ្ញុំនឹងព្យាយាមហ្វឹកហាត់ និងលេងឲ្យអស់ពីសមត្ថភាពដើម្បីផ្គាប់ចិត្តអ្នកគាំទ្រទាំងក្នុងនិងក្រៅស្រុក»។ នេះការអះអាងរបស់ Cong Phuong។
មុនទៅកាន់ទឹកដីអឺរ៉ុបនេះ Cong Phuong ដែលបង្ហាញភាពលេចធ្លោខ្លាំងឲ្យជម្រើសជាតិវៀតណាមក្នុងយុទ្ធនាការ AFC Asian Cup ឆ្នាំ២០១៩ ក៏ធ្លាប់ក្លិបនៅជប៉ុន និងកូរ៉េខាងត្បូងខ្ចីជើងផងដែរ។ កាលពីឆ្នាំ២០១៦ រូបគេបានទៅចូលរួមជាមួយ Mito HollyHock នៃលីគលំដាប់ទី២ជប៉ុន (J2 League) ដោយបង្ហាញខ្លួន៧ប្រកួត មុនពេលទៅចូលរួមជាមួយ Incheon United នៃលីគកំពូលកូរ៉េខាងត្បូង (K League 1)៕
Tag:
Nguyen Cong Phuong
Sint-Truidense V.V
វៀតណាម
© រក្សាសិទ្ធិដោយ thmeythmey.com
