ជាតិ
តំណាង UN ផ្នែកកសិកម្ម មកកម្ពុជា ពិភាក្សាពីកសិកម្ម និង សន្តិសុខស្បៀង Gilbert F. Houngbo ប្រធាន IFAD (រូបពី AFP)
× លោក Gilbert F. Houngbo ប្រធានមូលនិធិអន្តរជាតិសម្រាប់ការអភិវឌ្ឍវិស័យកសិកម្មនៃអង្គការសហប្រជាតិ (IFAD) កំពុងមានវត្តមាននៅក្នុងប្រទេសឡាវ។ ពេលបញ្ចប់ទស្សនកិច្ចនៅឡាវ លោក នឹងបន្តមកបំពេញទស្សនកិច្ចនៅកម្ពុជា ពីថ្ងៃទី២៥ ដល់ថ្ងៃទី២៧ ខែកក្កដា ឆ្នាំ២០១៩។
បើតាមការចុះផ្សាយលើគេហទំព័រ
Devdiscourse ទស្សនកិច្ចរបស់លោក Gilbert ក្នុងប្រទេសទាំងពីរនេះ គឺផ្តោតលើការលើកកម្ពស់វិស័យកសិកម្ម អាហារូបត្ថម្ភ និង សន្តិសុខស្បៀង។ ក្រៅពីនេះ លោក Gilbert ក៏នឹងផ្តោតលើការបង្កើនការងារ និងការកាត់បន្ថយផលប៉ះពាល់នៃការប្រែប្រួលអាកាសធាតុផដែរ។
សម្រាប់ដំណើទស្សនកិច្ចនៅកម្ពុជា ប្រធាន IFAD នឹងជួបសម្តេចនាយករដ្ឋមន្ត្រី ហ៊ុន សែន និងមន្ត្រីជាន់ខ្ពស់ផ្សេងទៀត ដោយរួមទាំងតំណាងនានារបស់អង្គការសហប្រជាជាតិប្រចាំកម្ពុជាផងដែរ។
IFAD បានចាប់ផ្តើមប្រតិបត្តិការនៅកម្ពុជា ចាប់តាំងឆ្នាំ១៩៩៦មក ហើយបានអនុវត្តគម្រោងចំនួន៩ ដោយវិនិយោគថវិកា១៥២លានដុល្លារ និងផ្តល់ផលប្រយោជន៍ផ្ទាល់ដល់គ្រួសារជាង១,៣លាន។ នេះបើតាម Devdiscourse ដដែល៕
Tag:
UN
IFAD
Gilbert
កសិកម្ម
សន្តិសុខស្បៀង
© រក្សាសិទ្ធិដោយ thmeythmey.com