ជាតិ
សង្គមជាតិ
×![]()
ដោយ: សារព័ត៌មានថ្មីៗ
គិតត្រឹមថ្ងៃទី៣ ខែមីនា ឆ្នាំ២០១៩ ប្រជាជនកម្ពុជាសរុប មាន ១៥.២៨៨.៤៨៩ នាក់ ក្នុងនោះប្រុស មាន ៧.៤១៨.៥៧៧នាក់ ហើយស្រី ៧.៨៦៩.៩១២ នាក់ (ស្រីច្រើនជាងប្រុស)។ នេះបើតាមលទ្ធផលបឋម ដែលអានដោយសម្តេច ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅព្រឹកថ្ងៃទី៧ ខែសីហា ឆ្នាំ២០១៩ ក្នុងពិធីប្រកាសតួលេខនៃការជំរឿនប្រជាជនកម្ពុជាលើកទី៣។
១៥.២៨៨.៤៨៩ នាក់នេះ គឺគិតតែនៅក្នុងប្រទេសប៉ុណ្ណោះ ចំណែក ពលរដ្ឋខ្មែរនៅក្រៅប្រទេស មិនទាន់ត្រូវបានរាប់បញ្ចូលឡើយ។ បើតាមរបាយការណ៍ពីក្រសួងការងារឆ្នាំ២០១៨ (មិនមែនលទ្ធផលជំរឿន) ពលរដ្ឋខ្មែរ មានជាង១,២លាននាក់ ដែលកំពុងរស់នៅនិងធ្វើការ នៅក្រៅប្រទេស ដូចជា ថៃ កូរ៉េ ជប៉ុន ម៉ាឡេស៊ី សិង្ហបុរី និង ហុងកុង ជាដើម។
ផ្អែកលើតួលេខ អត្រាប្រជាជនខ្មែរប្រចាំឆ្នាំ បានថយចុះពី ១,៥ភាគរយ ក្នុងចន្លោះឆ្នាំ១៩៩៨ និង ឆ្នាំ២០០៨ មកនៅ ១,២ភាគរយ ក្នុងចន្លោះឆ្នាំ២០០៨ និង ឆ្នាំ២០១៩។ សម្តេចរដ្ឋមន្រ្តី អានរបាយការណ៍ដូច្នេះថា៖«តាមតួលេខបណ្តោះអាសន្ននេះ យើងពិនិត្យឃើញថា ចំនួនប្រជាជនកម្រិតថ្នាក់ជាតិ មាននិន្នាការកើនឡើងយឺត ដោយសារអត្រាផ្តល់កំណើតនិងអត្រាកំណើនប្រជាជន បានថយចុះ...»។
បើតាមតួលេខដដែល រាជធានីភ្នំពេញ មានប្រជាជនច្រើនជាងគេ ដែលមានរហូតដល់ ២.១២៩.៣៧១ នាក់ ហើយខេត្តកែប មានប្រជាជនតិចជាងគេ គឺមានត្រឹម ៤១.៧៩៨នាក់ប៉ុណ្ណោះ។
តួលេខបង្ហាញទៀតថា ជាមធ្យម ក្នុងមួយគ្រួសារ មានចំនួន៤.៦នាក់។ ចំណែក ដង់ស៊ីតេប្រជាជន ស្មើនឹង៨៦នាក់ ក្នុងមួយគីឡូម៉ែត្រការ៉េ (មានន័យថា ជាមធ្យម ទំហំដីមួយគីឡូម៉ែត្រការ៉េ មានប្រជាជន៨៦នាក់)។
ការធ្វើជំរឿនលើកទី៣នេះ មានរយៈពេល១១ថ្ងៃ គឺចាប់ពីថ្ងៃទី៣ ដល់ថ្ងៃទី១៣ ខែមីនា ឆ្នាំ២០១៩។ ការងារជំរឿនប្រជាជនកម្ពុជា ត្រូវបានធ្វើឡើង២ដងរួចមកហើយ គឺនៅឆ្នាំ១៩៩៨ និងឆ្នាំ២០០៨ ដែលស្របតាមច្បាប់ស្តីពីស្ថិតិ ដោយកំណត់នូវកាតព្វកិច្ច របស់ប្រជាពលរដ្ឋម្នាក់ៗ ត្រូវចូលរួមសហការ ក្នុងការធ្វើជំរឿន។ ការធ្វើជំរឿនកន្លងមក មានការជួយជ្រោមជ្រែងពីអង្គការដៃគូ ដូចជាអង្គការ UNFPA អង្គការ JICA រដ្ឋាភិបាលជប៉ុន និង ប្រទេសអាល្លឺម៉ង់។
ការធ្វើជំរឿនផ្លូវការលើកដំបូងកាលពីឆ្នាំ១៩៩៨ កម្ពុជា មានពលរដ្ឋ ១១.៤៣៧.៦៥៦នាក់ ហើយឡើងដល់ ១៣.៣៩៥.៦៨២នាក់ នៅឆ្នាំ២០០៨ ។ នៅឆ្នាំ២០១៥ អង្គការសហប្រជាជាតិ បានប៉ាន់ប្រមាណថា ប្រជាជនកម្ពុជា កើនដល់ ១៥,៥៨លាននាក់។
នៅមុនសង្គ្រាម កម្ពុជា ក៏ធ្លាប់ធ្វើជំរឿនម្តងដែរក្នុងឆ្នាំ១៩៦២៕
១៥.២៨៨.៤៨៩ នាក់នេះ គឺគិតតែនៅក្នុងប្រទេសប៉ុណ្ណោះ ចំណែក ពលរដ្ឋខ្មែរនៅក្រៅប្រទេស មិនទាន់ត្រូវបានរាប់បញ្ចូលឡើយ។ បើតាមរបាយការណ៍ពីក្រសួងការងារឆ្នាំ២០១៨ (មិនមែនលទ្ធផលជំរឿន) ពលរដ្ឋខ្មែរ មានជាង១,២លាននាក់ ដែលកំពុងរស់នៅនិងធ្វើការ នៅក្រៅប្រទេស ដូចជា ថៃ កូរ៉េ ជប៉ុន ម៉ាឡេស៊ី សិង្ហបុរី និង ហុងកុង ជាដើម។
ផ្អែកលើតួលេខ អត្រាប្រជាជនខ្មែរប្រចាំឆ្នាំ បានថយចុះពី ១,៥ភាគរយ ក្នុងចន្លោះឆ្នាំ១៩៩៨ និង ឆ្នាំ២០០៨ មកនៅ ១,២ភាគរយ ក្នុងចន្លោះឆ្នាំ២០០៨ និង ឆ្នាំ២០១៩។ សម្តេចរដ្ឋមន្រ្តី អានរបាយការណ៍ដូច្នេះថា៖«តាមតួលេខបណ្តោះអាសន្ននេះ យើងពិនិត្យឃើញថា ចំនួនប្រជាជនកម្រិតថ្នាក់ជាតិ មាននិន្នាការកើនឡើងយឺត ដោយសារអត្រាផ្តល់កំណើតនិងអត្រាកំណើនប្រជាជន បានថយចុះ...»។
អត្ថបទទាក់ទង
បើតាមតួលេខដដែល រាជធានីភ្នំពេញ មានប្រជាជនច្រើនជាងគេ ដែលមានរហូតដល់ ២.១២៩.៣៧១ នាក់ ហើយខេត្តកែប មានប្រជាជនតិចជាងគេ គឺមានត្រឹម ៤១.៧៩៨នាក់ប៉ុណ្ណោះ។
តួលេខបង្ហាញទៀតថា ជាមធ្យម ក្នុងមួយគ្រួសារ មានចំនួន៤.៦នាក់។ ចំណែក ដង់ស៊ីតេប្រជាជន ស្មើនឹង៨៦នាក់ ក្នុងមួយគីឡូម៉ែត្រការ៉េ (មានន័យថា ជាមធ្យម ទំហំដីមួយគីឡូម៉ែត្រការ៉េ មានប្រជាជន៨៦នាក់)។
ការធ្វើជំរឿនលើកទី៣នេះ មានរយៈពេល១១ថ្ងៃ គឺចាប់ពីថ្ងៃទី៣ ដល់ថ្ងៃទី១៣ ខែមីនា ឆ្នាំ២០១៩។ ការងារជំរឿនប្រជាជនកម្ពុជា ត្រូវបានធ្វើឡើង២ដងរួចមកហើយ គឺនៅឆ្នាំ១៩៩៨ និងឆ្នាំ២០០៨ ដែលស្របតាមច្បាប់ស្តីពីស្ថិតិ ដោយកំណត់នូវកាតព្វកិច្ច របស់ប្រជាពលរដ្ឋម្នាក់ៗ ត្រូវចូលរួមសហការ ក្នុងការធ្វើជំរឿន។ ការធ្វើជំរឿនកន្លងមក មានការជួយជ្រោមជ្រែងពីអង្គការដៃគូ ដូចជាអង្គការ UNFPA អង្គការ JICA រដ្ឋាភិបាលជប៉ុន និង ប្រទេសអាល្លឺម៉ង់។
ការធ្វើជំរឿនផ្លូវការលើកដំបូងកាលពីឆ្នាំ១៩៩៨ កម្ពុជា មានពលរដ្ឋ ១១.៤៣៧.៦៥៦នាក់ ហើយឡើងដល់ ១៣.៣៩៥.៦៨២នាក់ នៅឆ្នាំ២០០៨ ។ នៅឆ្នាំ២០១៥ អង្គការសហប្រជាជាតិ បានប៉ាន់ប្រមាណថា ប្រជាជនកម្ពុជា កើនដល់ ១៥,៥៨លាននាក់។
នៅមុនសង្គ្រាម កម្ពុជា ក៏ធ្លាប់ធ្វើជំរឿនម្តងដែរក្នុងឆ្នាំ១៩៦២៕
Tag:
ជំរឿន
© រក្សាសិទ្ធិដោយ thmeythmey.com
