ជាតិ
សង្គមជាតិ
លោក ឃួង ស្រេង អភិបាលរាជធានីភ្នំពេញ
×![]()
ភ្នំពេញ៖ លោក ឃួង ស្រេង អភិបាលរាជធានីភ្នំពេញ បានប្រកាសកាលពីថ្ងៃទី៧ ខែសីហា ថារដ្ឋបាលរាជធានីភ្នំពេញ នឹងសាងសង់ផ្លូវថ្មើរជើង និងសួនសាធារណៈនៅជុំវិញបឹងសំរោង ក្នុងខណ្ឌព្រែកព្នៅ សម្រាប់ឲ្យពលរដ្ឋឆ្លងកាត់ និងសម្រាកលម្ហែកាយ។
គម្រោងសាងសង់ផ្លូវថ្មើរជើងនេះកំពុងតែស្ថិតនៅក្នុងការវាស់វែង ដោយសារគម្រោងនេះអាចនឹងមានផលប៉ះពាល់ដល់ពលរដ្ឋដែលអាស្រ័យលើផល និងការចិញ្ចឹមត្រី។ ដូច្នេះ អភិបាលរាជធានី បញ្ជាឲ្យមន្ត្រី ដោះស្រាយឲ្យទាន់ពេលវេលា ដើម្បីឲ្យគម្រោងនេះប្រព្រឹត្តទៅដោយរលូន។
សេចក្តីជូនដំណឹង ដែលចេញដោយលោក ឃួង ស្រេង អភិបាលរាជធានីភ្នំពេញ បានបញ្ជាក់ថា ការសាងសង់ផ្លូវថ្មើរជើង និងសួនសាធារណៈ នៅជុំវិញបឹងសំរោងនេះ មានពលរដ្ឋខ្លះមិនទាន់សហការដោះស្រាយលើការរងផលប៉ះពាល់នៅឡើយទេ។ សាលារាជធានីភ្នំពេញ ស្នើឲ្យពលរដ្ឋដែលកាន់កាប់ផ្ទៃបឹងទាំងអស់ យកឯកសារពាក់ព័ន្ធទៅបញ្ជាក់នៅសាលារាជធានីភ្នំពេញ ដើម្បីបានជាដំណោះស្រាយ។
សេចក្តីជូនដំណឹង ពុំបានបញ្ជាក់ឡើយថា គម្រោងសង់ផ្លូវនិងសួននេះ នឹងចាប់ផ្តើមនៅពេលណា។ សារព័ត៌មានថ្មីៗ មិនអាចសុំការបកស្រាយបន្ថែមពីអ្នកនាំពាក្យសាលារាជធានីភ្នំពេញបានឡើយ ដោយសារតែមិនលើកទូរសព្ទ៕
គម្រោងសាងសង់ផ្លូវថ្មើរជើងនេះកំពុងតែស្ថិតនៅក្នុងការវាស់វែង ដោយសារគម្រោងនេះអាចនឹងមានផលប៉ះពាល់ដល់ពលរដ្ឋដែលអាស្រ័យលើផល និងការចិញ្ចឹមត្រី។ ដូច្នេះ អភិបាលរាជធានី បញ្ជាឲ្យមន្ត្រី ដោះស្រាយឲ្យទាន់ពេលវេលា ដើម្បីឲ្យគម្រោងនេះប្រព្រឹត្តទៅដោយរលូន។
សេចក្តីជូនដំណឹង ដែលចេញដោយលោក ឃួង ស្រេង អភិបាលរាជធានីភ្នំពេញ បានបញ្ជាក់ថា ការសាងសង់ផ្លូវថ្មើរជើង និងសួនសាធារណៈ នៅជុំវិញបឹងសំរោងនេះ មានពលរដ្ឋខ្លះមិនទាន់សហការដោះស្រាយលើការរងផលប៉ះពាល់នៅឡើយទេ។ សាលារាជធានីភ្នំពេញ ស្នើឲ្យពលរដ្ឋដែលកាន់កាប់ផ្ទៃបឹងទាំងអស់ យកឯកសារពាក់ព័ន្ធទៅបញ្ជាក់នៅសាលារាជធានីភ្នំពេញ ដើម្បីបានជាដំណោះស្រាយ។
សេចក្តីជូនដំណឹង ពុំបានបញ្ជាក់ឡើយថា គម្រោងសង់ផ្លូវនិងសួននេះ នឹងចាប់ផ្តើមនៅពេលណា។ សារព័ត៌មានថ្មីៗ មិនអាចសុំការបកស្រាយបន្ថែមពីអ្នកនាំពាក្យសាលារាជធានីភ្នំពេញបានឡើយ ដោយសារតែមិនលើកទូរសព្ទ៕
Tag:
បឹងសំរោង
ផ្លូវថ្មើរជើង
© រក្សាសិទ្ធិដោយ thmeythmey.com
