ជាតិ
បាក់ឌុប
យល់ដឹងច្រើន! ក្រោយបាក់ឌុប សំរាមលែងរប៉ាត់រប៉ាយពេញមណ្ឌលប្រឡងដូចមុនហើយ
×
ដោយ៖ ឆាយ រង្សី
ក្រោយការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) យើងតែងតែសង្កេតឃើញមានក្រដាស និងគំនរសំរាម រប៉ាយរប៉ាត់ ពេញបរិវេណមណ្ឌលប្រឡង។ នៅឆ្នាំនេះ សារព័ត៌មានថ្មីៗ ដែលបានពង្រាយអ្នកយកព័ត៌មានទៅតាមមណ្ឌលជាច្រើនក្នុងរាជធានីភ្នំពេញ ក៏ដូចជានៅខេត្តកំពង់ចាម និងសៀមរាប សង្កេតឃើញថា ករណីសំរាមមិនសូវចោទជាបញ្ហានោះឡើយ។
«យើងប្រឹងប្រមូលដាក់ធុងសំរាម ពីព្រោះមិនចង់ឲ្យមានការរិះគន់នោះឡើយ»។ នេះបើតាមការអះអាងរបស់យុវជនម្នាក់ដែលចែកចាយខិត្តបណ្ឌទាក់ទងនឹងកម្មវិធីរៀននៅថ្នាក់ឧត្តមសិក្សា ទៅដល់បេក្ខជនដែលទើបបញ្ចប់ការប្រឡងបាក់ឌុប កាលពីរសៀលថ្ងៃទី២០ ខែសីហា។
ជាមួយគ្នានេះផងដែរ យុវសិស្សភាគច្រើន កាន់ក្រដាសខិត្តប័ណ្ណនៅជាប់នឹងខ្លួនដោយមិនទម្លាក់ចោលតាមផ្លូវឡើយ ហើយខ្លះ សុខចិត្តដើរសំដៅទៅធុងសំរាមដើម្បីបោះចោល។ អ្នកប្រមូលសំរាមក៏មិនសូវពិបាកដូចមុនផងដែរ។
«ខ្លាចណាស់ការរិះគន់តាមហ្វេសប៊ុក»។ យុវជនម្នាក់ខ្សឹបដាក់ត្រចៀករបស់អ្នកសារព័ត៌មានថ្មីៗ៕
© រក្សាសិទ្ធិដោយ thmeythmey.com