ជាតិ
នយោបាយជាតិ
×![]()
ដោយ: ថ្មីៗ
សម្តេច ហេង សំរិន ប្រធានរដ្ឋសភាកម្ពុជា និងគណៈប្រតិភូ បានចូលរួមមហាសន្និបាតសភាអន្តរអាស៊ាន (IAPA) លើកទី៤០ ដែលប្រព្រឹត្តទៅនៅថ្ងៃទី២៦នេះ រហូតដល់ថ្ងៃទី៣០ ខែសីហា ឆ្នាំ២០១៩ ក្នុងទីក្រុងបាងកក ប្រទេសថៃ។ កិច្ចប្រជុំនេះ មានការចូលរួមពីតំណាងសភានៃប្រទេសសមាជិកទាំង១០ក្នុងតំបន់អាស៊ាន។ 
ប្រធានបទសម្រាប់កិច្ចប្រជុំសភាអន្តរអាស៊ានលើកទី៤០ គឺ «ការលើកកម្ពស់ភាពជាដៃគូសភា ដើម្បីការអភិវឌ្ឍសហគមន៍ប្រកបដោយចីរភាព»។ សមាជិកទាំង១០ប្រទេស បានបើកកិច្ចប្រជុំគណៈកម្មាធិការប្រតិបត្តិនៃសភាអន្តរអាស៊ានជាមុន កាលពីថ្ងៃទី២៥ម្សិលមិញ ដើម្បីលើកជារបៀបវារៈ ដាក់ចូលមហាសន្និបាតនៅថ្ងៃនេះ។
លោក Chuan Leekpai ប្រធានសភាថៃ ធ្វើជាប្រធាននៃមហាសន្និបាតនេះ។ ទំព័រហ្វេសប៊ុករបស់សម្តេច ហេង សំរិន សរសេរថា សម្តេច ហេង សំរិន និង គណៈប្រតិភូ នឹងចូលប្រជុំពិភាក្សាលើបញ្ហាសំខាន់ៗ ដើម្បីបម្រើផលប្រយោជន៍ជាតិ។
អន្តរសភាអាស៊ាន ជាអង្គការផ្នែកនីតិប្បញ្ញត្តិ នៃបណ្តាប្រទេសសមាជិកអាស៊ានទាំង១០ គឺ ប្រ៊ុយណេ កម្ពុជា ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា សិង្ហបុរី ថៃ វៀតណាម និង ហ្វីលីពីន៕
Tag:
ហេង សំរិន
AIPA
© រក្សាសិទ្ធិដោយ thmeythmey.com
