​លោក ជិន ម៉ា​លីន អ្នកនាំពាក្យ​ក្រសួងយុត្តិធម៌ ពន្យល់ថា ការបង្កើត​សាលាឧទ្ធរណ៍​បី​បន្ថែមទៀត គឺ​ដើម្បី​ធ្វើ​ឲ្យ​សេវា​យុត្តិធម៌ កាន់តែ​ខិតជិត​ប្រជាពលរដ្ឋ ហើយ​ប្រជាពលរដ្ឋ នឹងមិន​ចំណាយ​ពេលវេលា​និង​ថវិកា​ច្រើន​នោះទេ ក្នុង​ការធ្វើ​បណ្តឹងឧទ្ធរណ៍​។ លើសពីនេះ ការបង្កើត​សាលាឧទ្ធរណ៍​បន្ថែម ក៏​ដើម្បី​ព​ន្លឿ​ន​នីតិវិធី​លើ​សុំ​ណុំ​រឿង​ផងដែរ​។ អ្នកនាំពាក្យ អះអាងថា ដោយសារតែ​សាលាឧទ្ធរណ៍ មាននៅ​ក្នុង​រាជធានី​ភ្នំពេញ​តែមួយ ទើប​ធ្វើ​ឲ្យ​សំណុំរឿង​ឬ​បណ្តឹងឧទ្ធរណ៍​កកកុញ  ហើយ​ដំណើរការ​ដោះស្រាយ​បណ្តឹង​ផ្សេងៗ គឺ​មិនសូវ​លឿន​។

  
 

​សាលាឧទ្ធរណ៍​ទាំងបី ដែល​ទើបនឹង​បង្កើត​នោះ​គឺ សាលាឧទ្ធរណ៍​តំបន់​ត្បូងឃ្មុំ សាលាឧទ្ធរណ៍​តំបន់​បាត់ដំបង និង សាលាឧទ្ធរណ៍​តំបន់​ព្រះសីហនុ​។ តាម​ព្រះរាជក្រឹត្យ សាលាឧទ្ធរណ៍​ថ្មី​ទាំងនេះ នឹង​ដំណើរការ ចាប់ពី​ថ្ងៃទី​១ ខែមេសា ឆ្នាំ​២០១៩ តទៅ​។​