ភ្នំពេញ ថ្ងៃទី២៧ ខែសីហា ឆ្នាំ២០១៩៖ ឌី អេច អិល អិចប្រេស កម្ពុជា, ឌី អេច អិល គ្លូបល ហ្វវើតឌីង កម្ពុជា និងឌី អេច អិល សាប់ផ្លាយ ឆេន កម្ពុជា, បំណែងចែកទាំងអស់នៃ ឌូអេដហ្សេ ផូស្ត ឌី អេច អិល គ្រុប (ឌី ភី ឌី អេច អិល គ្រុប) បានបើកដំណើរការភាពជាដៃគូ ជាមួយអង្គការបង្រៀនដើម្បីកម្ពុជា ដែលជាដៃគូបណ្តាញរបស់អង្គការបង្រៀនដើម្បីទាំងអស់គ្នានៅថ្ងៃនេះ។ ការសហការនេះ មានគោលបំណងលើកកម្ពស់ភាពមានការងារធ្វើទៅកាន់យុជនកម្ពុជា តាមរយៈការបង្ហាញឲ្យដឹងពីសង្គមការងារ និងផ្សារភ្ជាប់ទៅកាន់មគ្គុទេសក៏ និង អ្នកដឹកនាំជំនួញមកពី ឌី អេច អិល។ ទាំងនេះបានកត់សម្គាល់ជា ក្រុមដៃគូទី១៩ របស់ ឌី ភី ឌី អេច អិល ជាមួយបណ្តាញអង្គការបង្រៀនដើម្បីទាំងអស់គ្នា ក្រោមក្របខ័ណ្ឌ យុទ្ធសាស្ត្រថ្មីមួយ និង ផ្តោតទៅលើការជួយជំរុញភាពមានការងារធ្វើ និង បំនិនជីវិតនៃសិស្សជុំវិញ ពិភពលោក។
លោក ស៊ីវ មុន្នីរ័ត្ន ជាស្ថាបនិក និងនាយកប្រតិបត្តិនៃអង្គការបង្រៀនដើម្បីកម្ពុជា បានគូសបញ្ជាក់ថា អង្គការរបស់លោក មានទស្សនវិស័យជំរុញ និងលើកទឹកចិត្តយុវជន ឲ្យមានការប្តេជ្ញាចិត្ត និងមានក្រមសីលធម៌ការងារ ក៏ដូចជាមានគំនិតផ្តួចផ្តើមថ្មីៗផងដែរ។ សម្រាប់ លោក ស៊ីវ មុន្នីរ័ត្ន លោកជឿថា ការខិតខំប្រឹងប្រែងមានទំនាក់ទំនងយ៉ាងជិតស្និទ្ធជាមួយនឹងភាពជោគជ័យ ហើយលោកក៏ចង់ឃើញយុវជនឲ្យតម្លៃទៅលើការប្រឹងអភិវឌ្ឍន៍ខ្លួនឯង និងខិតខំជម្នះឧបសគ្គ ជាងការជ្រើសរើស ការធ្វើអ្វីដែលងាយៗ។ លោក ស៊ីវ មុន្នីរ័ត្ន បន្តថា៖«យើងជឿថា ការសហការគ្នាជាដៃគូ ជាមួយ ក្រុមហ៊ុន ឌី អេចអិលនេះ នឹងជួយពួកយើងឲ្យសម្រេចបានជោគជ័យ លើទស្សនៈវិស័យរបស់យើង ដោយបង្ហាញយុវជនរបស់យើង ពីសង្គមការងារ និងផ្តល់ឲ្យពួកគេនូវទម្រង់មួយ ដែលអាចផ្សារភ្ជាប់ទំនាក់ទំនង ជាមួយនឹងអ្នកដឹកនាំអាជីវកម្មផ្សេងៗ»។
ភាពជាដៃគូនេះ នឹងមានបុគ្គលិកស្ម័គ្រចិត្តក្រុមហ៊ុន ឌី អេច អិល ដើម្បីជួយគាំទ្រហ្វេឡូច្រើនជាង ៦០នាក់ នៃអង្គការបង្រៀនដើម្បីកម្ពុជា ដែលនឹងពង្រីកសក្តានុពលទៅកាន់សិស្សប្រមាណជិត ៩,០០០ នាក់ នៅក្នុងសាលាច្រើនជាង ១៥ កន្លែង នៅប្រទេសកម្ពុជា នាចុងឆ្នាំ២០១៩នេះ។ រាល់សកម្មភាពរបស់អ្នកស្ម័គ្រចិត្ត នឹងផ្តោតលើយុវជននៅកម្រិតមធ្យមសិក្សា និងផ្តោតសំខាន់លើការបណ្តុះបណ្តាលជំនាញទន់ និងកម្មវិធីយល់ដឹងពីអាជីព។
លោក ប្រាយ័ក ឈីត្រាកា អ្នកគ្រប់គ្រងប្រចាំប្រទេស នៃក្រុមហ៊ុន ឌី អេច អិល អិចប្រេស កម្ពុជា បានកត់សម្គាល់ឃើញថា សព្វថ្ងៃនេះ នៅប្រទេសកម្ពុជា បើទោះបីជាមានការយកចិត្តទុកដាក់គួរឲ្យកត់សម្គាល់លើវិស័យអប់រំ ក៏ពិតមែន តែវានៅតែមានភាពមិនស៊ីចង្វាក់គ្នា រវាងជំនាញដែលក្រុមហ៊ុន និងវិស័យអាជីវកម្មត្រូវការ ជាមួយនឹងអ្វីដែលយុវជនត្រូវការ ដើម្បីទទួលបានភាពជោគជ័យក្នុង វិស័យការងារ។ លោក ប្រាយ័ក ឈីត្រាកា បានបន្តថា៖«គោលបំណងដែលយើងមាន សម្រាប់អ្នកស្ម័គ្រចិត្តក្រុ មហ៊ុន ឌី អេច អិល តាមរយៈការសហការជាមួយអង្គការបង្រៀនដើម្បីកម្ពុជានេះ គឺដើម្បីបង្កើតនូវឥទ្ធិពលល្អយូរអង្វែងទៅកាន់យុវជន ដែលពួកគេធ្វើការជាមួយ ដោយពួកគេនឹងរៀនអំពីជំនាញ និងបុគ្គលិកលក្ខណៈមួយចំនួន ដែលធ្វើឲ្យពួកគេអាចចងចាំ និងយកទៅប្រើប្រាស់ បានក្នុងពេលស្វែងរកការងារ»។
លោក អាន់ឌ្រូ ហ្វហ្គេន អ្នកគ្រប់គ្រងប្រចាំប្រទេស នៃ ឌី អេច អិល សាប់ផ្លាយ ឆេន កម្ពុជា បានបន្តថា៖ «គំនិតនៃការផ្តល់ឲ្យត្រលប់ទៅវិញទៅកាន់សហគមន៍ ដែលយើងបានធ្វើ គឺជាការផ្តោតលើក្រុមដែលមានលក្ខណៈទូលំទូលាយ។ ក្រុមហ៊ុន ឌី អេច អិលមានវត្តមាននៅកម្ពុជាច្រើនជាង ២៥ឆ្នាំមកហើយ គិតមកដល់បច្ចុប្បន្ន។ ដូចនេះពួកយើងពិតជាទន្ទឹងរង់ចាំជួយកែលម្អ និងតម្រង់អនាគតរបស់យុវជន នៅក្នុងប្រទេសនេះ។ ឆ្លងកាត់ការធ្វើការបែកចែករបស់យើង អ្នកស្ម័គ្រចិត្តមានគម្រោងរៀបចំវគ្គបណ្តុះបណ្តាល ស្តីពី ជំនាញមូលដ្ឋានគ្រឹះ សិក្ខាសាលាស្តីពីការប្រឹក្សាយោបល់លើអាជីព និងបើកដំណើរការកម្មវិធីភាពជាមគ្គុទេសន៍ដឹកនាំ តាមដែលអាចធ្វើបាន។ យើងសង្ឃឹមថា ទំនាក់ទំនងដែលយុវជនមាន ជាមួយនឹងអ្នកស្ម័គ្រចិត្តរបស់យើង នឹងលើកទឹកចិត្តពួកគេ ឲ្យមានក្តីស្រមៃធំធេង និងសម្រេចបានគោលដៅរបស់ពួកគេ»។
អង្គការបង្រៀនដើម្បីកម្ពុជា កំពុងតែកសាងគ្រូបង្រៀន និងអ្នកដឹកនាំដែលមានប្រសិទ្ធភាពថ្មីមួយ ដែលធ្វើការងារឥតឈប់ឈរ ដើម្បីពង្រីកឱកាសអប់រំទៅកាន់សិស្សានុសិស្សរបស់ពួកគេទាំងអស់គ្នា។ អង្គការបង្រៀនដើម្បីកម្ពុជា ជ្រើសរើសយកនិស្សិតមហាវិទ្យាល័យពូកែៗ ដែលទើបបញ្ចប់ការសិក្សាថ្មីៗ និងជ្រើសរើសយកអ្នកដែលមានជំនាញប្រកបវិជ្ជាជីវៈវ័យក្មេង ដែលមកពីជំនាញសិក្សាផ្សេងៗគ្នា និងចំណង់ចំណូលចិត្តអាជីពផ្សេងៗគ្នា ដើម្បីប្តេជ្ញាចិត្តក្នុងរយៈពេល២ឆ្នាំដំបូង តាមរយៈកម្មវិធីហ្វេឡូស៊ីប របស់អង្គការបង្រៀនដើម្បីកម្ពុជា ដោយធ្វើជាគ្រូបង្រៀននៅតាមវិទ្យាល័យ ដែលមានតម្រូវការគ្រូចាំបាច់ ហើយជួយផ្គត់ផ្គង់ អភិវឌ្ឍន័ពួកគេ ដើម្បីឲ្យក្លាយជាអ្នកដឹកនាំពេញមួយជីវិត និងសង្ឃឹមថា ពួកគេអាចក្លាយជាអ្នកតស៊ូមតិមួយ ដើម្បីជំរុញឲ្យមានសមភាពនៅក្នុងវិស័យអប់រំ។
កម្មវិធី«ការរស់នៅដោយមានទំនួលខុសត្រូវ» របស់ឌូអេដហ្សេ ផូស្ត ឌី អេច អិល គ្រុប មាន៣កម្មវិធីរួមបញ្ចូលគ្នា ដោយផ្តោតទៅលើ ការការពារបរិសា្ថន(ហ្គោ គ្រីន) ការគ្រប់គ្រងគ្រោះមហន្តរាយ (ហ្គោ ហែប) និងភាពមានការងារធ្វើ (ហ្គោ ធិច)។ តាមរយៈកម្មវិធី ហ្គោធិច ឌូអេដហ្សេ ផូស្ត ឌី អេច អិល គ្រុប ផ្តល់ការគាំទ្រផ្គត់ផ្គង់ ទៅអង្គការបង្រៀនដើម្បីទាំងអស់គ្នា ក៏ដូចជាបណ្តាញដៃគូទាំង១៩ នៅអាស៊ីប៉ាស៊ីហ្វិក អឺរ៉ុប អាមេរិកឡាទីន មជ្ឈិមបូព៌ា និងទ្វីបអាព្រិក»៕
(អត្ថបទពាណិជ្ជកម្ម)