ជាតិ
ជប៉ុន ផ្តល់អាហារូបករណ៍ថ្នាក់បណ្ឌិត និងបរិញ្ញាបត្រជាន់ខ្ពស់ សរុប២៦កន្លែងសម្រាប់មន្ត្រីរាជការ
×![]()
ដោយ៖ ឃុន សម្ផស្ស
ភ្នំពេញ៖ កម្មវិធីអាហារូបករណ៍ជប៉ុន JDS ក្រោមជំនួយរបស់រដ្ឋាភិបាលជប៉ុន សម្រាប់ការអភិវឌ្ឍធនធានមនុស្សនៅកម្ពុជា នឹងផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ ចំនួន ២៤កន្លែង និងថ្នាក់បណ្ឌិត ចំនួន២កន្លែង សម្រាប់មន្ត្រីរាជការ ទៅសិក្សានៅប្រទេសជប៉ុន ក្នុងឆ្នាំ២០២០។
លក្ខខណ្ឌនៃការជ្រើសរើស ថ្នាក់បរិញ្ញាបត្រជាន់ខ្ពស់ បេក្ខជនត្រូវមានសញ្ជាតិខ្មែរ, មានសញ្ញាបត្របរិញ្ញាបត្រ, មានអាយុចន្លោះពី ២២-៣៩ឆ្នាំ, មានចំណេះដឹងភាសាអង់គ្លេសគ្រប់គ្រាន់ និងជាបុគ្គលិករដ្ឋពេញម៉ោងតាមស្ថាប័នពាក់ព័ន្ធ។ បេក្ខជន ត្រូវមានពិសោធន៍ការងារយ៉ាងតិច២ឆ្នាំ និងមានកាយសម្បទា និងសតិបញ្ញាល្អ។
ចំណែកឯថ្នាក់បណ្ឌិត បេក្ខជនត្រូវមានសញ្ជាតិខ្មែរ មានអាយុក្រោម ៤៥ឆ្នាំ និងបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ក្រោមកម្មវិធីអាហារូបករណ៍ JDS។ បេក្ខជនត្រូវ មានបទពិសោធន៍ការងារយ៉ាងតិច២ឆ្នាំ បន្ទាប់ពីបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ ក្រោមកម្មវិធីអាហារូបករណ៍ JDS, ជាបុគ្គលិករដ្ឋដែលធ្វើការពេញម៉ោងតាមស្ថាប័នពាក់ព័ន្ធ ដូចមានកំណត់ក្នុងFramework of JDS 2019 និងមានកាយសម្បទា និងសតិបញ្ញាល្អបរិបូរណ៍។
បេក្ខជនដែលមានចំណាប់អារម្មណ៍ សូមទាក់ទងរកពាក្យសុំអាហារូបករណ៍ និងបំពេញសំណុំឯកសារផ្សេងៗ ចាប់ពីថ្ងៃផ្សាយដំណឹងនេះ រហូតថ្ងៃទី៣ ខែតុលា ឆ្នាំ២០១៩ នៅការិយាល័យ JICE-JDS ដែលមានអាសយដ្ឋាននៅជាន់ទី៣ អាគារ AURA Condominium ផ្លូវលេខ៨៧ សង្កាត់បឹងរាំង ខណុ្ឌដូនពេញ រាជធានីភ្នំពេញ ឬបេក្ខជនអាចទាញយកពាក្យអាហារូបករណ៍តាមគេហទំព័រ៖ http://jds.shcorlaship.org/ ។ សម្រាប់ព័ត៌មានបន្ថែម សូមទាក់ទងការិយាល័យអាហារូបករណ៍ និងកម្មសិក្សានៃនាយកដ្ឋានទំនាក់ទំនងវប្បធម៌ និងអាហារូបករណ៍ អគារលេខ២៣ ផ្លូវ៣៦០៕
Tag:
អាហារូបករណ៍
JDS
ជប៉ុន
© រក្សាសិទ្ធិដោយ thmeythmey.com
