អត្ថបទពាណិជ្ជកម្ម
បន្ទាប់ពីជោគជ័យនៅសៀមរាប ដូច្នេះដល់អ្នកតាកែវម្តង! ត្រៀមខ្លួនហើយនៅ?
×![]()
ដោយ: ថ្មីៗ
កម្មវិធីប្រឡងចម្រៀងបែប Digital “The Mask Singer Cambodia” ដែលឧបត្ថម្ភផ្តាច់មុខដោយក្រុមហ៊ុនស្មាតហ្វូន OPPO បានចាប់ផ្តើមដំណើរការជម្រុះវគ្គដំបូងផ្តើមពីខេត្តសៀមរាប នៅផ្សារ ហេរីថេក(The Heritage Walk) ដោយផ្ទុះការគាំទ្រខ្លាំងពីសំណាក់មហាជន និងអ្នកគាំទ្រស្មាត ហ្វូន OPPO កាលពីថ្ងៃទី១ ខែកញ្ញា ឆ្នាំ២០១៩ កន្លងទៅនេះ។
ការប្រកួតសមត្ថភាពចម្រៀងបែប Digital ដោយពាក់របាំងមុខ “The Mask Singer Cambodia” ជាលើកដំបូងនេះ ធ្វើឲ្យក្រុមអ្នកគាំទ្រមានការភ្ញាក់ផ្អើល និងទទួលបានអារម្មណ៍រំភើបសប្បាយរីករាយ នៅពេលដែលពួកគេបានជួបផ្ទាល់ជាមួយកំពូលតារាជាច្រើនរូប ដែលជា Idol របស់ពួកគេ ដោយពួកគាត់ចែករំលែកនូវបទពិសោធន៍ល្អៗ និងផ្តល់ទំនុកចិត្តដល់ពួកគេមុនពេលប្រកួតផងដែរ។ “The Mask Singer Cambodia” ជាកម្មវិធីដំបូង ពិតជាប្លែកភ្នែក ដូច្នេះមានមនុស្សមកទស្សនាច្រើន ធ្វើឲ្យពិបាកទស្សនាផ្ទាល់បន្តិច ប៉ុន្តែសម្រាប់បេក្ខជនចូលប្រលងគឺពុំចាំបាច់ហត់ប្រជៀតគ្នា ដើម្បីមើលការប្រគំតន្ត្រីនោះឡើយ។ ជាពិសេសគឺអាចមើលឃើញ Idol របស់យើងពេញភ្នែកតែម្តង ដោយសារមានជំនួយការពិសេស ដែលអាចZoom បានប្រវែង វែង ហើយច្បាស់ក្រឡែតនោះគឺ OPPO Ren 10x Hybrid Zoom (ដែលមានបង្កប់កាមេរ៉ា 60X Digital Zoom)។
សូមបញ្ជាក់ថា បេក្ខជនជ័យលាភី នៅក្នុងកម្មវិធី The Mask Singer Cambodia ដែលឧបត្ថម្ភធំដោយទូរស័ព្ទ OPPO នេះ នឹងទទួលបានទឹកប្រាក់សុទ្ធ ១០០,០០០,០០០រៀល (១រយលានរៀល) ស្មើនឹងប្រមាណ ២ម៉ឺ ៥ពាន់ ដុល្លារអាមេរិក។ ថាមិនត្រូវ អាចមានរង្វាន់ទូរស័ព្ទដៃផងដែរ។ បន្ទាប់ពីខេត្តសៀមរាប គឺមានខេត្តតាកែវ នៅថ្ងៃទី៣ ខែកញ្ញា និងខេត្តកំពង់ចាម បាត់ដំបង និងរាជធានីភ្នំពេញ មុននឹងឈានដល់ការប្រកួតប្រជែងតាមវគ្គនីមួយៗ និងវគ្គផ្តាច់ព្រ័ត្រ ដែលនឹងមានការផ្សាយផ្ទាល់ នៅលើកញ្ចក់ទូរទស្សន៍ហង្សមាសផងដែរ។ លក្ខខណ្ឌនៃការចូលប្រលងចម្រៀងបែប Digital នេះ គឺតម្រូវឲ្យបេក្ខជនទាំងអស់បិតរបាំងមុខ ទៅតាមស្ទីលរបស់ពួកគេរៀងៗខ្លួន និងបង្ហាញសមត្ថភាពពិត ការបញ្ចេញសម្លេងពិតរបស់ពួកគេ នៅលើឆាកតន្ត្រីដ៏ធំសម្បើមខ្នាតអន្តរជាតិ នៅមុខមហាជនរាប់លាននាក់។ នៅចាំអីទៀត អ្នកតាកែវ អ្នកកំពង់ចាម អ្នកបាត់ដំបង ត្រៀមហើយឬនៅ? ព័ត៌មានលម្អិតបងប្អូនចូលទៅកាន់ Page ផ្លូវការនេះបាន៕
(អត្ថបទពាណិជ្ជកម្ម)
Tag:
OPPO
© រក្សាសិទ្ធិដោយ thmeythmey.com
