ក្រសួងកសិកម្មឱ្យសហគ្រាស-កសិដា្ឋនត្រៀមលក្ខណៈដើម្បីនាំផលិតផល៦មុខទៅចិន

ជាតិ

ក្រសួងកសិកម្មឱ្យសហគ្រាស-កសិដា្ឋនត្រៀមលក្ខណៈដើម្បីនាំផលិតផល៦មុខទៅចិន

06, Sep 2019 , 9:59 pm

រូបភាព

ដោយ: អ៊ូ សុខមាន (OU Sokmean)

ភ្នំពេញ៖ ផលិតផលកសិកម្ម៦មុខ មានផ្លែស្វាយស្រស់ មៀនប៉ៃលិន ស្រកានាគ ដូងក្រអូប ម្រេច និងទឹកមាត់ត្រចៀកកាំ ត្រូវបានក្រសួងកសិកម្ម រុក្ខាប្រមាញ់ និងនេសាទ ជ្រើសរើសជាមុខទំនិញអាទិភាព សម្រាប់ជំរុញការនាំចេញទៅទីផ្សារប្រទេសចិន នាពេលខាងមុខ។ ជាមួយគ្នានេះ ក្រសួងប្រាប់ដល់បណ្តាម្ចាស់សហគ្រាស-កសិដា្ឋន តម្រូវឱ្យមានអនាម័យកែច្នៃ វេចខ្ចប់ និងភូតគាមអនាម័យសម្រាប់នាំចេញ។

យោងតាមលិខិតជម្រាបជូនរបស់ក្រសួងកសិកម្ម កាលពីថ្ងៃទី៣កញ្ញា អង្គភាពសមត្ថកិច្ចពាក់ព័ន្ធនឹងអនាម័យ និងភូតគាមអនាម័យនៃប្រទេសទាំងពីរ(កម្ពុជា-ចិន) នឹងធ្វើដំណើរការចរចាគ្នាអំពីលក្ខខណ្ឌភូតគាមអនាម័យលើផលិតផលនីមួយៗទាំង៦មុខខាងលើនេះ ជាមួយនឹងការត្រួតពិនិត្យ វាយតម្លៃនៅលើទីវាលផ្ទាល់ នៅតាមកសិដ្ឋាន និងទីតាំងកែច្នៃវេចខ្ចប់។

ដើម្បីឱ្យដំណើរការចរចានេះប្រព្រឹត្តបានដោយរលូន និងរហ័ស ក្រសួងកសិកម្ម បានសម្រេចឱ្យមន្ទីរកសិកម្មទាំងអស់ជំរុញម្ចាស់រោងចក្រកែច្នៃវេចខ្ចប់ផលិតផលកសិកម្មនេះ និងម្ចាស់់កសិដ្ឋានដែលមានបំណងនាំចេញផលិតផលកសិកម្មទាំង៦មុខនេះទៅកាន់ទីផ្សារចិន ត្រូវដាក់ពាក្យស្នើសុំចុះបញ្ជីានៅរាមយកដ្ឋានការពារដំណាំ អនាម័យ និងភូតគាមនៃអគ្គនាយកដ្ឋានកសិកម្ម៕