អន្តរជាតិ
លោក ឌូទើតេ ថា លោកស៊ី លើកសំណើការអភិវឌ្ឍរួមគ្នាក្នុងតំបន់សេដ្ឋកិច្ចផ្តាច់មុខរបស់ហ្វីលីពីន
ប្រធានាធិបតីឌូទើតេ និងប្រធានាធិបតីស៊ី ជិនភីង
×![]()
ដោយ: ធៀន ភារិន្ទ
ប្រធានាធិបតី រ៉ូទ្រីហ្គោ ឌូទើតេ បាននិយាយថាសមភាគីចិន បានផ្តល់សំណើរឿងការអភិវឌ្ឍរួមគ្នា នៅក្នុងតំបន់សមុទ្រចិនខាងត្បូង ប្រសិនបើទីក្រុងម៉ានីល យកតុលាការមជ្ឈកម្មអន្តរជាតិទុកនៅដោយឡែក។ 
ប្រធានាធិបតីហ្វីលីពីន រ៉ូទ្រីហ្គោ ឌូទើតេ បានអះអាងថា លោកស៊ី ជិនភីង បានលើកឡើងអំពីលក្ខខណ្ឌនៃការអភិវឌ្ឍរួមគ្នា ឬ Joint Development នៅកន្លែងដែលសម្បូរឧស្ម័នធម្មជាតិ Reed bank ប្រសិនបើហ្វីលីពីន យល់ព្រមដកសមត្ថកិច្ចតុលាការមជ្ឈកម្មអន្តរជាតិ កាលពីឆ្នាំ២០១៦។
ប្រាប់អ្នកយកសារព័ត៌មាន Reuters នៅថ្ងៃទី១១ ខែកញ្ញា មន្ត្រីការិយាល័យប្រធានាធិបតី ឌូទើតេ បានស្រង់យកពាក្យរបស់លោកមកបញ្ជាក់ប្រាប់ថា៖ «ទុកសមត្ថកិច្ចតុលាការមជ្ឈកម្មនៅម្ខាង»។ ក្នុងន័យស្រដៀងគ្នានេះដែរ លោកប្រធានាធិបតី ហ្វីលីពីន វ័យ៧៤ឆ្នាំ បានស្រង់យកពាក្យសម្តីរបស់លោកស៊ី ថា ឲ្យទុកការទាមទាររបស់ទីក្រុមម៉ានីល នៅដោយឡែកសិន។ បន្ទាប់មក សាកឲ្យប្រជាជនហ្វីលីពីន រកស៊ីជាមួយក្រុមហ៊ុនចិនសិនទៅ។ ប្រសិនបើវាល្អ ចិនឲ្យហ្វីលីពីន ៦០ភាគរយ ហើយចិនយកតែ ៤០ភាគរយប៉ុណ្ណោះ។
យ៉ាងណាក៏ដោយ អ្នកនាំពាក្យក្រសួងកាបរទេសចិន លោកស្រី Hua Chunying មិនបានបញ្ជាក់ច្បាស់លាស់អ្វីឡើយ ទៅនឹងការអះអាងខាងលើ។ លោកស្រីគ្រាន់តែគូសបញ្ជាក់ថា ហ្វីលីពីន បញ្ចេញឆន្ទៈរហ័សពេក លើកិច្ចសហប្រតិបត្តិការអភិវឌ្ឍ និងរុករកប្រេង និងឧស្ម័នធម្មជាតិ រវាងចិន និងហ្វីលីពីន។ តែយ៉ាងណាក្រុមការងារប្រទេសទាំងពីរ នឹងពិភាក្សាអំពីបញ្ហានេះឲ្យកាន់តែលំអិត។ ដោយឡែក លោកប្រធានាធិបតី ស៊ី ជិនភីង បានលើកឡើងថា កិច្ចសហប្រតិបត្តិការទ្វេភាគី នឹងផ្តល់ធនធានធម្មជាតិកាន់តែជាច្រើន។
តាមការយល់ឃើញរបស់រដ្ឋមន្ត្រីក្រសួងការបរទេសហ្វីលីពីន លោក Teodoro Locsin បានប្រាប់សារព័ត៌មាន ANC ថា ហ្វីលីពីន គួរតែជៀសពីកិច្ចព្រមព្រៀងមួយនេះ ព្រោះតុលាការបានចេញសេចក្តីសម្រេចរួចហើយថា ហ្វីលីពីន មានសមត្ថកិច្ចលើតំបន់ Reed Bank។ បើហ្វីលីពីនព្រមព្រៀងជាមួយចិន នោះវានឹងនាំឲ្យសេចក្តីសម្រេចរបស់តុលាការ គ្មានយុត្តាធិការ លើតំបន់ជម្លោះ។ បានន័យថា សេចក្តីសម្រេចរបស់តុលាការមជ្ឈកម្មអន្តរជាតិ គឺចុងក្រោយ និងចាប់បង្ខំឲ្យគូភាគីជម្លោះត្រូវតែគោរព។
សូមបញ្ជាក់ថា កាលពីឆ្នាំ ២០១៦ ហ្វីលីពីនបាននាំយកជម្លោះតំបន់សេដ្ឋកិច្ចផ្តាច់មុខរបស់ខ្លួនជាមួយចិន ទៅតុលាការមជ្ឈកម្មអន្តរជាតិ ដើម្បីទទួលបានសមត្ថិកច្ចលើតំបន់ជម្លោះ។ តុលាការ បានសម្រេចទទួលស្គាល់ថា ហ្វីលីពីនមានសមត្ថកិច្ចលើតំបន់សេដ្ឋកិច្ចផ្តាច់មុខរបស់ខ្លួន និងច្រានចោលសមត្ថកិច្ចរបស់ចិន ប៉ុន្តែចិន មិនទទួលស្គាល់យុត្តាធិការរបស់តុលាការមជ្ឈកម្មអន្តរជាតិឡើយ៕
ប្រធានាធិបតីហ្វីលីពីន រ៉ូទ្រីហ្គោ ឌូទើតេ បានអះអាងថា លោកស៊ី ជិនភីង បានលើកឡើងអំពីលក្ខខណ្ឌនៃការអភិវឌ្ឍរួមគ្នា ឬ Joint Development នៅកន្លែងដែលសម្បូរឧស្ម័នធម្មជាតិ Reed bank ប្រសិនបើហ្វីលីពីន យល់ព្រមដកសមត្ថកិច្ចតុលាការមជ្ឈកម្មអន្តរជាតិ កាលពីឆ្នាំ២០១៦។
ប្រាប់អ្នកយកសារព័ត៌មាន Reuters នៅថ្ងៃទី១១ ខែកញ្ញា មន្ត្រីការិយាល័យប្រធានាធិបតី ឌូទើតេ បានស្រង់យកពាក្យរបស់លោកមកបញ្ជាក់ប្រាប់ថា៖ «ទុកសមត្ថកិច្ចតុលាការមជ្ឈកម្មនៅម្ខាង»។ ក្នុងន័យស្រដៀងគ្នានេះដែរ លោកប្រធានាធិបតី ហ្វីលីពីន វ័យ៧៤ឆ្នាំ បានស្រង់យកពាក្យសម្តីរបស់លោកស៊ី ថា ឲ្យទុកការទាមទាររបស់ទីក្រុមម៉ានីល នៅដោយឡែកសិន។ បន្ទាប់មក សាកឲ្យប្រជាជនហ្វីលីពីន រកស៊ីជាមួយក្រុមហ៊ុនចិនសិនទៅ។ ប្រសិនបើវាល្អ ចិនឲ្យហ្វីលីពីន ៦០ភាគរយ ហើយចិនយកតែ ៤០ភាគរយប៉ុណ្ណោះ។
យ៉ាងណាក៏ដោយ អ្នកនាំពាក្យក្រសួងកាបរទេសចិន លោកស្រី Hua Chunying មិនបានបញ្ជាក់ច្បាស់លាស់អ្វីឡើយ ទៅនឹងការអះអាងខាងលើ។ លោកស្រីគ្រាន់តែគូសបញ្ជាក់ថា ហ្វីលីពីន បញ្ចេញឆន្ទៈរហ័សពេក លើកិច្ចសហប្រតិបត្តិការអភិវឌ្ឍ និងរុករកប្រេង និងឧស្ម័នធម្មជាតិ រវាងចិន និងហ្វីលីពីន។ តែយ៉ាងណាក្រុមការងារប្រទេសទាំងពីរ នឹងពិភាក្សាអំពីបញ្ហានេះឲ្យកាន់តែលំអិត។ ដោយឡែក លោកប្រធានាធិបតី ស៊ី ជិនភីង បានលើកឡើងថា កិច្ចសហប្រតិបត្តិការទ្វេភាគី នឹងផ្តល់ធនធានធម្មជាតិកាន់តែជាច្រើន។
តាមការយល់ឃើញរបស់រដ្ឋមន្ត្រីក្រសួងការបរទេសហ្វីលីពីន លោក Teodoro Locsin បានប្រាប់សារព័ត៌មាន ANC ថា ហ្វីលីពីន គួរតែជៀសពីកិច្ចព្រមព្រៀងមួយនេះ ព្រោះតុលាការបានចេញសេចក្តីសម្រេចរួចហើយថា ហ្វីលីពីន មានសមត្ថកិច្ចលើតំបន់ Reed Bank។ បើហ្វីលីពីនព្រមព្រៀងជាមួយចិន នោះវានឹងនាំឲ្យសេចក្តីសម្រេចរបស់តុលាការ គ្មានយុត្តាធិការ លើតំបន់ជម្លោះ។ បានន័យថា សេចក្តីសម្រេចរបស់តុលាការមជ្ឈកម្មអន្តរជាតិ គឺចុងក្រោយ និងចាប់បង្ខំឲ្យគូភាគីជម្លោះត្រូវតែគោរព។
សូមបញ្ជាក់ថា កាលពីឆ្នាំ ២០១៦ ហ្វីលីពីនបាននាំយកជម្លោះតំបន់សេដ្ឋកិច្ចផ្តាច់មុខរបស់ខ្លួនជាមួយចិន ទៅតុលាការមជ្ឈកម្មអន្តរជាតិ ដើម្បីទទួលបានសមត្ថិកច្ចលើតំបន់ជម្លោះ។ តុលាការ បានសម្រេចទទួលស្គាល់ថា ហ្វីលីពីនមានសមត្ថកិច្ចលើតំបន់សេដ្ឋកិច្ចផ្តាច់មុខរបស់ខ្លួន និងច្រានចោលសមត្ថកិច្ចរបស់ចិន ប៉ុន្តែចិន មិនទទួលស្គាល់យុត្តាធិការរបស់តុលាការមជ្ឈកម្មអន្តរជាតិឡើយ៕
Tag:
ហ្វីលីពីន
ចិន
© រក្សាសិទ្ធិដោយ thmeythmey.com
