ប្រយ័ត្ន​! ខួរក្បាល​ឆាប់​ខូច​មិន​ខាន ប្រសិនបើ​មិន​បញ្ឈប់​ទម្លាប់​ទាំងនេះ​
ពីនេះ ពីនោះ / មិនយល់...!
ព័ត៍មានសុខភាព
ប្រយ័ត្ន​! ខួរក្បាល​ឆាប់​ខូច​មិន​ខាន ប្រសិនបើ​មិន​បញ្ឈប់​ទម្លាប់​ទាំងនេះ​
20, Sep 2019 , 8:59 pm        
រូបភាព
ដោយ: ថ្មីៗ
ភាគច្រើន​ប្រហែលជា​មិន​ធ្លាប់​ចាប់អារម្មណ៍​អំពី​ទម្លាប់​ធម្មតាៗ ប៉ុន្តែ​អាច​បង្ក​ប៉ះពាល់​ដល់​សុខភាព​ខួរក្បាល​ឡើយ​! ថា​តើ​ទម្លាប់​អ្វី​ខ្លះទៅ​ដែល​អាចធ្វើឱ្យ​អ្នកមាន​ខួរក្បាល​មិន​ឆ្លាត​វៃ​?



​ខាងក្រោម​នេះ​យើង នឹង​បង្ហាញ​ឱ្យដឹងពី​សកម្មភាព​ប្រចាំថ្ងៃ​ដែល​គួរ​បញ្ឈប់​ភ្លាម​ប្រសិនបើ​ចង់​រក្សាបាន​នូវ​សុខភាព​ខួរក្បាល​ល្អប្រសើរ ៖

១. មិន​ទទួលទាន​អាហារ​ពេលព្រឹក​

​អ្នក​ដែល​មិន​ទទួលទាន​អាហារ​ពេលព្រឹក​នឹងមាន​កម្រិត​ជាតិ​ស្ករ​ក្នុង​ឈាម​ទាប​ពេក​ដែលជា​មូលហេតុ​នៃ​កង្វះ​ការផ្គត់ផ្គង់​សារធាតុចិញ្ចឹម​គ្រប់គ្រាន់​ទៅកាន់​ខួរក្បាល​។

២. ទទួលទាន​អាហារ​មាន​ផ្ទុក​ជាតិ​សូ​ដ្យូ​ម​

​ការទទួល​ទាន​អាហារ​មាន​ផ្ទុក​ជាតិ​សូ​ដ្យូ​ម ឬ​អាហារ​ប្រៃ​ច្រើនពេក គឺ​មិនល្អ​សម្រាប់​សុខភាព​សម្ពាធ​ឈាម​និង​បេះដូង​ឡើយ​។ លើសពីនេះទៅទៀត​ការទទួល​ទាន​អាហារ​មាន​ជាតិ​សូ​ដ្យូ​ម​ច្រើន​អាច​បង្ក​ផលប៉ះពាល់​ដល់​មុខងារ​នៃ​ភាព​យល់ដឹង​របស់​ខួរក្បាល​គួរអោយ​ព្រួយបារម្ភ​។ ដូច្នេះ​ប្រសិនបើ​អ្នក​ចង់​រក្សាបាន​នូវ​សុខភាព​ខួរក្បាល ក៏ដូចជា​បេះដូង​ល្អប្រសើរ ចូរ​កាត់បន្ថយ ឬ​បញ្ឈប់​ការទទួល​ទាន​អាហារ​ដែលមាន​ផ្ទុក​សម្បូរ​ទៅដោយ​ជាតិ​សូ​ដ្យូ​ម​។​

៣. ទទួលទាន​សាច់​កែច្នៃ​

​ពិតណាស់​ជាតិ​ប្រូតេអ៊ីន គឺ​ចាំបាច់​សម្រាប់​រក្សា​សុខភាព​កោសិកា​ខួរក្បាល ប៉ុន្តែ​មិនល្អ​សោះឡើយ​ប្រសិនបើ​វា​មាន​ប្រភព​ចេញពី​អាហារ ឬ​សាច់​កែច្នៃ​។ អាហារ​កែច្នៃ​ច្រើន​តែមាន​ផ្ទុក​នូវ​សារ​ធាតុគីមី​ដែល​អាច​បង្ក​ការ​រលាក និង​បំផ្លាញ​ដល់​កោសិកា​ខួរក្បាល​។

៤. ពិសារ​គ្រឿង​ស្រវឹង​ច្រើន​

​ក្រៅពី​សុខភាព​ថ្លើម​ហើយ​នោះ ការទទួល​ទាន​គ្រឿង​ស្រវឹង​ច្រើន​ជាប្រចាំ​ក៏​ជះឥទ្ធិពល​លើ​សុខភាព​និង​សមត្ថភាព​យល់ដឹង​ចងចាំ​របស់​ខួរក្បាល​ផងដែរ​។​ដូច្នេះ​ដើម្បី​រក្សាបាន​នូវ​សុខភាព​ខួរក្បាល​ល្អប្រសើរ​ចូរ​បញ្ឈប់ ឬ​កាត់បន្ថយ​ការទទួល​ទាន​គ្រឿង​ស្រវឹង​។​

៥. ជក់បារី​

​សារធាតុ​គីមី​ក្នុង​បារី​មាន​ឥទ្ធិពល​ធ្វើឱ្យ​ខួរក្បាល​រួម​តូច ហើយ​អាច​ឈានដល់​ថ្នាក់​កើត​ជំងឺ​ភ្លេចភ្លាំង ឬ​វង្វេងវង្វាន់​ទៀតផង​។​

៦. គេង​មិន​គ្រប់​

​ការ​គេង​អនុញ្ញាតឱ្យ​ខួរក្បាល​មាន​ពេល​សម្រាក​។ ដូច្នេះហើយ​ទើប​ការ​គេង​មិន​គ្រប់​រយៈពេល​យូរ​អាច​បណ្ដាលឱ្យ​ងាប់​កោសិកា​ខួរក្បាល​៕

​ត្រួតពិនិត្យ​ដោយ www.health.com.kh​

© រក្សាសិទ្ធិដោយ thmeythmey.com