បុណ្យភ្ជុំបិណ្ឌ
ពីនេះ ពីនោះ
×![]()
ដោយ: ថ្មីៗ
ពលរដ្ឋភាគច្រើនពិតជាបានដឹងថា «នំអន្សម» មានរសជាតិ និងរូបរាងយ៉ាងម៉េចហើយ។ ពិតណាស់«នំអន្សម»ជាឈ្មោះនំធ្វើដោយអង្ករដំណើបខ្ចប់ដោយស្លឹកចេកស្រស់ ដែលមានរាងមូលរលស្មើចុងស្មើដើម ចម្អិន ដោយស្ងោរ ឬអាំង។ «នំអន្សម» មានច្រើនប្រភេទ គឺនំអន្សមចេក នំអន្សមជ្រូក នំអន្សមដូង នំអន្សមអាំង ជាដើម។
ប្រភេទនៃនំអន្សមទាំងនេះ មានលក្ខណៈខុសគ្នា ដោយនំអន្សមចេក គឺជានំអន្សមដាក់ចេកណាំវ៉ាទុំមូលជាស្នូល ជាមួយអង្គរដំណើប, នំអន្សមជ្រូកជាប្រភេទនំ ដាក់សាច់ជ្រូក និងសណ្តែកលឿងជាស្នូល,នំអន្សមដូង ជាប្រភេទនំដាក់ខ្ទិះដូង ឬសាច់ដូងទុំកោសជាស្នូល។ ចំណែកនំអន្សមអាំង ជានំអន្សមដែលគេយកទៅអាំង។
«នំអន្សម» និង«នំគម នំបត់ និងនំមង្គល» មានកំណើតក្នុងសម័យកាលដែលខ្មែរបុរាណគោរពព្រហ្មញសាសនា ពោលគឺការគោរពអង្គកាយព្រះសេវៈ ដែលតំណាងដោយនំអន្សម គោរពអង្គកាយនាងឧមា ដែលតំណាងដោយនំគម និងការគោរពផែនដី ដែលតំណាងឲ្យនំបត់។ នេះបើតាមការបញ្ជាក់ពីលោក ហ៊ាង រិទ្ធ អ្នកស្រាវជ្រាវវប្បធម៌ និងអរិយធម៌ខ្មែរ៕
© រក្សាសិទ្ធិដោយ thmeythmey.com
