អន្តរជាតិ
លោក ឌូទើតេ បញ្ជាភ្នាក់ងាររដ្ឋឲ្យផ្អាកការចរចាកម្ចីនិងជំនួយជាមួយដៃគូដែលគាំទ្រការស៊ើបអង្កេតសង្គ្រាមគ្រឿងញៀន
×![]()
ប្រមុខដឹកនាំហ្វីលីពីន លោក រ៉ូឌ្រីហ្គោ ឌូទើតេ បានចេញការបង្គាប់បញ្ជាមួយឲ្យមន្ត្រីរដ្ឋាភិបាល និងអង្គភាពរបស់រដ្ឋផ្អាកការចរចាលើកិច្ចព្រមព្រៀងស្តីពីកម្ចី និងជំនួយជាមួយនឹងដៃគូពាក់ព័ន្ធ ដែលចូលរួមគាំទ្រការបើកការស៊ើបអង្កេតរបស់ក្រុមប្រឹក្សាសិទ្ធិមនុស្សអង្គការសហប្រជាជាតិ លើស្ថានភាពសិទ្ធិមនុស្សរបស់ហ្វីលីពីន។ 
តាមរយៈលិខិតបង្គាប់បញ្ជារបស់ប្រធានាធិបតី មន្ត្រីពាក់ព័ន្ធរបស់រដ្ឋាភិបាលហ្វីលីពីនទាំងអស់ត្រូវព្យួរទាំងការចរចា និងការចុះហត្ថលេខាលើកិច្ចព្រមព្រៀងកម្ចី និងជំនួយទាំងអស់ជាមួយនឹងប្រទេស និងដៃគូដែលឧបត្ថម្ភ និងគាំទ្រលើសេចក្តីសម្រេចរបស់អង្គការសហប្រជាជាតិលើការស៊ើបអង្កេតពីស្ថានភាពសិទ្ធិមនុស្សរបស់ហ្វីលីពីន។ នេះបើយោងតាមការចុះផ្សាយរបស់សារព័ត៌មាន Financial Times។
តាមប្រភព័ត៌មានដដែលនោះ លិខិតបង្គាប់បញ្ជា ដែលដំបូងឡើយត្រូវបានចាត់ទុកជាការសម្ងាត់ផងនោះ គឺជាផ្នែកមួយ នៃការច្រានចោលលើការចោទប្រកាន់របស់សហគមន៍អន្តរជាតិ លើចំណាត់ការរបស់រដ្ឋបាលដឹកនាំលោកប្រធានាធិបតី រ៉ូឌ្រីហ្គោ ឌូទើតេ ក្នុងការបោសសម្អាត និងប្រយុទ្ធប្រឆាំងនឹងគ្រឿងញៀន ដែលត្រូវបានគេស្គាល់យ៉ាងទូលំទូលាយថា សង្គ្រាមគ្រឿងញៀន។
គួររម្លឹកថា នៅខែកក្កដាកន្លងទៅ ក្រុមប្រឹក្សាសិទ្ធិមនុស្សអង្គការសហប្រជាជាតិ បានអនុម័តលើសេចក្តីសម្រេចមួយ ដើម្បីដំណើរការការស៊ើបអង្កេតលើការស្លាប់របស់ប្រជាជនហ្វីលីពីនដែលភ្នាក់ងារសិទ្ធិមនុស្សអង្គការសហប្រជាជាតិរកឃើញរហូតដល់ជាង២ម៉ឺននាក់ តាមរយៈសង្គ្រាមគ្រឿងញៀនរបស់លោកប្រធានាធិបតី ឌូទើតេ។
គួរឲ្យកត់សម្គាល់ផងនោះ សេចក្តីសម្រេចរបស់ក្រុមប្រឹក្សាសិទ្ធិមនុស្សអង្គសហប្រជាជាតិពេលនោះ ត្រូវបានដឹកនាំដោយ អ៊ីស្លង់ និងគាំទ្រដោយបណ្តាប្រទេស១៨ផ្សេងទៀតរួមមានទាំង អង់គ្លេស អូស្ត្រាលី សាធារណរដ្ឋឆែក ដាណឺម៉ាក និងអេស្បាញជាដើមនោះ។ ពោលគឺប្រទេសទាំងនេះ គឺជាមុខសញ្ញាដែលហ្វីលីពីន ត្រូវផ្អាកការចរចា និងចុះហត្ថលេខាលើកម្ចី និងជំនួយ។
តាមពិតទៅសង្គ្រាមគ្រឿងញៀនរបស់លោកប្រធានាធិបតី ឌូទើតេ មិនត្រឹមតែស្ថិតនៅក្នុងការស៊ើបអង្កេតរបស់ក្រុមប្រឹក្សាសិទ្ធិមនុស្សអង្គការសហប្រជាជាតិនោះទេ តែបញ្ហានេះ ក៏កំពុងតែស្ថិតនៅក្នុងកណ្តាប់ដៃរបស់តុលាការព្រហ្មទណ្ឌអន្តរជាតិ ដែលជាតុលាការព្រហ្មទណ្ឌដ៏មានឥទ្ធិពលរបស់ពិភពលោកផងដែរ៕
តាមរយៈលិខិតបង្គាប់បញ្ជារបស់ប្រធានាធិបតី មន្ត្រីពាក់ព័ន្ធរបស់រដ្ឋាភិបាលហ្វីលីពីនទាំងអស់ត្រូវព្យួរទាំងការចរចា និងការចុះហត្ថលេខាលើកិច្ចព្រមព្រៀងកម្ចី និងជំនួយទាំងអស់ជាមួយនឹងប្រទេស និងដៃគូដែលឧបត្ថម្ភ និងគាំទ្រលើសេចក្តីសម្រេចរបស់អង្គការសហប្រជាជាតិលើការស៊ើបអង្កេតពីស្ថានភាពសិទ្ធិមនុស្សរបស់ហ្វីលីពីន។ នេះបើយោងតាមការចុះផ្សាយរបស់សារព័ត៌មាន Financial Times។
តាមប្រភព័ត៌មានដដែលនោះ លិខិតបង្គាប់បញ្ជា ដែលដំបូងឡើយត្រូវបានចាត់ទុកជាការសម្ងាត់ផងនោះ គឺជាផ្នែកមួយ នៃការច្រានចោលលើការចោទប្រកាន់របស់សហគមន៍អន្តរជាតិ លើចំណាត់ការរបស់រដ្ឋបាលដឹកនាំលោកប្រធានាធិបតី រ៉ូឌ្រីហ្គោ ឌូទើតេ ក្នុងការបោសសម្អាត និងប្រយុទ្ធប្រឆាំងនឹងគ្រឿងញៀន ដែលត្រូវបានគេស្គាល់យ៉ាងទូលំទូលាយថា សង្គ្រាមគ្រឿងញៀន។
គួររម្លឹកថា នៅខែកក្កដាកន្លងទៅ ក្រុមប្រឹក្សាសិទ្ធិមនុស្សអង្គការសហប្រជាជាតិ បានអនុម័តលើសេចក្តីសម្រេចមួយ ដើម្បីដំណើរការការស៊ើបអង្កេតលើការស្លាប់របស់ប្រជាជនហ្វីលីពីនដែលភ្នាក់ងារសិទ្ធិមនុស្សអង្គការសហប្រជាជាតិរកឃើញរហូតដល់ជាង២ម៉ឺននាក់ តាមរយៈសង្គ្រាមគ្រឿងញៀនរបស់លោកប្រធានាធិបតី ឌូទើតេ។
គួរឲ្យកត់សម្គាល់ផងនោះ សេចក្តីសម្រេចរបស់ក្រុមប្រឹក្សាសិទ្ធិមនុស្សអង្គសហប្រជាជាតិពេលនោះ ត្រូវបានដឹកនាំដោយ អ៊ីស្លង់ និងគាំទ្រដោយបណ្តាប្រទេស១៨ផ្សេងទៀតរួមមានទាំង អង់គ្លេស អូស្ត្រាលី សាធារណរដ្ឋឆែក ដាណឺម៉ាក និងអេស្បាញជាដើមនោះ។ ពោលគឺប្រទេសទាំងនេះ គឺជាមុខសញ្ញាដែលហ្វីលីពីន ត្រូវផ្អាកការចរចា និងចុះហត្ថលេខាលើកម្ចី និងជំនួយ។
តាមពិតទៅសង្គ្រាមគ្រឿងញៀនរបស់លោកប្រធានាធិបតី ឌូទើតេ មិនត្រឹមតែស្ថិតនៅក្នុងការស៊ើបអង្កេតរបស់ក្រុមប្រឹក្សាសិទ្ធិមនុស្សអង្គការសហប្រជាជាតិនោះទេ តែបញ្ហានេះ ក៏កំពុងតែស្ថិតនៅក្នុងកណ្តាប់ដៃរបស់តុលាការព្រហ្មទណ្ឌអន្តរជាតិ ដែលជាតុលាការព្រហ្មទណ្ឌដ៏មានឥទ្ធិពលរបស់ពិភពលោកផងដែរ៕
Tag:
ហ្វីលីពីន
គ្រឿងញៀន
© រក្សាសិទ្ធិដោយ thmeythmey.com
