អន្តរជាតិ
លោកនាយករដ្ឋមន្ត្រី មហាធៀ មហាម៉ាត់ នៅទីស្នាក់ការកណ្តាល UN ក្រុងញូវយ៉ក សហរដ្ឋអាមេរិក ថ្ងៃ ២៤ កញ្ញា ២០១៩ (Twitter@Cjedetofficial)
×![]()
ជារឿងមិននឹកស្មានដល់! នាយករដ្ឋមន្ត្រីម៉ាឡេស៊ី មហាធៀ មហាម៉ាត់ បានចាត់ទុកវិបត្តិរ៉ូហ៊ីងយ៉ាជា «អំពើប្រល័យពូជសាសន៍» ។ មេដឹកនាំរូបនេះ ក៏បានទទូចឲ្យសហគមន៍អន្តរជាតិរួមគ្នា ដោះស្រាយជាបន្ទាន់បញ្ហាដែលកំពុងកើតឡើងនេះនៅរដ្ឋរ៉ាក់ឃីននេះ។
ថ្លែងនៅក្រៅមហាសន្និបាតអង្គការសហប្រជាជាតិលើកទី៧៤ នៅថ្ងៃទី២៤ ខែកញ្ញា លោក មហាធៀ មហាម៉ាត់ គូសបញ្ជាក់ថា៖ «ឥឡូវចាប់ផ្តើមដោយការហៅឈ្មោះចំៗ។ អ្វីដែលបានកើតឡើងក្នុងរដ្ឋរ៉ាក់ឃីន (មីយ៉ាន់ម៉ា) គឺជាអំពើប្រល័យពូជសាសន៍» ។ ត្រង់នេះ លោក សំដៅលើ ការសម្លាប់រង្គាល, ការរំលោភផ្លូវភេទ (លើស្ត្រី) ជាប្រព័ន្ធ និងការបំពានដ៏គួរឲ្យស្អប់ខ្ពើមផ្សេងទៀតលើសិទ្ធិមនុស្ស។
ជនជាតិភាគតិចរ៉ូហ៊ីងយ៉ាប្រមាណ ៧៤ម៉ឺននាក់ បានរត់ភៀសខ្លួនពីភូមិកំណើតពួកគេក្នុងរដ្ឋរ៉ាក់ឃីន ក្រោយមានការបង្គ្រាបពីសំណាក់យោធាក្នុងខែសីហា ២០១៧ ។ ពួកគេបានចូលរួមជាមួយជនភៀសខ្លួនជិត២០ម៉ឺននាក់ផ្សេងទៀត ដែលកំពុងរស់នៅក្នុងជំរំដ៏កខ្វក់តាមព្រំដែនបង់ក្លាដែសភាគអាគ្នេយ៍។
តាមការចុះផ្សាយរបស់ទីភ្នាក់ងារព័ត៌មាន Bernama លោកនាយករដ្ឋមន្ត្រី មហាធៀ បញ្ជាក់ទៀតថា ការធ្វើមាតុភូមិនិវត្តន៍ គួរតែជាអាទិភាពចម្បងរបស់ម៉ាយ៉ាន់ម៉ា ដើម្បីស្តែងចេញភាពប្រាកថប្រជាក្នុងការដោះស្រាយវិបត្តិនេះ។ ទោះបីមានកិច្ចប្រឹងប្រែងនាំយកពួកគេមកវិញក្តី ផែនការទាំងនោះ បានបរាជ័យ។ ត្រង់នេះ លោក មហាធៀ លើកឡើងថា ហេតុផលដែលគ្មាននរណាម្នាក់នឹងត្រលប់មកវិញនោះ ក៏ព្រោះតែពួកគេមិនមានអាម្មណ៍ថា សុវត្ថិភាពរបស់ពួកគេ ត្រូវបានធានាពីសំណាក់រដ្ឋាភិបាលមីយ៉ាន់ម៉ា។
ចំពោះបញ្ហានេះ លោក មហាធៀ អះអាងថា ម៉ាឡេស៊ី នឹងបន្តជួយជ្រោមជ្រែងសម្រាប់ការធ្វើមាតុភូមិនិវត្តន៍នេះប្រព្រឹត្តទៅដោយសុវត្ថិភាព, ស្ម័គ្រចិត្ត និងលក្ខណៈថ្លៃថ្នូ ហើយវិធីតែមួយគត់ដើម្បីសម្រេចរឿងនេះដោយជោគជ័យ គឺ ការផ្តល់សញ្ជាតិពេញលេញដល់ជនជាតិភាគតិចរ៉ូហ៊ីងយ៉ានោះ។
យ៉ាងណាមិញ អាជ្ញាធរមីយ៉ាន់ បានក្លែងបញ្ហារ៉ូហ៊ីងយ៉ា ដោយការបង្កើតភ្លើងស្អប់ ភ័យខ្លាច និងហិង្សាទៅវិញ។ ជាលទ្ធផល ត្រឹមតែការពិចារណាចំពោះគំនិតនៃការផ្តល់សញ្ជាតិបែបនេះ ជារឿងដែលមិនអាចទទួលយកបាន។ មេដឹកនាំម៉ាឡេស៊ី វ័យ៩៤ឆ្នាំរូបនេះ បានបញ្ជាក់បែបនេះ។
ដោយបញ្ជាក់យ៉ាងច្បាស់ថា រដ្ឋាភិបាលមីយ៉ាន់ម៉ា នឹងគ្មានឆន្ទៈដាក់ចេញសកម្មភាពណាមួយដើម្បីដោះស្រាយវិបត្តិនេះទេនោះ លោក មហាធៀ បានស្នើឲ្យសហគមន៍អន្តរជាតិរួមគ្នា ដោះស្រាយបញ្ហានេះ។ លោក សង្កត់ធ្ងន់ថា អង្គការសហប្រជាជាតិ គួរដើរតួយ៉ាងសំខាន់ក្នុងការបង្ការភាពវេទនាដែលបង្កើតឡើយដោយមនុស្សនាពេលអនាគត។ ក៏ប៉ុន្តែការស្ងៀមស្ងាត់ UN លើបញ្ហារ៉ូហ៊ីងយ៉ា ក៏កំពុងប្រែជាថ្លង់ផងដែរ។
ដោយកត់សម្គាល់ពីភាពអសកម្មពីសំណាក់ក្រុមប្រឹក្សាសន្តិសុខ UN លោកនាយករដ្ឋមន្ត្រី បានទទូចឲ្យអង្គការកិច្ចសហប្រតិបត្តិការអ៊ីស្លាម ហៅកាត់ថា OIC លើកឡើងពីបញ្ហារ៉ូហ៊ីងយ៉ានៅឯវេទិកាអន្តរជាតិ និងលើកយកបញ្ហានេះទៅកាន់តុលាការយុត្តិធម៌អន្តរជាតិ (ICJ) ។ ទាក់ទិនរឿងនេះ លោក សង្ឃឹមថា បណ្តាប្រទេសផ្សេងទៀត នឹងគាំទ្រអង្គការ OIC ដើម្បីធានាថា ជនដៃដល់ មិនអាចរត់គេចផុតជាមួយឧក្រិដ្ឋកម្មដែលពួកគេបានប្រព្រឹត្ត៕
ថ្លែងនៅក្រៅមហាសន្និបាតអង្គការសហប្រជាជាតិលើកទី៧៤ នៅថ្ងៃទី២៤ ខែកញ្ញា លោក មហាធៀ មហាម៉ាត់ គូសបញ្ជាក់ថា៖ «ឥឡូវចាប់ផ្តើមដោយការហៅឈ្មោះចំៗ។ អ្វីដែលបានកើតឡើងក្នុងរដ្ឋរ៉ាក់ឃីន (មីយ៉ាន់ម៉ា) គឺជាអំពើប្រល័យពូជសាសន៍» ។ ត្រង់នេះ លោក សំដៅលើ ការសម្លាប់រង្គាល, ការរំលោភផ្លូវភេទ (លើស្ត្រី) ជាប្រព័ន្ធ និងការបំពានដ៏គួរឲ្យស្អប់ខ្ពើមផ្សេងទៀតលើសិទ្ធិមនុស្ស។
ជនជាតិភាគតិចរ៉ូហ៊ីងយ៉ាប្រមាណ ៧៤ម៉ឺននាក់ បានរត់ភៀសខ្លួនពីភូមិកំណើតពួកគេក្នុងរដ្ឋរ៉ាក់ឃីន ក្រោយមានការបង្គ្រាបពីសំណាក់យោធាក្នុងខែសីហា ២០១៧ ។ ពួកគេបានចូលរួមជាមួយជនភៀសខ្លួនជិត២០ម៉ឺននាក់ផ្សេងទៀត ដែលកំពុងរស់នៅក្នុងជំរំដ៏កខ្វក់តាមព្រំដែនបង់ក្លាដែសភាគអាគ្នេយ៍។
តាមការចុះផ្សាយរបស់ទីភ្នាក់ងារព័ត៌មាន Bernama លោកនាយករដ្ឋមន្ត្រី មហាធៀ បញ្ជាក់ទៀតថា ការធ្វើមាតុភូមិនិវត្តន៍ គួរតែជាអាទិភាពចម្បងរបស់ម៉ាយ៉ាន់ម៉ា ដើម្បីស្តែងចេញភាពប្រាកថប្រជាក្នុងការដោះស្រាយវិបត្តិនេះ។ ទោះបីមានកិច្ចប្រឹងប្រែងនាំយកពួកគេមកវិញក្តី ផែនការទាំងនោះ បានបរាជ័យ។ ត្រង់នេះ លោក មហាធៀ លើកឡើងថា ហេតុផលដែលគ្មាននរណាម្នាក់នឹងត្រលប់មកវិញនោះ ក៏ព្រោះតែពួកគេមិនមានអាម្មណ៍ថា សុវត្ថិភាពរបស់ពួកគេ ត្រូវបានធានាពីសំណាក់រដ្ឋាភិបាលមីយ៉ាន់ម៉ា។
ចំពោះបញ្ហានេះ លោក មហាធៀ អះអាងថា ម៉ាឡេស៊ី នឹងបន្តជួយជ្រោមជ្រែងសម្រាប់ការធ្វើមាតុភូមិនិវត្តន៍នេះប្រព្រឹត្តទៅដោយសុវត្ថិភាព, ស្ម័គ្រចិត្ត និងលក្ខណៈថ្លៃថ្នូ ហើយវិធីតែមួយគត់ដើម្បីសម្រេចរឿងនេះដោយជោគជ័យ គឺ ការផ្តល់សញ្ជាតិពេញលេញដល់ជនជាតិភាគតិចរ៉ូហ៊ីងយ៉ានោះ។
យ៉ាងណាមិញ អាជ្ញាធរមីយ៉ាន់ បានក្លែងបញ្ហារ៉ូហ៊ីងយ៉ា ដោយការបង្កើតភ្លើងស្អប់ ភ័យខ្លាច និងហិង្សាទៅវិញ។ ជាលទ្ធផល ត្រឹមតែការពិចារណាចំពោះគំនិតនៃការផ្តល់សញ្ជាតិបែបនេះ ជារឿងដែលមិនអាចទទួលយកបាន។ មេដឹកនាំម៉ាឡេស៊ី វ័យ៩៤ឆ្នាំរូបនេះ បានបញ្ជាក់បែបនេះ។
ដោយបញ្ជាក់យ៉ាងច្បាស់ថា រដ្ឋាភិបាលមីយ៉ាន់ម៉ា នឹងគ្មានឆន្ទៈដាក់ចេញសកម្មភាពណាមួយដើម្បីដោះស្រាយវិបត្តិនេះទេនោះ លោក មហាធៀ បានស្នើឲ្យសហគមន៍អន្តរជាតិរួមគ្នា ដោះស្រាយបញ្ហានេះ។ លោក សង្កត់ធ្ងន់ថា អង្គការសហប្រជាជាតិ គួរដើរតួយ៉ាងសំខាន់ក្នុងការបង្ការភាពវេទនាដែលបង្កើតឡើយដោយមនុស្សនាពេលអនាគត។ ក៏ប៉ុន្តែការស្ងៀមស្ងាត់ UN លើបញ្ហារ៉ូហ៊ីងយ៉ា ក៏កំពុងប្រែជាថ្លង់ផងដែរ។
ដោយកត់សម្គាល់ពីភាពអសកម្មពីសំណាក់ក្រុមប្រឹក្សាសន្តិសុខ UN លោកនាយករដ្ឋមន្ត្រី បានទទូចឲ្យអង្គការកិច្ចសហប្រតិបត្តិការអ៊ីស្លាម ហៅកាត់ថា OIC លើកឡើងពីបញ្ហារ៉ូហ៊ីងយ៉ានៅឯវេទិកាអន្តរជាតិ និងលើកយកបញ្ហានេះទៅកាន់តុលាការយុត្តិធម៌អន្តរជាតិ (ICJ) ។ ទាក់ទិនរឿងនេះ លោក សង្ឃឹមថា បណ្តាប្រទេសផ្សេងទៀត នឹងគាំទ្រអង្គការ OIC ដើម្បីធានាថា ជនដៃដល់ មិនអាចរត់គេចផុតជាមួយឧក្រិដ្ឋកម្មដែលពួកគេបានប្រព្រឹត្ត៕
Tag:
ម៉ាឡេស៊ី
រ៉ាក់ឃីន
មីយ៉ាន់ម៉ា
© រក្សាសិទ្ធិដោយ thmeythmey.com
