អន្តរជាតិ
ប្រមុខមហាសន្និបាត ស្នើឲ្យមេដឹកនាំពិភពលោកផ្តល់ដំណោះស្រាយលើបញ្ហា ជាជាងការលើករិះគន់គ្នា
×![]()
ប្រធានមហាសន្និបាតអង្គការសហប្រជាជាតិ លោក Tijjani Muhammad-Bande បានទទូចឲ្យមេដឹកនាំពិភពលោកទាំងអស់រួមគ្នាដោះស្រាយលើបញ្ហារបស់ពិភពលោកដែលរាប់បញ្ចូលទាំងពាណិជ្ជកម្ម ការអភិវឌ្ឍ និងសន្តិសុខជាដើម។ ប្រធានមហាសន្និបាត ចង់ឃើញមេដឹកនាំផ្តល់ជាអនុសាសន៍ ឬដំណោះស្រាយ ជាជាងការចង្អុលមុខដាក់គ្នាដើម្បីទទួលខុសត្រូវលើបញ្ហានោះទេ។
តាមរយៈសុន្ទរកថាបើកកិច្ចប្រជុំរបស់មហាសន្និបាតអង្គការសហប្រជាជាតិ នៅថ្ងៃ២៤ កញ្ញា លោក Tijjani Muhammad-Bande បានក្រើនរម្លឹកមេដឹកនាំពិភពលោកត្រូវដោះស្រាយបញ្ហាដែលនៅក្នុងដៃដែលសំខាន់ និងបន្ទាន់ ជាពិសេសនោះបញ្ហាដែលគំរាមកំហែងដល់សន្តិសុខ និងសន្តិភាពអន្តរជាតិ ក៏ដូចជាគោលដៅអភិវឌ្ឍប្រកបដោយនិរន្តរភាព។
លោក បានបន្តថា ពិភពលោក ត្រូវការដំណោះស្រាយដើម្បីបញ្ចប់បញ្ហា ដូចជាជម្លោះហិង្សា ភេរវកម្ម គ្រោះធម្មជាតិ ភាពក្រីក្រី ការជួញដូរមនុស្ស និងបម្រែបម្រួលអាកាសធាតុ ដែលបញ្ហាទាំងនោះ បានធ្វើឲ្យប្រជាជនទូទាំងពិភពលោករាប់លាននាក់ បានរងទុក្ខលំបាកវេទនា។
សម្រាប់ប្រមុខមហាសន្និបាតរូបនេះ តម្រូវការផ្នែកហិរញ្ញវត្ថុ និងការចែករំលែកបទពិសោធន៍កិច្ចសហប្រតិបត្តិការ គឺជាកត្តាចាំបាច់ណាស់ក្នុងការដោះស្រាយបញ្ហាទាំងនេះ។ លោក បានសន្យាធ្វើការជាមួយនឹងគ្រប់ភ្នាក់ងារជំនាញរបស់អង្គការសហប្រជាជាតិ និងភាគីពាក់ព័ន្ធដើម្បីកំណត់ការងារអាទិភាព ដើម្បីធ្វើឲ្យសន្តិភាព និងសន្តិសុខអន្តរជាតិ ក្លាយជាបេះដូងសម្រាប់អ្នកទាំងអស់គ្នា។
ខណៈបង្ហាញជំហរមិនគាំទ្រការចោទ និងដាក់កំហុសគ្នាលើបញ្ហា លោក បានស្នើឲ្យមេដឹកនាំពិភពលោក យកការអនុវត្តគោលការណ៍អភិវឌ្ឍន៍ប្រកបដោយនិរន្តភាព ជាការងារអាទិភាព ដែលប្រជាជនរាប់ពាន់លាននាក់ មិនមានឱកាសមកជជែកនៅទីស្នាក់ការរបស់អង្គការសហប្រជាជាតិ តែមានក្តីសង្ឃឹមថា នឹងត្រូវបានអនុវត្តប្រកបដោយជោគជ័យ៕
តាមរយៈសុន្ទរកថាបើកកិច្ចប្រជុំរបស់មហាសន្និបាតអង្គការសហប្រជាជាតិ នៅថ្ងៃ២៤ កញ្ញា លោក Tijjani Muhammad-Bande បានក្រើនរម្លឹកមេដឹកនាំពិភពលោកត្រូវដោះស្រាយបញ្ហាដែលនៅក្នុងដៃដែលសំខាន់ និងបន្ទាន់ ជាពិសេសនោះបញ្ហាដែលគំរាមកំហែងដល់សន្តិសុខ និងសន្តិភាពអន្តរជាតិ ក៏ដូចជាគោលដៅអភិវឌ្ឍប្រកបដោយនិរន្តរភាព។
លោក បានបន្តថា ពិភពលោក ត្រូវការដំណោះស្រាយដើម្បីបញ្ចប់បញ្ហា ដូចជាជម្លោះហិង្សា ភេរវកម្ម គ្រោះធម្មជាតិ ភាពក្រីក្រី ការជួញដូរមនុស្ស និងបម្រែបម្រួលអាកាសធាតុ ដែលបញ្ហាទាំងនោះ បានធ្វើឲ្យប្រជាជនទូទាំងពិភពលោករាប់លាននាក់ បានរងទុក្ខលំបាកវេទនា។
សម្រាប់ប្រមុខមហាសន្និបាតរូបនេះ តម្រូវការផ្នែកហិរញ្ញវត្ថុ និងការចែករំលែកបទពិសោធន៍កិច្ចសហប្រតិបត្តិការ គឺជាកត្តាចាំបាច់ណាស់ក្នុងការដោះស្រាយបញ្ហាទាំងនេះ។ លោក បានសន្យាធ្វើការជាមួយនឹងគ្រប់ភ្នាក់ងារជំនាញរបស់អង្គការសហប្រជាជាតិ និងភាគីពាក់ព័ន្ធដើម្បីកំណត់ការងារអាទិភាព ដើម្បីធ្វើឲ្យសន្តិភាព និងសន្តិសុខអន្តរជាតិ ក្លាយជាបេះដូងសម្រាប់អ្នកទាំងអស់គ្នា។
ខណៈបង្ហាញជំហរមិនគាំទ្រការចោទ និងដាក់កំហុសគ្នាលើបញ្ហា លោក បានស្នើឲ្យមេដឹកនាំពិភពលោក យកការអនុវត្តគោលការណ៍អភិវឌ្ឍន៍ប្រកបដោយនិរន្តភាព ជាការងារអាទិភាព ដែលប្រជាជនរាប់ពាន់លាននាក់ មិនមានឱកាសមកជជែកនៅទីស្នាក់ការរបស់អង្គការសហប្រជាជាតិ តែមានក្តីសង្ឃឹមថា នឹងត្រូវបានអនុវត្តប្រកបដោយជោគជ័យ៕
© រក្សាសិទ្ធិដោយ thmeythmey.com
