អន្តរជាតិ
អឺរ៉ុបនិងជប៉ុន ចុះកិច្ចព្រមព្រៀងជាមួយគ្នាដើម្បីប្រជែងជាមួយគម្រោងផ្លូវសូត្ររបស់ចិន
រូបភាព AFP
×![]()
ដោយ: ធៀន ភារិន្ទ
ប្រធានគណៈកម្មការអឺរ៉ុបលោក ហ្សង់-ក្លូដ ចាំងគើ (Jean-Claude Junker) និងនាយករដ្ឋមន្ត្រីជប៉ុន ស៊ិនហ្សូ អាបេ កាលពីថ្ងៃទី២៧ ខែកញ្ញា បានចុះហត្ថលេខាលើកិច្ចព្រមព្រៀងហេដ្ឋារចនាសម្ព័ន្ធ ការដឹកជញ្ជូន និងប្រព័ន្ធឌីជីថល ដើម្បីភ្ជាប់ទ្វីបអាស៊ីជាមួយអឺរ៉ុប។ កិច្ចសហប្រតិបត្តិការនេះ នឹងក្លាយជាគូប្រជែងគម្រោងយក្ស «ខ្សែក្រវាត់មួយ វិថីមួយ» របស់ចិន។ 
កិច្ចព្រមព្រៀងអឺរ៉ុបនិងជប៉ុន គឺជាផ្នែកមួយនៃយុទ្ធសាស្ត្រ «ការតភ្ជាប់ទ្វីបអាស៊ី» បានចាប់ផ្តើមឡើងក្នុងឆ្នាំ២០១៨ ដែលកើតឡើងក្នុងបរិបទនៃការព្រួយបារម្ភអំពីកំណើនឥទ្ធិពលផ្លូវសូត្រសតវត្សរ៍ថ្មីរបស់ចិន ដែលជាគម្រោងកសាងហេដ្ឋារចនាសម្ព័ន្ធនៅទូទាំងសកលលោក។ នេះបើតាមការផ្សាយរបស់កាសែត Japan Today ។
កិច្ចព្រមព្រៀងហេដ្ឋារចនាសម្ព័ន្ធដែលផ្ដួចផ្ដើមដោយអឺរ៉ុប និងជប៉ុន ផ្តោតទៅលើសារសំខាន់នៃការអភិវឌ្ឍយូរអង្វែងទាំងបរិស្ថាន និងហិរញ្ញវត្ថុ។ វានឹងនាំឲ្យមានការប្រកួតប្រជែងជាមួយគម្រោងផ្លូវមួយខ្សែរក្រវាត់មួយរបស់ចិនដែលត្រូវបានគេរិះគន់ថា នាំឲ្យប្រទេសមួយចំនួនធ្លាក់ចូលទៅក្នុងអន្ទាក់បំណុល និងមិនអាចងើបចេញរួច។
ថ្លែងក្នុងពិធីចុះហត្ថលេខា លោក ចាំងគើ បានបញ្ជាក់ថា គម្រោងនៃការតភ្ជាប់រវាងអឺរ៉ុបនិងអាស៊ីត្រូវតែជាការអភិវឌ្ឍយូរអង្វែងលើវិស័យហិរញ្ញវត្ថុ ត្រូវតែជាការតភ្ជាប់ជាមួយពិភពលោកសម្រាប់មនុស្សជំនាន់ក្រោយ ការថែរក្សាបរិស្ថានស្អាត និងមិនស្ថិតនៅក្រោមអន្ទាក់នៃបំណុល។ ទំនងសំដៅគម្រោងផ្លូវសូត្ររបស់ចិន ប្រមុខដឹកនាំអឺរ៉ុបរូបនេះបន្តថា គំនិតផ្ដួចផ្ដើមរវាងអឺរ៉ុប និងជប៉ុន មិនពឹងផ្អែកតែលើប្រទេសតែមួយ។
យ៉ាងណាមិញ គេមិនទាន់ច្បាស់ថា គម្រោងថ្មីអាចប្រជែងជាមួយគម្រោងយក្សរបស់ចិនឬយ៉ាងណាឡើយ ពិសេសផ្នែកហិរញ្ញវត្ថុតែម្ដង។ សម្រាប់គម្រោងរបស់ចិន គ្រាន់តែទំហំពាណិជ្ជកម្មក្នុងគម្រោងនេះ គឺមានទំហំទឹកប្រាក់រហូតដល់៥ទ្រីលានដុល្លារឯណោះ ចំណែកទំហំនៃការអភិវឌ្ឍផ្ទាល់ទៅក្រៅប្រទេសវិញ គឺមានរហូតដល់ ៦០ពាន់ដុល្លារអាមេរិក។
ជាការពិត ចិនបានប្រើប្រាស់គម្រោងខ្សែក្រវាត់មួយ វិថីមួយក្នុងគោលដៅបម្រើផលប្រយោជន៍ភូមិសាស្ត្រនយោបាយរបស់ខ្លួន។ ចំណែកឯអឺរ៉ុបវិញ មានទាំងលុយ និងជំនួយអភិវឌ្ឍដ៏ធំសម្បើម ប៉ុន្តែមិនអាចប្រើវាឲ្យមានឥទ្ធិពលលើប្រទេសផ្សេងដូចចិនបានឡើយ។
អឺរ៉ុបដែលនឹងមានក្បាលម៉ាស៊ីនដឹកនាំថ្មីនៅខែវិច្ឆិកាខាងមុខ បានសន្យាថា នឹងធ្វើជាតួអង្គដ៏សំខាន់មួយនៅក្នុងគម្រោងភូមិសាស្ត្រនយោបាយ និងការតភ្ជាប់អាស៊ីមួយនេះ។ គេក៏មើលឃើញផងដែរថា គម្រោងរបស់អឺរ៉ុបនិងជប៉ុននេះ ក៏មានគោលដៅទប់ស្កាត់ការកិច្ចសហប្រតិបត្តិការរវាងចិន និងអឺរ៉ុបខាងកើត និងកណ្តាល ជាទីដែលចិនជះលុយវិនិយោគរាប់ពាន់លានដុល្លារ៕
កិច្ចព្រមព្រៀងអឺរ៉ុបនិងជប៉ុន គឺជាផ្នែកមួយនៃយុទ្ធសាស្ត្រ «ការតភ្ជាប់ទ្វីបអាស៊ី» បានចាប់ផ្តើមឡើងក្នុងឆ្នាំ២០១៨ ដែលកើតឡើងក្នុងបរិបទនៃការព្រួយបារម្ភអំពីកំណើនឥទ្ធិពលផ្លូវសូត្រសតវត្សរ៍ថ្មីរបស់ចិន ដែលជាគម្រោងកសាងហេដ្ឋារចនាសម្ព័ន្ធនៅទូទាំងសកលលោក។ នេះបើតាមការផ្សាយរបស់កាសែត Japan Today ។
កិច្ចព្រមព្រៀងហេដ្ឋារចនាសម្ព័ន្ធដែលផ្ដួចផ្ដើមដោយអឺរ៉ុប និងជប៉ុន ផ្តោតទៅលើសារសំខាន់នៃការអភិវឌ្ឍយូរអង្វែងទាំងបរិស្ថាន និងហិរញ្ញវត្ថុ។ វានឹងនាំឲ្យមានការប្រកួតប្រជែងជាមួយគម្រោងផ្លូវមួយខ្សែរក្រវាត់មួយរបស់ចិនដែលត្រូវបានគេរិះគន់ថា នាំឲ្យប្រទេសមួយចំនួនធ្លាក់ចូលទៅក្នុងអន្ទាក់បំណុល និងមិនអាចងើបចេញរួច។
ថ្លែងក្នុងពិធីចុះហត្ថលេខា លោក ចាំងគើ បានបញ្ជាក់ថា គម្រោងនៃការតភ្ជាប់រវាងអឺរ៉ុបនិងអាស៊ីត្រូវតែជាការអភិវឌ្ឍយូរអង្វែងលើវិស័យហិរញ្ញវត្ថុ ត្រូវតែជាការតភ្ជាប់ជាមួយពិភពលោកសម្រាប់មនុស្សជំនាន់ក្រោយ ការថែរក្សាបរិស្ថានស្អាត និងមិនស្ថិតនៅក្រោមអន្ទាក់នៃបំណុល។ ទំនងសំដៅគម្រោងផ្លូវសូត្ររបស់ចិន ប្រមុខដឹកនាំអឺរ៉ុបរូបនេះបន្តថា គំនិតផ្ដួចផ្ដើមរវាងអឺរ៉ុប និងជប៉ុន មិនពឹងផ្អែកតែលើប្រទេសតែមួយ។
យ៉ាងណាមិញ គេមិនទាន់ច្បាស់ថា គម្រោងថ្មីអាចប្រជែងជាមួយគម្រោងយក្សរបស់ចិនឬយ៉ាងណាឡើយ ពិសេសផ្នែកហិរញ្ញវត្ថុតែម្ដង។ សម្រាប់គម្រោងរបស់ចិន គ្រាន់តែទំហំពាណិជ្ជកម្មក្នុងគម្រោងនេះ គឺមានទំហំទឹកប្រាក់រហូតដល់៥ទ្រីលានដុល្លារឯណោះ ចំណែកទំហំនៃការអភិវឌ្ឍផ្ទាល់ទៅក្រៅប្រទេសវិញ គឺមានរហូតដល់ ៦០ពាន់ដុល្លារអាមេរិក។
ជាការពិត ចិនបានប្រើប្រាស់គម្រោងខ្សែក្រវាត់មួយ វិថីមួយក្នុងគោលដៅបម្រើផលប្រយោជន៍ភូមិសាស្ត្រនយោបាយរបស់ខ្លួន។ ចំណែកឯអឺរ៉ុបវិញ មានទាំងលុយ និងជំនួយអភិវឌ្ឍដ៏ធំសម្បើម ប៉ុន្តែមិនអាចប្រើវាឲ្យមានឥទ្ធិពលលើប្រទេសផ្សេងដូចចិនបានឡើយ។
អឺរ៉ុបដែលនឹងមានក្បាលម៉ាស៊ីនដឹកនាំថ្មីនៅខែវិច្ឆិកាខាងមុខ បានសន្យាថា នឹងធ្វើជាតួអង្គដ៏សំខាន់មួយនៅក្នុងគម្រោងភូមិសាស្ត្រនយោបាយ និងការតភ្ជាប់អាស៊ីមួយនេះ។ គេក៏មើលឃើញផងដែរថា គម្រោងរបស់អឺរ៉ុបនិងជប៉ុននេះ ក៏មានគោលដៅទប់ស្កាត់ការកិច្ចសហប្រតិបត្តិការរវាងចិន និងអឺរ៉ុបខាងកើត និងកណ្តាល ជាទីដែលចិនជះលុយវិនិយោគរាប់ពាន់លានដុល្លារ៕
Tag:
ជប៉ុន
អ៊ឺរ៉ុប
ចិន
© រក្សាសិទ្ធិដោយ thmeythmey.com
