ជាតិ
រថយន្ត
វីដេអូ
Mercedes-Benz នឹងបង្ហាញកំណប់ទេសចរណ៍វប្បធម៌ ប្រវត្តិសាស្ត្រ និងធម្មជាតិ នៅភ្នំគូលែន
× ភ្នំពេញ៖ លោកស្រី វុធ សុខាវី តំណាងនៃក្រុមហ៊ុន Star Auto Cambodia ពន្យល់ពីមូលហេតុដែលរៀបចំកម្មវិធី «Mercedes-Benz និង កំណប់អាថ៌កំបាំង» នេះ ក្នុងគោលបំណង ចូលរួមលើកកម្ពស់វិស័យទេសចរណ៍នៅទូទាំងកម្ពុជា ស្វែងរក និងគាស់កកាយតំបន់ទេសចរណ៍ ដែលគេមិនសូវស្គាល់តំបន់ទេសចរណ៍សក្តានុពល និងពង្រីកសក្តានុពលតំបន់ទេសចរណ៍ដែលមានស្រាប់ឲ្យកាន់តែមានសកម្មភាពរស់រវើក។ ប្រជាពលរដ្ឋ ដែលទៅកម្សាន្តនៅបរទេស នឹងងាកមកកម្សាន្តនៅតាមតំបន់សក្តានុពលទេសចរណ៍ក្នុងស្រុកវិញ ហើយប្រជាពលរដ្ឋរស់នៅតាមតំបន់ទេសចរណ៍ទាំងនោះនឹងទទួលបានផលពីកម្មវិធី «Mercedes-Benz និង កំណប់អាថ៌កំបាំង» ។
ដើម្បីជ្រាបច្បាស់កាន់តែលម្អិត សូមអញ្ជើញទស្សនាបទសម្ភាសរវាងកញ្ញា ញឹក ស្រីល័ក្ខ អ្នកសារព័ត៌មាន ThmeyThmey ជាមួយលោកស្រី វុធ សុខាវី តំណាងក្រុមហ៊ុន Star Auto Cambodia ដូចតទៅ៖
សម្រាប់បេសកកម្មលើកទី៥ នេះ កម្មវិធី «Mercedes-Benz និងកំណប់អាថ៌កំបាំង» នឹងធ្វើដំណើរឆ្ពោះទៅ«រមណីយដ្ឋានវប្បធម៌ ប្រវត្តិសាស្ត្រ និងធម្មជាតិ» នៃខេត្តសៀមរាប។ គោលដៅសំខាន់ៗដែលក្រុមការងារនឹងចុះទៅដល់មានដូចជា រាជធានីបុរាណនៅលើភ្នំគូលែន ដែលសាងសង់មុនអង្គរ, ផ្លូវបុរាណចេញពីទីក្រុងអង្គរឆ្ពោះទៅតំបន់សំខាន់ៗនៃអាណាចក្រអង្គរ, ទីតាំងយកថ្មមកកសាងប្រាសាទ នាសម័យអង្គរ និងឈ្វេងយល់ពីប្រព័ន្ធទឹកកសិន្ធុអង្គរវត្ត ដែលជួយទប់លំនឹងប្រាសាទ និងការគ្រប់គ្រងទឹកកសិន្ធុអង្គរវត្ត នៅក្នុងរូវប្រាំងនិងរដូវស្សា ជាដើម។
ក្រុមការងារនៃកម្មវិធី «Mercedes-Benz និងកំណប់អាថ៌កំបាំង» នឹងផ្តិតយកទស្សនីយភាពនៃសក្តានុពលទេសចណ៍ល្អឯកនៃ«រមណីយដ្ឋានវប្បធម៌ ប្រវត្តិសាស្ត្រ និងធម្មជាតិ» នៅក្នុងទឹកដីអង្គរសៀមរាបមក ផ្សព្វផ្សាយជូនប្រិយមិត្តដែលតាមដានកម្មវិធី «Mercedes-Benz និងកំណប់អាថ៌កំបាំង» នៅថ្ងៃទី៧-៩ ខែតុលា ឆ្នាំ២០១៩ ខាងមុខនេះ។
សូមបញ្ជាក់ថា កម្មវិធី «Mercedes-Benz និងកំណប់អាថ៌កំបាំង» ផ្តួចផ្តើមឡើងដោយក្រុមហ៊ុន Star Auto Cambodia សហការជាមួយសារព័ត៌មានអេឡិចត្រូនិក ThmeyThmey.com និង អង្គភាព Fresh News និងគាំទ្រដោយក្រសួងទេសចរណ៍។ កម្មវិធីនេះ បង្កើតឡើងដើម្បីចូលរួមលើកកម្ពស់វិស័យទេសចរណ៍នៅទូទាំងកម្ពុជា ស្វែងរក និងគាស់កកាយតំបន់ទេសចរណ៍ដែលគេមិនសូវស្គាល់ ឬតំបន់ទេសចរណ៍សក្តានុពលដែលត្រូវគេមើលរំលង, ពង្រីកសក្តានុពលតំបន់ទេសចរណ៍ដែលមានស្រាប់ឲ្យកាន់តែមានសកម្មភាពរស់រវើក និងផ្សព្វផ្សាយតំបន់ទេសចរណ៍ទាំងនោះឲ្យកាត់តែល្បីល្បាញមួយកម្រិតទៀត៕
Tag:
Mercedes-Benz
ភ្នំគូលែន
© រក្សាសិទ្ធិដោយ thmeythmey.com